JEREMIAH 22:21 - LEKHARABU INTHENG (BSI)

²¹ Nangni’n nanhōilai Rōngpu’n nanhnenga aleihri jo, tâk-kha nangni’n leirangei mak chei. Nanhringkhō seia nanṭōn tlo kha khavakha kae; nangni’n ahei tik a’m Rōngpu ṭong kha juimak jo tin chei.

JEREMIAH 22:21 ပူးပေါင်းရင်းမြစ်များ

THUHMINGHEI INHNINA 33:10

Rōngpu’n Manasseh leh amipuihei kha gîkna apek he’num, anmani’n rangei hnōm mak hei.

HLAHEI 129:1

Israel, nakhangdông laia inphut na’nrepui he’n heikhong mo antasuk manrim che kha ahri pek roh!

ṬONGCHÎK-HEI 30:9

Akatamtak kanei inchu, nang rangei mak che eng katithei. Khana sara kachang inchu hong inruthei eng, khana ka-Pathen nang kha inzakna kapekthei che.

ISAIAH 48:8

Nangni taksenthei changmak chei, ti chu nangni ahei tik a khemaṭang kase chei kae ti hi kamanhret chei. Khava jâra nangni’n hivahei seng hi lathei phungmak chei, khava jâra khava ṭong inkhatbek nankōr tathei sik a hongmak a kae.

JEREMIAH 13:10

Hiva mikaṭhamak-hei hin kaṭong jui sik hnōm mak hei. Anmani alerchet a anracham kase khana ṭhamak jo hei, pathen hlop hei ankamuk a anrazen jo hei. Khava jâra tûnchu, anmani hei hi anṭhatna heite aka-om mak jo tōka kabong hei kapōa kachang sik jo hei.

JEREMIAH 19:15

Chunghnung Rōngpu, Israel Pathen in ahri kha kamanthei jo hei, “Ke’n hiva khōpui leh ahneng vena khō kalenhei chunga karâkna pek sik heia kalei ti rakip kha katlosōt sik, ajârchu anmani anracham kase, khana kaṭong rangei mak heia kae.”

JEREMIAH 2:25

Israel, Pathen hlop kahnung jui lelena khan nakadang manchâr mak roh, achangmak leh nake manchâm mak roh. Tâk-kha nang in nati, ‘Changmak! Kei hong inhetor mak jo eng. Ke’n mihlop-hei pathen kamadu jo hei, ankahnung kalajui sik.’”

JEREMIAH 2:31

Israel mihei, kaṭong hri hi rangei ruh. Kei hi nanhnenga nêrdiram kapō, a’nthim leh thinathei ram kapō kha akachang jo eng mo? Kha achang inchu heijâra mo nangni’n nanracham hrep a nanchônna sik leh kei hnenga nanhong inle hêrmakna sik a nanta hri jo?

JEREMIAH 25:3

“Amon sapa Josiah’n vai arônna kum 13 tlukna inphut tuning katlunga kum 23 shung hi Rōngpu’n kahnenga ṭong ahei phôngpek ṭhak eng, aṭong hri kha ke’n nanhnenga manthei loa hong om mak eng.

JEREMIAH 25:4

Rōngpu’n asōk sânkathemhei ahei tir ṭhak he’num nangni’n rangei mak chei khana donmak chei.

JEREMIAH 25:7

Tâk-kha Rōngpu khet in, nangni’n aṭong rangei hnōm mak chei ati. Khava kanek a, nanlimhei khan anhnuk nanmannat pek a, nanbing chunga karâkna kha nantamathlung kae ati.

JEREMIAH 25:8

“Khava jâra, nangni’n aṭong hri nanrangei pek mak jâra, Chunghnung Rōngpu’n ati,

JEREMIAH 3:24

Tâk-kha inzakpui ka-om pathen Baal kamukna khan tenlaia inphut a kanpu kanpahei ṭōn leitlona hei seng ti chu–kankemōng, kankerup, kansanu kansapahei inhmangna amannei jo ung.

JEREMIAH 3:25

Inzaktak a katlu sik unga kha kan-inzakna khan amakhusi jo rasoh. Keini leh kanpu kanpa he’n Rōngpu kan-Pathen kadōia setna kanleitlo ṭhak jo; aṭongpek-hei kha juitet mak jo ung.”

JEREMIAH 32:30

Judah mihei leh Israel mihe’n anmani thuhming a’nphutbia inphut anṭōn tlona khan kamalung manhōi mak hei khana kahnuk anmannat a kae.

JEREMIAH 35:15

Ke’n nanhnenga injônjet a kasōk sânkathemhei kajōngtir hei, anmani’n nanhlam jui kaṭhamak masōna sik, akadik kha nantlona sik anhri pek chei. Nangni leh nanpu sōnhei hneng kapek chei ram a hin, nan-om ṭhak theina sik a, nangni’n pathen ralak kamuk mak ruh khana razen mak hei ruh tia an-gîk ṭhak chei. Tâk-kha nangni’n kei ṭonghri chu rangei mak chei, heitea donmak cheia kae.

JEREMIAH 48:11

Rōngpu’n ahri, “Moab hi kahōia hong ka-om ṭhak, rehringa tûte’n keiphung mak hei. Moab hi jube shunga kachokloa aka-om ju inhlei, jube inkhat a inphut inkhat a sun manrōk loa aka-om kapō kae. Amarim kha lase phung hêrmak, khana atui um katui ṭhak a kae.

JEREMIAH 6:16

Rōngpu’n amihei hneng ahri, “Hlam inbâkna hmun a ngir una enruh. Hlam kaṭhapen, hlam marō kha inder ruh. Khana khan se ruh, nangni kamōnga ka-om sik chei.” Tâk-kha anmani’n anhri, “Dâng, keini semak ning.”

EZEKIEL 20:13

Tâk-kha anmani’n nêrdiram a kapha andōi eng. Akajui rakip hnenga hringna kapek sik kadânhei kha anvōkkhōia kae. Anmani’n Châmhngat kani um kajamak hei. Nêrdiram shunga kahnuk natna inhnak kha anmanhretna sik a tlo sik leh suk manhmangna sik a le’ntluk eng.

EZEKIEL 20:21

“Tâk-kha khava khangther he’num kei andōi jo eng. Akajui rakip hnenga hringna kapek sik kei dân kha anvōkkhōi khana kaṭong pek nitmak hei. Anmani’n Châmhngat kani anmanbōk. Khava nêrdiram a kei hnuknat inhnak kha anmanhretna sik leh thatpetna sik heia ṭōn tlo sik a kei le’ntluk eng.

EZEKIEL 20:28

Ke’n anmani pek sik a kalei intepna ram a khan kaheiṭhōi hei. Anmani’n bung inshâng leh thingkung ka-êm anhmu pha, khahei rakip hnenga inthoina antōk a kae. Anmani inthoina tōkna leh inthoina sik a anju heichoi khan kahnuk anmannat a kae.

EZEKIEL 20:8

Tâk-kha anmani’n kei dōina kangir hei khana ṭong rangei hnōm mak hei. Anmani’n anlim mater ka-om hei kha hlonsōt mak hei khana Egypt hei pathen inmuk bângmak hei. Egypt ram a kahnuk natna inhnaktak kha anmanhretna sik ṭōn tlo sik a kei le’ntluk eng.

ZEPHANIAH 3:2

Rōngpu ṭong rangei mak khana ama mansena kha rahlâng mak a kae. Rōngpu hnenga taksenna neimak khana inthōpuina inder mak.

ZECHARIAH 7:7

Jerusalem khōpui akhang sōt lai, mi kasip a an-omlai, khōpui kimvea rōk changloa thlâng ting ramkeia leh tlaitlâk ting hmebung pang heia mi katamtak anleiom lai hmalaia sânkathem heia inphut Rōngpu’n ajōng hri kha hivahi kae.

DÂNRABU INHNINA 31:27

Heituk a ṭong inngeimak leh rahe kasehei mo ti hi kamanhret. Kei hringkhō shunga Rōngpu kadōia anrahe leikase, kathisōa chu kakhe chet a anrahe kase sik.

DÂNRABU INHNINA 9:24

Ke’n kamanhretna cheia inphut tuning katlung nangni Rōngpu nanhei dōi ṭhak a kae.

DÂNRABU INHNINA 9:7

“Nêrdiram a nan-Rōngpu Pathen ahnuk nanta mannat kha mahngi mak ruh. Egypt ram nanhei dahlona inphut hiva hmun nanheitlung ning katlung ama nan-indōipui ṭhak a kae.