JEREMIAH 22:16 - LEKHARABU INTHENG (BSI)

¹⁶ Sarahei kadiktak a ṭong atanpek hei, mi rakip leh kahōitak a le’nṭhōi hei. Khavakha kae Rōngpu manhret inti kha.

JEREMIAH 22:16 ပူးပေါင်းရင်းမြစ်များ

THUHMINGHEI INKHATNA 28:9

Khana Solomon hneng ama’n ati, “Kasapa, napa-Pathen hneng manhretna nanei sik leh malung hlop neiloa khana intluktak a narazen sik a kamanse che kae. Ama’n eini maduna leh mandonna amanhret a kae. Ahnenga nase’nchu arahlâng sik che; tâk-kha ahnenga inphut nasesōt inchu ahei tik a sik a adahlon sik che.

HLAHEI 109:31

ajârchu ama’n sarahei akhâr hei, khana anthina sik a maset ankapek heia inphut ahuksōt hei.

HLAHEI 36:10

Nang inhret hei kha lungset ṭhak hei roh; khana mikadik-hei chunga akaṭha ṭōn kha tlopek ṭhak hei roh.

HLAHEI 9:10

Rōngpu, nang inhret mihei khan antaksen sik che; nahnenga akahong tûte dahlon mak che.

ṬONGCHÎK-HEI 31:9

Anmani sik hripek hei ina ṭongkatan kadik chang roh. Sara khōdeng katheihei hrung hei roh.”

ISAIAH 1:17

khana akadik tlona inchu ruh. Akadik intlo kha hmu hei ruh – suk manrim hei kha inthōpui hei ruh, nu leh pa kasehei kha anratha neina pek hei ruh, renghmeihei hrung hei ruh.

JEREMIAH 5:28

anmani katur hei khana thlai katui ansâk an-in. Anṭōnse tlo abângna om mak. Nu leh pa insamhei ratha mannei mak hei, khana suk manrim mihei kha akadik hripek mak hei.

JEREMIAH 9:16

Ke’n anpu anpahei leh anmani’n anta leithei phungmak jât-hei kâra khan kachai kathek sik hei, khana ankhenga kaman hmangpet mak hei hma seng ankadōi sik a remi kahei tir sik hei.”

JEREMIAH 9:24

Mi inkhat in a’nlensak hnōm inchu, anmani’n kei hi amanhretna eng leh kaṭong hri alothei jâra a’nlensak sik kae, ajârchu kei lungsetna chu inthlengtik neimak, khana akadik kha ke’n katloa kae. Hivahei hin kamalung anmantlaia kae. Rōngpu ke’n kahri jo kae.”

JEREMIAH 9:3

Ankhenga maleisei hrina sik a ahei tik a intluk hei; akadik kanek a malung intheng mak in anrama vai arôn. Rōngpu’n ati, “Kami he’n akaṭhamak inkhat antlosō leh inkhat antlo nôk, kei hi an-Pathen inkhat a alo mak hei.”

MICAH 6:8

Changmak, Rōngpu’n akaṭha kha ahri pek jo me. Ama’n einia inphut amadu khachu: akadik tlo sik, inlungsetna injônjet a malâr sik, khana insinsaktak a Pathen leh inṭhōi sik hi kae.

JOHN 16:3

Anmani’n ke’m khana kapa’m anmanhret mak jâra, nanchunga hiva ṭōnhei hi anta hongtlo sik kae.

JOHN 17:3

Khana kumsôt hringna ti hi chu nang, akadik Pathen inkhat rōk, manhret hi leh najōngtir Jesu Christa manhret hi kae.

JOHN 17:6

“Vânhnōi raleia napek eng mihe’n nang anmanhretna sik che ke’n katlosō jo. Anmani natahei kae, khana kei napek eng kae. Anmani’n naṭong anjui,

JOHN 8:19

Anmani’n, ander, “Napa kha khon mo aka-om?” Jesu’n amasôn hei, “Nangni’nchu ke’m khana kapa’m amanhret mak chei, Nangni’n kei nanmanhret eng inchu kapa kha’m nantamanhret sik kae.”

TITUS 1:16

Anmani’n Pathen kanmanhret anti, tâk anṭōn tlo’nchu hnōm mak. Anmani mater ka-om hei khana ṭongpek juimak hei, heikhat ṭōn kaṭha katlo sik a rahōi changmak hei.

SAMUEL INKHATNA 2:2

“Rōngpu kapōa a’ntheng inkhatbek om mak; ama kapō om hêrmak; Ni-Pathen kapōa ani kahrung alak om mak.