JEREMIAH 22:15 - LEKHARABU INTHENG (BSI)

¹⁵ Cedar thing vânga innhei nasak inchu, mihlop-hei kanek a inn kaṭhachet nasak jâra khava khan akaṭhachet reng amanchang che mo? Napa’n hringkhō pui katluktak kha ahmang. Ama chu ahei tik a akadik leh akaṭha atlo, khana atlona rakip a khangsōtna aleinei.

JEREMIAH 22:15 ပူးပေါင်းရင်းမြစ်များ

SAMUEL INHNINA 8:15

David in Israel pumpui chunga vai arôna amihei chunga kaṭhatak leh kadiktak a razenna sik atlo.

RENGHEI INKHATNA 10:9

Rōngpu na-Pathen kha manpâk a om rasoh! Ama’n nang Israelhei reng amanchangna che chunga heituk a akatlai mo ti amalâr. Ajârchu Israelhei chunga alungsetna hi ahei tik a sik a kae, dân leh akadik kha nahmangna sik a anmani reng amanchang che kae.”

RENGHEI INHNINA 22:2

Josiah’n Rōngpu tlaina ṭōn aleitlo; apusōn David omchen dungjuia kachôna Pathen dân rakip kaṭhatak a aleijui.

RENGHEI INHNINA 23:25

Khana khan ama kapōa amalung, amandona, aratha neina rakip a Rōngpu sepa katlo, Moses dân rakip kajui chu ama mak hma reng inkhatbek leiom mak; khana ama kahnunga’m inkhatbek leiom mak.

THUHMINGHEI INKHATNA 3:15

Josiah in sapa 4 anei hei: Johanan, Jehoiakim, Zedekiah, khana Joahaz.

THUHMINGHEI INHNINA 34:2

Ama’n Rōngpu tlaina aleitlo; ama’n apusōn Reng David omchen aloa Pathen dân rakip ajuia kae.

THUHMINGHEI INHNINA 35:22

Tâk-kha Josiah khan re tuk sik a intluk jo. Pathen in Reng Neko hnenga inphut ajōng hri kha rangei pek mak jo, khava jâra ama’n ahme inhlemsak a Meggiddo phaichama re katuk sik a kase jo.

THUHMINGHEI INHNINA 35:26

Josiah tatlosōt rakip ama’n Rōngpu hnenga lum alona, Dân ajuina,

ṬONGCHÎK-HEI 20:28

Reng inkhat in malung inthenga, kadik a, khana kaṭhatak a vai arôn lai seng ratha aneiṭhak sik.

ṬONGCHÎK-HEI 21:3

Akadik leh akaṭha kha tlo roh; Rōngpu hneng neinâk tōk sik heichoi kanek a ama tlaina sik kha tlo roh.

ṬONGCHÎK-HEI 25:5

Rengpa hnenga inphut akaṭhamak ṭong kathlâk hei kha hnongsōt hei roh khan chu arengram kha akadik ṭongtan jâra inthang sik.

ṬONGCHÎK-HEI 29:4

Reng khan akadik tlona sik amandon pha, ajât kha kahrat kangar sik, tâk sêr hmun a sik amandon pha, aram kha amanhmang sik.

ṬONGCHÎK-HEI 31:9

Anmani sik hripek hei ina ṭongkatan kadik chang roh. Sara khōdeng katheihei hrung hei roh.”

MI INTHEIPA 10:17

Tâk-kha reng inkhat abinga mandonna kanei tor khana aphahrep a akasâk aka-in, abinga a’nsurtor khana ju inruimak hlamkakei kanei rengram khachu avâng kaṭha.

MI INTHEIPA 2:24

Akaṭhapen khachu ni kanihlō kha sâk a, ina, kahōia hmang sik hi kae. Khava kapha kha hmen Pathena inphut akajōng kae tia kamanhret.

ISAIAH 3:10

Mikadik-hei kha kahōi sik hei, anmani sik a heirakip inzen sik. Anṭōn tlona chunga inpâkna anchenpui sik.

ISAIAH 33:16

Kha achang inchu nangni inhuk sik chei; kur kahnettak shunga aka-om chei kapōa inhukna nanchen sik. Tui in sik leh busâk sik nannei sik.

ISAIAH 9:7

Areng ratha neina kakhang injôn sik; arengrama chamna ka-om ṭhak sik. Ama’n Reng David karōi kahlō inkhat a vai arôn sik, aratha neina kha ṭongdik leh ṭongtak chunga inhnga sik, tuna inphut pha inchai katlunga. Chunghnung Rōngpu’n hiseng hi tlo sik a amandon jo.

JEREMIAH 22:18

Khava jâra, Rōngpu’n Josiah sapa Jehoiakim, Judah reng chungchânga ahri, “Tûte’num ama thining ralûm demak hei ning khana hinga anhri sik, ‘Heituk a ṭit ka-om jo mo, kaṭhōnpa, heituk a ṭit ka-om jo mo!’ Ama sik a tûte’m ṭap mak hei ning, khana hinga ôngmak hei ning, ‘Ka-Rōngpu! Kareng!’

JEREMIAH 22:3

“Rōngpu, ke’n akadik leh a’ntlun kha nantlona sik ṭong kapek chei. Mi tahōn mathlâk inkhat kha akahōn inthlâkpa inphut huksōt ruh. Miram mihei, nu leh pa kaneimak hei, renghmeihei kha êngset a tlomak hei ruh; khana hiva hmun inthenga hin ṭhena kaneimak hei kha that mak hei ruh.

JEREMIAH 23:5

Rōngpu’n ahri, “David sōn mikadik inkhat reng sik a kakadeina sik pha kha kahong jo. Khava reng khan ram pumpui chunga kasing tak a akaṭha leh akadik vânga vai arôn sik kae.

JEREMIAH 42:6

Kantlaina sik achanga khana kantlai makna sik achang inum, ahnenga aderpek roh kantati Rōngpu ni-Pathen kha keini’n kanjui sik. Keini’n ama kanjui inchu heirakip kaṭhachôm sik.”

JEREMIAH 7:5

“Nan-omdân leh nanṭōn tloje hei hi thleng ruh. Nangni inkhat leh inkhat malung inthengtak a inzen ruh.

LUKE 11:41

Tâk-kha kōklei leh thleng shunga ka-om neinâk-hei kha sara hneng pek hei ruh, khan chu heirakip beklanga intheng sik jo.

ṬŌNTLOHEI 2:46

Ani tina arup-rup a Bek-inna le’nhmu hei, khana katlai leh insinsak tak a an-innheia thlai anleisâksap,

CORINTHIANHEI INKHATNA 10:31

Kaṭha jo, heirakip nantlona chunga, nansâkna nan-inna achanga, Pathen lûrna sik a tlo ruh.

DÂNRABU INHNINA 4:40

Tuninga kapek chei adân rakip kha jui ruh, khan chu nangni leh nansōnhei sik a heirakip kaṭha sik. Ahei tik a nanchen sik a Rōngpu nan-Pathen in apek jo chei ram shunga ka-om ṭhak sik jo chei.”