JEREMIAH 22:3 - LEKHARABU INTHENG (BSI)

³ “Rōngpu, ke’n akadik leh a’ntlun kha nantlona sik ṭong kapek chei. Mi tahōn mathlâk inkhat kha akahōn inthlâkpa inphut huksōt ruh. Miram mihei, nu leh pa kaneimak hei, renghmeihei kha êngset a tlomak hei ruh; khana hiva hmun inthenga hin ṭhena kaneimak hei kha that mak hei ruh.

JEREMIAH 22:3 ပူးပေါင်းရင်းမြစ်များ

SAMUEL INHNINA 23:3

Israel Pathen khan ṭong ahri; Israelhei kahrungpa khan kahnenga ati: “Ṭongdik a vaikarôn rengpa kha, Pathen ṭong kajuia vaikarôn kae,

RENGHEI INHNINA 24:4

kakhôk pena ama’n ṭhenakase mi aleithat hei seng jâra kae. Khava sik a Rōngpu’n Manasseh kha rangei mandam tor mak a kae.

JOB LEKHARABU 22:9

Hmeithai hei inthōpui sik nahnōm mak rōk kha changloa, nang in nu leh pa kaneimak hei nachom hei khana êngset a natlo hei.

JOB LEKHARABU 24:9

Mikaṭhamak he’n nu leh pa kaneimak naipanghei kha sōk anmanchang hei sêrbat malena ansahei kha anlopek hei.

HLAHEI 68:5

Abek-inn intheng shunga aka-om Pathen khan nu leh pa kase leh renghmeihei kha a-ensui hei.

HLAHEI 82:4

Mikaṭhamak-hei ratha neina inphut huk hei ruh!

HLAHEI 94:21

mikaṭhahei chunga ṭhatmak ṭōn intluk hei khana ṭhenakase hei thatna sik a ṭong inthlâk ṭongkatanhei kha leh nang hrui heite neimak che.

HLAHEI 94:6

Anmani’n renghmeihei leh nu leh pa kase anthat hei, khana kanram khōhme ka-om hei kha anthat hei.

SŌKSŌT 22:21

“Ramlak mihei kha tlomanrim mak hei ruh; Egypt ram nangni ram hlop mi aleikachang chei kae, mandonsōt ruh.

SŌKSŌT 22:22

Hmeithai, nu leh pa kasehei kha tlomanrim mak hei ruh.

ṬONGCHÎK-HEI 23:10

Napu napa hei ramri phun thonmak roh a-emak leh nu leh pa kasehei ram lopek mak hei roh.

ISAIAH 1:23

Nahlam kakeihei kha indōipui leh mi’nru hei ṭhōnhei kae; anmani’n kutchoi pek leh sêrmarûk sâk rōk antloṭhak a kae. Anmani’n nu leh pa kasehei kha ṭong tanna inna hukphung mak hei, khana renghmei he’n anṭong anmalâr pha rangei pek mak hei.

ISAIAH 58:6

“Ke’n kamadu thlai hngōi khachu hi kae: inrengna thirhrui leh akadik mak rake kha hlonsōt ruh, khana suk manrima ka-om kha ning leh hnōma se rasoh.

ISAIAH 58:7

Nanbu kha von kaṭâm hneng insempui ruh khana inn kaneimak sara kha nan-inna mathlung ruh. Pōnsi derkei kaneimak hei kha pōn pek hei ruh, khana nan-innkō inthōpui sik a hnōm mak tlomak ruh.

JEREMIAH 19:4

Ke’n hivahi katlo sik kae ajârchu mipui in kei andahlon enga hiva hmun a hin pathen ralak hnenga inthoina antōk a anmanbōk jo, anmani leh anpu anpa he’n khana Judah reng he’num antamanhret phakmak pathenhei hnenga inthoi hei. Hiva hmun hi khō inhret mak hei thisen vâng anmansip phet jo,

JEREMIAH 22:17

Tâk-kha nang chu nabinga phâmrai setna rōk kha nahmu; ṭhena kaneimak nathat hei khana namihei hnuk kasetak a nasuk manrim hei. Rōngpu’n ahri jo.

JEREMIAH 26:16

Khava sōa hlamkakeihei leh mipui he’n thempu leh sânkathemhei hneng anhri, “Hiva mipa hin ni-Pathen Rōngpu rahminga nihnenga ṭong ahri; ama hi that sik changmak.”

JEREMIAH 5:28

anmani katur hei khana thlai katui ansâk an-in. Anṭōnse tlo abângna om mak. Nu leh pa insamhei ratha mannei mak hei, khana suk manrim mihei kha akadik hripek mak hei.

JEREMIAH 7:23

Tâk-kha kei anmani Pathen kachangna sik khana anmani kei mipui anchang theina sik a, kaṭong anjuina sik a chu ṭong kaleipek hei. Khana anmani sik a ṭhatthei achangna sik a, kaṭong pek hei dungjuia an-omna sik a kamanthei hei.

JEREMIAH 9:24

Mi inkhat in a’nlensak hnōm inchu, anmani’n kei hi amanhretna eng leh kaṭong hri alothei jâra a’nlensak sik kae, ajârchu kei lungsetna chu inthlengtik neimak, khana akadik kha ke’n katloa kae. Hivahei hin kamalung anmantlaia kae. Rōngpu ke’n kahri jo kae.”

ṬAJAISUINA 3:36

Ṭongtan hmun a akadik kha nam mathlâk a a-om pha, ama’n amanhret a kae.

EZEKIEL 18:12

Sarahei hneng maleisei ahri, achom hei, sêr kapûk he’n bandhop antada kha aloa kae. Ama Khōvelhei kamukna hmun heia vakase, mater ka-om limhei akamuk hei,

EZEKIEL 18:7

Tûte inkhat hōnmak khana tu inkhat neinâk chom mak. Sêr kabat inkhat bandhop da kha apek male hei; von kaṭâm hei avei hei khana pōnsi kaneimak hei apek hei.

EZEKIEL 22:7

Khōpui shunga nanmi he’n annu anpa kajamak hei. Khōhmehei nanhōn hei khana renghmeihei leh nu leh pa kasehei chunga hnemna nanjong.

EZEKIEL 45:9

Chunghnung Rōngpu’n ahri, “Nangni Israelhei renghei, pha kasôttak setna nanheitlo jo! Nangni mivōk mithat, mi nantasuk manrim hei kha bâng jo ruh. Akadik leh a’ntheng kha tlo ruh. Nangni’n kamihei anrama inphut nantahnong sōt hêrmak sik hei kae. Chunghnung Rōngpu ke’n hi kahri jo.

JOEL 3:19

“Egypt kha nêrdiram hongkachang sik Edom hongkaram sik, ajârchu Judah ram chunga re anleitloa ami ṭhenakase hei anthatpek heia kae.

LEVI-DÂN 19:15

“Ṭong tlâng kasōk mandaina nannei pha malung inthenga ṭong tan ruh; sara ôpna khana heisa ṭitna malârmak ruh.

AMOS 5:15

Akaṭhamak kha mater ruh, akadik kha madu ruh, khana ṭong tanna hmun a akadik manleng ruh. Kha achang inchu tûn katlunga kahringa dahlon jât-hei chunga Rōngpu’n lungset a alarônthei heia kae.

AMOS 5:24

Khava kanek a, ṭongdik kha kavadung kalōng kapōa lōng rasoh, khana dikna khan chârloa akalōng tuidung kapōa lōng rasoh.

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

MICAH 6:8

Changmak, Rōngpu’n akaṭha kha ahri pek jo me. Ama’n einia inphut amadu khachu: akadik tlo sik, inlungsetna injônjet a malâr sik, khana insinsaktak a Pathen leh inṭhōi sik hi kae.

MALACHI 3:5

Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.

MATTHEW 23:23

“Dân ojahei leh Phariseehei, heituk a ṭitpek ka-om chei mo! Nangni a’nṭhat hlemsak-hei! Nangni’n reihing, patikhôm, khana maru-marâng sem sôm chu nanpek, tâk nangni’n akakhôk pen Dânhei khachu heitea sakmak chei, khahei khachu akadik, lungset leh malung intheng hei hi kae. Alakseng um heisakmak tlo loa hivahei hi nantatlosōt sik kae.

DÂNRABU INHNINA 10:18

Ama’n nu leh pa kase leh renghmeihei kaṭha razen hei sik a intluk; nimihei kâra ka-om khōhmehei kha alungset hei, bu leh pōn apek hei.

DÂNRABU INHNINA 24:17

“Khōhme leh nu leh pa kasehei dikna ratha neina kha manhmang pek mak hei ruh; hmeithainu inkhat pōnsi kha sêrpûk jâra bandhop a lopek mak ruh.

DÂNRABU INHNINA 24:7

“Tu mo inkhat in a-Israel changpui inkhat amarûk a asōk amanchang, achangmak leh ajōrsōt inchu, khava mi kha that sik kae. Khang’khan ṭhatmak kha nanting tor sik a kae.

DÂNRABU INHNINA 25:1

“Tekhinga, Israel mi 2 innâkna ṭong chaina sik ṭongtan hmun a kase hei, inkhat chu ṭhenakase khana ahlop inkhat chu aṭhe jo anti jo.

DÂNRABU INHNINA 27:19

“‘Khōhme, nu leh pa kase khana renghmeihei hneng rumhrat katlohei chunga Pathen hâksêrna tlung rasoh.’ “Khana mipui he’n ‘Amen!’ tia anmasôn sik.

JAMES 1:27

Pa Pathen in akadik leh a’ntheng bekṭong tia alo khachu hi kae: nu leh pa kasehei leh renghmeihei khōdengthei pha ensui sik khana raleichung hōn mathlâkna inphut binga sōksōt sik hi kae.