JEREMIAH 22:24 - LEKHARABU INTHENG (BSI)

²⁴ Rōngpu’n Judah reng Jehoiakim sapa Reng Jehoiachin hneng ahri, “Kei akahring Pathen kachang jâra, nang hi kachangtinga mêrchîkna kutkhi nalei chang inum karadoksōt sik che kae,

JEREMIAH 22:24 ပူးပေါင်းရင်းမြစ်များ

RENGHEI INHNINA 24:12

Rn Jehoiachin in anu, asapahei, aṭōn karônhei leh inṭhōia Babylonhei hneng kahlut jo hei. Nebuchadnezzar vairôn kum 8 tlukna Jehoiachin kha resura aleiṭhōi jo

RENGHEI INHNINA 24:15

Nebuchadnezzar in Jehoiachin, anu, a nuhmeihei, ama ṭōnkarônhei, khana Judah hlamkakeihei leh inṭhōia Babylona aṭhōi jo hei.

THUHMINGHEI INKHATNA 3:16

Jehoiakim in sapa 2 anei hei: Jehoiachin khana Zedekiah.

THUHMINGHEI INHNINA 36:9

Jehoiachin in Judah reng ahongchang pha akum 18 katluk jo; khana ama’n Jerusalema thla 3 leh kani 10 vai aleirôn. Ama kha’m Rōngpu dōina setna aleitlo.

HLAHEI HLA 8:6

Kei hnenga tei loa nalungsetna malung kha kam jo roh; Kei tei loa tûte’m nakut bânna kakō mak roh. Thina kapōhrep a lungset inum ratha anei; maduna hin thina kapōhrep a ratha anei. Hivahi hmeimale kapōa kasûk ri, khana hmeipui kapōa aro manvâm.

ISAIAH 49:16

Jerusalem, ke’n nang mahngi tor mak che eng! Narahming kha ke’n kakut maja heia kamazet jo.

JEREMIAH 13:18

Rōngpu’n kahnenga ahri, “Rengpa leh anu kha anlen in-ongna inphut anjōng ṭumna sik a manthei hei roh, ajârchu anlukhu ret kaṭhahei kha anlu chunga inphut jōngkatla jo hei.

JEREMIAH 22:28

Ke’n kahri, “Reng Jehoiachin kha mi tamadumak, antahlonsōt jo jube kakōi kapō akachang jo mo? Khava jâra mo kae ama leh asahei kha antamanhret hêrmak ram a rehring sura avaka-om hei?”

JEREMIAH 22:6

“Kei hnenga chu Judah reng-innpui hi Gilead kapōhrep a khana Lebanon tlânghei kapōhrep a akaṭha kae, tâk hiva hmun hi akarōksai, tûte omakna kamanchang sik kae.

JEREMIAH 24:1

Bek-inn hmatak a theichang hraithuk 2 Rōngpu’n amanhmu eng. (Khavakha Babylon Reng Nebuchadnezzar in Jehoiakim sapa, Judah reng Jehoiachin kha Judah mi hlamkakeihei, thingṭōn katlohei khana kut kathemhei leh Jerusalema inphut Babylona khummia da sik a aṭhōisōt hei kahnunga akasōk kae.)

JEREMIAH 28:4

Ke’n Judah rengpa, Jehoiakim sapa Jehoiachin leh inṭhōia Babylona rehringa antakei Judah mihei seng kha kaheiṭhōi male sik hei. Ôk, ke’n Babylon rengpa rathahrat kasuk khōipek sik. Rōngpu ke’n kahri jo kae.”

JEREMIAH 29:2

Chithi kha reng Jehoiachin, anu, reng-innpuia ṭōnpui karônhei, Judah leh Jerusalema hlamkakeihei, thing leh hlunga ret kahem rabek hei, kut kathem ṭōn katlohei kha rehring sura anṭhōisōtsō hei kahnunga kamazet kae.

JEREMIAH 37:1

Babylon Reng Nebuchadnezzar in Josiah sapa Zedekiah hi Jehoiakim sapa Jehoiachin kahlanga Judah reng amanchang jo.

HAGGAI 2:23

Khava ning khan kasōk Zerubbabel, ke’n kathōisōt sik jo che, karahminga vai karôn sik a kakadei sik jo che. Kakadeisōt kha nang che kae.” Chunghnung Rōngpu’n ahri jo.