JEREMIAH 23:16 - LEKHARABU INTHENG (BSI)

¹⁶ Chunghnung Rōngpu’n Jerusalema mihei hneng ahri, “Sânkathemhei ṭonghri kha rangei mak ruh; akadik mak inhōrna vâng anmansip chei. Anmani’n kei tahri kha hrimak hei, anmani tamandon kha anhri pek cheia kae.

JEREMIAH 23:16 ပူးပေါင်းရင်းမြစ်များ

RENGHEI INKHATNA 22:11

Ankâra Chenaana sapa Zedekiah’n thir raki inkhat asyema Ahab hneng ahri, “Rōngpu’n ahri kha hi kae: ‘Hiva vâng hin Syriahei re natlo sik hei kae, khana pui katluk a nator sik hei kae.’”

RENGHEI INHNINA 17:15

Ama mansena ṭong juihnōm mak hei, anpu anpahei leh ama ṭong intepna kha juimak hei, khana ama gîkna hei kha anmani’n heitea teimak hei. Akahnem mak limsyem ankamuk, anbibinga hnemna kase kachang hei, khana Rōngpu’n ankimvea jât-hlop hei omchen anmanchu makna sik a ṭong apek hei kha juimak heia, anmani’n jât-hlop hei omchen jôk anjuia kae.

THUHMINGHEI INHNINA 18:5

Khava jâra Ahab in sânkathem 400 kapō hei kha abek heia ader hei, “Kei akase enga Ramoth re kasō sik mo, kasō mak sik mo?” Anmani’n anmasôn, “Re sō roh. Pathen in torna apek sik che.”

ṬONGCHÎK-HEI 19:27

Kasapa, inthemchûk kha nabâng pha leh hma nalei manhret seng kha’m inranga donmak jo che ning.

JEREMIAH 14:14

Tâk-kha Rōngpu’n amasôn eng, “Sânkathemhei khan karahminga maleisei antahri kae; ke’n tir mak hei eng, anhnenga ṭongpekna heikhat achangmak leh mi hnenga ṭong inkhat avakahri sik pek mak hei eng. Anmani’n hnunga kasōk sik omchen antahrisōt kha kei hnenga inphut changmak, hmangna kase anmandonna kha antahrisōt kae.

JEREMIAH 2:5

Rōngpu’n ati: “Kei dōina nanpusōn he’n heimo anta leihri? Hei-inmo keia inphut amantlânsōt hei? Anmani’n akahnem mak limsyem ankamuk a, anbinga akahnem mak hongkachang hei.

JEREMIAH 23:21

Rōngpu’n ahri, “Ke’n hiva sânkathemhei hi tir mak hei eng, kha’num anbinga akasesōt hei kae. Ke’n sânsōt sik ṭong pek mak hei eng, kha’num karahminga ṭong anhria kae.

JEREMIAH 23:26

Khava sânkathemhei khan heituk chenmo maleisei antasyemsōt vânga kamihei hlamlea antalaṭhōi sik hei?

JEREMIAH 29:23

Hivahi anmani mahâmsetna kha kae, ajârchu anmani’n ṭit ka-om tak setnahei kha antlo, kajông hei khana Rōngpu rahminga maleisei anhria kae. Hivahei hi Rōngpu lungdo changmak; anmani ṭōntlohei kha ama’n amanhret, khana ama’n anmani dōina sâkhi kachang. Rōngpu’n ahri jo.”

JEREMIAH 29:8

Rōngpu, Israel Pathen ke’n gîkna kapek chei kae, nankâra ka-om sânkathem he’n achangmak leh hnungṭong kansânsōt thei kati he’n nangni hōnmathlâk mak chei rasoh. Anmani rahmang heia khan nanmalung pek mak ruh.

JEREMIAH 9:12

Ke’n kader, “Rōngpu, heijâra mo ram hi a’nhmangsō jo khana nêrdiram kapōa akachâr jo, khana tûte’m khava khan se leh hong antatlo mak jo? Hiva inhret tor sik tu mo akasingdet aka-om? Tu hneng mo hivahi namanthei heia, khahei khan hiva ṭong hi milak hneng antahri pek tor sik hei?”

JEREMIAH 9:20

Ke’n kati, “Nuhmeihei, Rōngpu ṭonghri rangei ruh, aṭong hrina chunga nanmalung manhlut pek ruh. Nansanuhei hneng heikhonga ṭajai sui sik mo, khana nanṭhōnhei hneng heikhonga invûmna hla sak sik mo ti kha manthei hei ruh.

ṬAJAISUINA 2:9

Kekot kha akachok shunga katla inhlut jo, ankirna thirtlōn kha’m inbong pet jo. Rn leh mikalenhei tunchu miram a tirsōt kachang jo hei. Dân kha manthei mak jo hei, khana sânkathem he’n Rōngpu a inphut hmangtalâr hmu nôk mak jo hei.

EZEKIEL 13:16

heirakip akaṭhapet achangmak lai, Jerusalem hnenga heirakip kaṭhapet tia aleikahri khava sânkathemhei kha!” Chunghnung Rōngpu’n ati jo.

EZEKIEL 13:23

Khava jâra tûnchu nangni hmangtalâr kadikmak leh ṭongsânsōt hei kha inchai jo. Nangni’n kei hi Rōngpu eng kae tia nanmanhretna sik a nangnihei ratha neina inphut kamihei kahuksōt sik hei kae.”

EZEKIEL 13:3

Chunghnung Rōngpu’n hing’hin ahri: “Hiva akamo sânkathemhei hi inhmang jo hei! Anmani tamadu dungjuia anhrisōt khana anbinga hmangtalâr ansyemsōt.

EZEKIEL 13:6

Anmani hmangtalâr kha dikmak, khana hnungṭong antahri kha maleisei kae. Anmani’n kei ṭong antahri kae anti, tâk ke’nchu tir mak hei eng. Kha achang inum anṭong kha akadik sik a inhōr hei!

EZEKIEL 22:28

Sânkathemhei khan sunu kabang vânga intei bang kapōa, hiva setna hi anthup a kae. Anmani’n akadik mak hmangtalâr anhmu khana dik loa hnungṭong anhrisōt. Anmani’n Chunghnung Rōngpu ṭong kha antahri kae anti, tâk-kha Rōngpu ke’nchu anhnenga ṭong hrimak eng.

MICAH 2:11

“Hiva mihei hin maleisei leh hōnna kasip sânkathem khana, ‘Nangni sik a ju leh theitui kalōng sik’ tia kasânsōt hei kha anmadua kae.’

MATTHEW 7:15

“Sânkathem inhlem heia inphut insing thei ruh; avâng pônga chu kemōng kapōa nanhnenga kahong hei, tâk ashungting chu ram thōia kahne kapōtak hei kae.

ROMANHEI 1:21

Anmani’n Pathen anmanhret, tâk ama chen, kajana kha pek mak hei, manpâk um manpâk mak hei. Khava kanek a anmalung pui katluk a kamoa, anmandona akarōksai kha inthim in amakhusi jo.

JOHN INKHATNA 4:1

Kaṭhōn marit hei, Rathla kachen ung kati rakip taksen mak hei ruh; tâk anmani rathla nei kha Pathena inphut mo enmansin hei ruh. Ajârchu sânkathem kadikmak katamtak hmun rakip a kasesōt jo heia kae.