JEREMIAH 22:6 - LEKHARABU INTHENG (BSI)

⁶ “Kei hnenga chu Judah reng-innpui hi Gilead kapōhrep a khana Lebanon tlânghei kapōhrep a akaṭha kae, tâk hiva hmun hi akarōksai, tûte omakna kamanchang sik kae.

JEREMIAH 22:6 ပူးပေါင်းရင်းမြစ်များ

A’NPHUTNA 37:25

Anmani’n bu anleisâklai tak a Ishmael mi rup khat hei Gilead a inphut Egypt ting akase hei anleihmu hei. Ansharîngsei hei kha maru-marâng leh thai marim katui phur anleimanrôn hei.

HLAHEI 107:34

Khava hmun a ka-om mihei kha anṭhatmak jâra anram ralei thai omna kha chi ramthōi amanchang pek hei.

HLAHEI HLA 4:1

Kalungdinu, heituk a akaṭha che mo! Nahmai makhuna pōn thōia nahmit-hei kha heituk a akade hei mo. Gilead hmebung ajōng kaṭumsuk ke rup-hei kapōzek a nasam kha invor nenga kalâm.

HLAHEI HLA 5:15

Akerako kha alabaster kachohei sana thlengkam chunga akangir ka-ang hei. Ama chu kalûr hêr, Lebanon Tlângbung, achunga cedar thingkung kakek kha ka-ang.

ISAIAH 27:10

Kur kekhum khōpui kha sukset a ka-om jo. Khōpui kha ramhâng kapōa dahlon jo kae. Shahei phi sâkna leh jena ramhâng kachang jo.

ISAIAH 37:24

Nang in kahnenga inlensaktak a akaṭong sik a nasōk-hei nahei tir hei, shakor gâri katamtak vânga, Lebanon tlâng nator hei nati. Cedar thing cypress thing kaṭha leh inshâng tatak natuk thlek hei, khana ratuhmang inthûk katlung um vakatlung jo che.

ISAIAH 6:11

Ke’n kader, “Hivahi heituk mo alakasôt sik, Rōngpu?” Ama’n amasôn eng, “Khōpuihei a’nhmangsō leh akarōk a a-om mak hma seng, innhei kha mi inkhatbek an-om mak kârseng, ram hi’m hleichi kachâr achangmak kârseng sik kae.

JEREMIAH 21:11

Rōngpu’n kahnenga hiva ṭong hi David sōn leh pâr Judah reng inna mihei hneng hri sik a amanthei eng, “Rōngpu ke’n kahri hi rangei ruh. Ani kataia akadik intlo kha hmu ruh. Mi inkhat in mi inkhat ahōn mathlâkpa kha huk ruh. Achangmak inchu akaṭhamak nantlona khan kahnuk amannat a that torlo hmei kakâng kapōa hong kakâng sik.

JEREMIAH 21:14

Tâk-kha naṭōn leitlo hei jâra ke’n nang karâkna kapek sik che. Nareng-innpui hmeia karo sik, khana hmei in akimvea ka-om rakip akângsō pet sik. Rōngpu, ke’n kahri jo.”

JEREMIAH 22:24

Rōngpu’n Judah reng Jehoiakim sapa Reng Jehoiachin hneng ahri, “Kei akahring Pathen kachang jâra, nang hi kachangtinga mêrchîkna kutkhi nalei chang inum karadoksōt sik che kae,

JEREMIAH 26:18

“Hezekiah’n Judah reng achanglai, Moresheth a sânkathem Micah’n mipuihei hneng Chunghnung Rōngpu ṭonghri kha aleimanthei hei, ‘Hleipuk kapōa Zion kha ankhōi sik; Jerusalem kha sukset neinâk-hei manbukna hongkachang sik, khana Bek-inn hmebung kha ratu ramhâng hongkachang sik.’

JEREMIAH 4:20

Châmna inkhatsō leh inkhat in ajui; ram pumpui inhmangsō jo. Manhret manloa kanpōn-innhei insuk inhmang jo hei; pōnzâr hei ahar-ahak a inhler jo hei.

JEREMIAH 4:7

Shabakkai in a’nthupna hmun a inphut ajōng kasōk kapōa jât-hei kasuk inhmang sik kha heikasōk jo. Judah kasukset sik a ama kha kahong. Judah khōpuihei kha suk manhmanga ka-om sik hei, khana khan tûte inkhat om mak hei ning.

JEREMIAH 50:12

tâk-kha nangni khet khōpui kalen khachu suk mannem sik jo khana hmesetna aratō sik jo kae. Babylon kha jât-hei kâra akasin pena ka-om sik; tui om makna nêrdiram kachâr hongkachang sik.

JEREMIAH 7:34

Ram kha nêrdiram hongkachang sik. Judah khōpuihei leh Jerusalem hlamdunga, inpâkna leh hōina khana hmōiṭhōi rehōi rasa kamanbâng sik jo hei.

JEREMIAH 8:22

Gilead a hlei leh ai om mak mo? Khana khan thempu om mak hei mo? Khan chu, heisa mo kamihei akadam mak jo hei?

JEREMIAH 9:11

Rōngpu’n ati, “Jerusalem hi sukset neinâk manbukna inkhat kamanchang sik, ram-uihei omna hmun kamanchang sik, Judah khōpuihei kha nêrdiram kachang sik hei, tûte inkhat omakna hmun kachang sik.”

MICAH 3:12

Khava jâra, nangnihei jâra, Zion hi hlei kapōa khōi sik kae. Jerusalem kha inram kapōa akatlek akakōi rōk in inbuk sik khana Bek-inn tlâng kha ratu ramhâng hongkachang sik jo.

ZECHARIAH 11:1

Lebanon, nakot-hei mahlâng roh, nang cedar thingkung rakip hmei in akângsōna sik!

MIJAHEI 32:1

Reuben leh Gad phung he’n se katamtak anleidôna,

DÂNRABU INHNINA 3:25

Rōngpu, kei Jordan tuire kerong, khana tuirea ram thai omna, tlângram kahōi leh Lebanon Tlâng kha va-en hei rong.’