JEREMIAH 21:7 - LEKHARABU INTHENG (BSI)

⁷ Tâk-kha nang sik a chu, naṭōn karônhei, khana rea, vonṭâma, hrisea a’nphesōt heia akahring hei sik a chu, Reng Nebuchadnezzar leh nang kathat hnōm naremi kalen he’n ansur sik chei. Nebuchadnezzar in nang athat sik che. Ama’n nangni inkhatbek chunga lungsetna, maritna, lungkhamna neimak chei ning. Rōngpu, ke’n kahri jo kae.”

JEREMIAH 21:7 ပူးပေါင်းရင်းမြစ်များ

ISAIAH 27:11

Thing bâk-hei kha hong kachâra katlek jo hei, khana nuhmei he’n thing ti sik a anchom mantûp jo hei. Ajârchu mipui he’n heite manhret mak hei, ankasyem Pathen in lungset a rônmak hei ning khana maritna malârmak ning.

ISAIAH 47:6

Kei kamihei chunga kahnuk leikana; kami mak hei kapōa kaleirazen hei: ke’n nang hratna thōia kaleida hei, khana anhnenga lungsetna leimalâr mak che; katerhei kapha êngset a narazen hei.

JEREMIAH 13:14

Khava pha ke’n anmani inkhat leh inkhat upa leh naipang ṭhenloa, bephu kapōa kavōk-khōi sik hei. Lungsetna, lungkhamna, khana maritna hei khan anmani that manramna kha akhartor mak ning.”

JEREMIAH 14:12

Anmani’n thlai anhngōi inum inthōpuina sik a anṭapna kha theipek mak hei ning; anmani’n ro-inthoina leh hmuchi inthoina atōksōt inum, anchunga tlaidek mak ning. Khava kanek a, ke’n re leh vonṭâm leh hrise vânga kaṭha manram sik hei kae.”

JEREMIAH 15:5

Rōngpu’n ahria, “Eh Jerusalem mihei, nangni tu’n mo alungset sik chei, tu mo nansik a amalung a’nrim sik? Heikhonga alaka-om che mo tia ani kader sik a, tu mo akasôt hlok akangir sik?

JEREMIAH 15:9

Asa 7 a’nhmang jo hei nu khachu insam hla jo, akaphu insam jo. Amanu sûnṭim kha, jân khō inthim kachang jo; ama inzak jo, amalung kana jo. Tûn katlunga alakahring nangni ke’n nankadōihei kalamanthat sik chei. Rōngpu ke’n kahri jo kae.”

JEREMIAH 19:7

Hiva hmun a hin Judah leh Jerusalema mihei lungdo kha hui mathlung mak ning. An-indōipui hei kamantor sik hei, khana rehmun a kamanthat sik hei. Ankathi kalōnghei kha ramshahei leh vahei tasâk sik a kapek sik hei.

JEREMIAH 20:4

Rōngpu khet in ahri, “Ke’n nang nabi binga leh naṭhōnhei ṭit-inpirna kamanchang sik che, khana nang in mi rakip an-indōipui he’n chemjâm vâng antathatsō hei kha nahmu sik. Judah mi rakip Babylonhei ratha neina thōia kada sik hei; ama’n ṭhahrep athat sik hei, ṭhahrep rehringa aramting aṭhōi sik hei kae.

JEREMIAH 22:25

khana nang in naṭit mihei, nakathat hnōm hei hneng kapek sōt sik che kae. Babylon rengpa Nebuchadnezzar leh aremihei hnenga kapek sōt sik che.

JEREMIAH 27:6

Kasōkpa, Babylona Reng Nebuchadnezzar ratha thōia hiva jât-hei seng ankada inhlut kha kei eng kae, khana ramshahei kapha’m ama sepa inzen sik a kamanṭang hei.

JEREMIAH 32:4

khana Reng Zedekiah kha inlepsōt tor mak ning. Ama kha Babylon rengpa hnenga kapek sōt sik, ama’n hmaisō leh hmaisōa ama kha ahmu sik khana atak-khet in a’nbekpui sik.

JEREMIAH 34:3

Nang tlânsōt tor mak tin che; nang ansur sik che, akut chunga anpek sōt sik che. Nang in hmaisō leh hmaisōa ama nahmu sik, natak khet in na’nbekpui sik; khan chu Babylona kase sik jo che.

JEREMIAH 36:29

Rōngpu’n rengpa hnenga hri sik a amanthei eng, “Nang in lekha inze kha naro manvâm jo, khana Jeremiah’n heisa mo Babylon rengpa kha kahong sik a kha hiva ram hi asuk manset sik khana amihei leh ranhei athatna sik hei kha amazet, tia ahnenga nader.

JEREMIAH 37:17

Hnungpet a Reng Zedekiah’n kei kabek sik a mi ahei tir, reng-innpui shunga ahlop binga, “Rōngpua inphut sânsōt ṭong akajōng heikhat ka-om mo?” tia ader eng. “Ka-om,” tia kamasôn, khana kahri nôk, “Nang Babylon rengpa kut chunga pek sōt sik che kae.”

JEREMIAH 50:17

Rōngpu’n ahri, “Israel mihei kha, shabakkai in ahnong kachek kemōng kapō hei kae. Hmapena, Assyria rengkalen in abuhlu hei, khava sōa Babylon Reng Nebuchadnezzar in anru asekhōi pek hei.

ṬAJAISUINA 2:20

O Rōngpu enroh! Heisa mo hinghrep a nakarâk ung? Nuhmei he’n antalungset ansahei taksa kha ansâk jo! Thempuhei leh sânkathemhei kha Bek-inn shung khet a anthat jo hei!

ṬAJAISUINA 2:22

Kan-inrepuihei kha kei kimvea ṭitna anikapek sik a nang in revei sâktlânga nabek hei. Nang hnuk natna kani ning khan chu tûte inphesōt tor mak ning. Lungset leh marit a kavei manhring kasahei kha anmani’n anthatpek jo eng.

EZEKIEL 23:28

Hivahi Chunghnung Rōngpu’n ahri kha kae, “Nang in namater hei leh ning nachê hei kut a kapek sōt sik che.

EZEKIEL 7:9

Ke’n ṭhensōt mak chei ning khana lungsetna inkhatbek malârpek mak chei ning. Mater ka-om omchen nanleitlo jâra khan karâkna kapek sik chei kae, kei hi Rōngpu eng khana karâkna nankape kha eng kae ti hi namanhret sik jo.”

EZEKIEL 8:18

Anmani’n kahnuk natna rathahrat rakip anhmu sik. Ke’n anmani ṭhensōt mak hei ning khana lungsetna inkhatbek malârmak ning. Anmani’n antor chenna kare inrek a derna kahnenga annei sik, tâk ke’n rangei mak hei ning.”

EZEKIEL 9:10

Tâk-kha ke’n anchunga lungset rônmak hei ning; anmani’n mi hnenga antatlo hrep kha ke’n anchunga katlo sik.”

DÂNRABU INHNINA 28:50

Enhnōm kaimak hei ning, naipang leh kater achang inum tûte inkhat hneng lungsetna malârmak hei ning.