JEREMIAH 21:6 - LEKHARABU INTHENG (BSI)

⁶ Hiva khōpuia ka-om rakip kathasō pet sik hei; mihring khana ranhringhei in-angtlinga hrise nat a kathi sik hei.

JEREMIAH 21:6 ပူးပေါင်းရင်းမြစ်များ

A’NPHUTNA 6:7

khachu ama’n, “Ke’n kasyem jo hei mihring leh inṭhōia sha leh vahei ankhenga raleichunga inphut manhmang jo hei rong, ajârchu anmani kaleisyem jâr hei hin kamalung hōihêr mak jo,” ati.

ISAIAH 6:11

Ke’n kader, “Hivahi heituk mo alakasôt sik, Rōngpu?” Ama’n amasôn eng, “Khōpuihei a’nhmangsō leh akarōk a a-om mak hma seng, innhei kha mi inkhatbek an-om mak kârseng, ram hi’m hleichi kachâr achangmak kârseng sik kae.

JEREMIAH 14:12

Anmani’n thlai anhngōi inum inthōpuina sik a anṭapna kha theipek mak hei ning; anmani’n ro-inthoina leh hmuchi inthoina atōksōt inum, anchunga tlaidek mak ning. Khava kanek a, ke’n re leh vonṭâm leh hrise vânga kaṭha manram sik hei kae.”

JEREMIAH 16:4

Anmani ṭit ka-om hrisea kathi sik hei, khana anmani hei sik a tûte inkhat in ṭajai suimak ning, vûmmak hei ning. Ankathi kalōng kha raleia akabōk manbukṭak kapōa inte lele sik hei. Anmani re shunga a-emak leh vonṭâma kathi sik hei, ankalōng hei kha vahei leh ramshahei sâk leh in kachang sik hei.

JEREMIAH 20:4

Rōngpu khet in ahri, “Ke’n nang nabi binga leh naṭhōnhei ṭit-inpirna kamanchang sik che, khana nang in mi rakip an-indōipui he’n chemjâm vâng antathatsō hei kha nahmu sik. Judah mi rakip Babylonhei ratha neina thōia kada sik hei; ama’n ṭhahrep athat sik hei, ṭhahrep rehringa aramting aṭhōi sik hei kae.

JEREMIAH 32:24

“Babylon he’n khōpui kha kekhumna sik a akimvea pi andeng manshânga anbuhlu jo. Re, vonṭâm, khana hrise natse hei khan khōpui kha ankut chunga apek sik kae. Naleihri rakip kha kadiktak a ahong katlung kha nang in nahmu jo.

JEREMIAH 33:12

Chunghnung Rōngpu’n ahri, “Hiva ram, nêrdiram kapō, mi leh sha om makna hmun a hin, kemōng kakhem he’n ankemōng khemna sik ramhâng alaka-om sik kae.

JEREMIAH 34:17

Khava jâra tûnchu, Rōngpu ke’n kaṭong juimak chei kati kae; nansōpui Israelhei kha ning leh hnōmpek mak hei chei. Khan chu kaṭha hêr jo, ke’n nangni ning leh hnōmpek jo chei rong: re shunga, hrisea khana vonṭâma thina sik a ning leh hnōm kha pek jo chei rong. Nanchunga katlo hei hin vânhnōia jât rakip kamanpir sik hei.

JEREMIAH 36:29

Rōngpu’n rengpa hnenga hri sik a amanthei eng, “Nang in lekha inze kha naro manvâm jo, khana Jeremiah’n heisa mo Babylon rengpa kha kahong sik a kha hiva ram hi asuk manset sik khana amihei leh ranhei athatna sik hei kha amazet, tia ahnenga nader.

JEREMIAH 42:22

Khava jâra tûnchu hivahi mandon ruh: nangni nanse leh nanva om hnōmna ram shunga khan rea, a-emak leh ṭâma, khana natsea akathi sik chei kae.”

JEREMIAH 7:20

Khava jâra Chunghnung Rōngpu ke’n hiva Bek-inn chunga kahnuk natna kha kasun mathlâk sik jo. Ke’n hivahi mipuihei leh ranhringhei chunga, khana thingkung leh hmuchihei chunga kapha’m kasun mathlâk sik kae. Kahnuknat hi hmei kasûk tûte’n athat tor mak kapō kha kachang sik.

EZEKIEL 12:16

Anmani jât-hlop hei kâra an-omlai hmalaia anṭōn leitlo hei kha heituk a mater ka-om mo tia anhong manhretna sik khana kei hi Rōngpu eng kae tia anhnōmna sik, anmani ahlek chu rea, ṭâma, nat leh sat heia inphut kamanhring sik hei.”

EZEKIEL 14:13

Ama’n ati, “Akathithei mihring, ram inkhat in setna atloa khana kei hnenga taksenthei achangmak inchu, ke’n kakut kating sik khana sâk leh in anpekna kha kakhâr sik. Vonṭâm kajōngtir sik khana mi leh sha ṭhenloa kathat sik hei.

EZEKIEL 14:17

“Achangmak leh ram shunga khan ke’n re kahei rôn manhlut sik khana inhmang theina re hmangchâk, mihring leh shahei inramna sik a kahei tir sik,

EZEKIEL 14:19

“Khava ram a hrise kahei tira khana kahnuknat a hringkhō katamtak kalosōt a, mi leh shahei kathat inchu,

EZEKIEL 14:21

Hivahi Chunghnung Rōngpu’n ahri kha kae: “Ke’n akaṭhamak tak karâkna 4 Jerusalem chunga kajōngtir sik: re, vonṭâm, ramsha, khana hrise, mihring leh shahei kasuk inhmang sik a.

EZEKIEL 33:27

“Kei akahring khet Pathen kachang jâra a’nhmangthâm jo khōpuia aka-om hei kha thatsō sik hei kae tia Chunghnung Rōngpu’n gîkna kapek hei hi manthei hei roh. Ram shunga aka-om hei kha ramsha he’n ansâksō sik hei. Tlâng chunga leh khur shunga a’nthup hei kha hrisea kathi sik hei.

EZEKIEL 33:29

Ke’n mihei kha ansetna jâra karâkna kapek heia, anram kha akarōksaia kada pha khan, anmani’n kei Rōngpu eng kae tia anmanhret sik jo eng.”

EZEKIEL 7:15

Hlamdung heia re intuk sik hei khana innheia nat leh vonṭâm ka-om sik. Aram a inphut akasōksōt mi khan re tuk a kathi sik, khōpui shunga aka-om mi khan nat leh vonṭâma kathi sik.

HOSEA 4:3

Khava jâra ram shung hi hong kachâr sik, hiva chunga aka-om rakip karampet sik hei. Ramsha leh vahei khana ngahei kapha kathi sik hei.”

MICAH 3:12

Khava jâra, nangnihei jâra, Zion hi hlei kapōa khōi sik kae. Jerusalem kha inram kapōa akatlek akakōi rōk in inbuk sik khana Bek-inn tlâng kha ratu ramhâng hongkachang sik jo.

ZEPHANIAH 1:3

mihring, ranhring, nga leh va ankhenga. Mikaṭhamak-hei tlâksukna katlo sik. Mihring inti rakip kasuk manhmang sik khana akahringa inkhatbek um damak ning. Rōngpu ke’n kahri jo kae.

LUKE 21:24

Ṭhahrep chemjâm vâng anthat sik hei, khana ram rakip a sōk a ankei sik hei; anpha atluk mak kârseng Jât-hlop he’n Jerusalem kha antachōn rachi sik kae.