JEREMIAH 21:14 - LEKHARABU INTHENG (BSI)

¹⁴ Tâk-kha naṭōn leitlo hei jâra ke’n nang karâkna kapek sik che. Nareng-innpui hmeia karo sik, khana hmei in akimvea ka-om rakip akângsō pet sik. Rōngpu, ke’n kahri jo.”

JEREMIAH 21:14 ပူးပေါင်းရင်းမြစ်များ

THUHMINGHEI INHNINA 36:19

Ama’n Bek-inn leh khōpuihei hmei aleiro hei, reng-innpuihei leh karōihei seng khana khōpui bang aleivōk-khōi hei.

ṬONGCHÎK-HEI 1:31

Achang jâra narahōi hrep kha naratō sik, khana naṭōntlo khan amannat sik jo che.

ṬONGCHÎK-HEI 12:14

Natloman chen sik khachu, heimo nahri khana heimo natlo dungjuia ka-om jo, narahōi kasōk kha nahmu sik.

ISAIAH 10:12

Tâk-kha Rōngpu’n ahri, “Zion Tlâng chunga leh Jerusalem chunga katlo sik kha katlosō pha, Assyria reng kalenpa hi a’nlensakna leh a’nteina hei seng jâra karâkna kapek sik.”

ISAIAH 10:16

Chunghnung Rōngpu’n von kakhop hei kha karâkna sik a nat leh sat ajōngtir sik. Antaksa chunga hmei in akânga akâng sik hei.

ISAIAH 24:21

Rōngpu’n bōirōk chunga ratha kaneihei leh raleichunga vaikarônhei karâkna apekna sik pha lakahong sik.

ISAIAH 37:24

Nang in kahnenga inlensaktak a akaṭong sik a nasōk-hei nahei tir hei, shakor gâri katamtak vânga, Lebanon tlâng nator hei nati. Cedar thing cypress thing kaṭha leh inshâng tatak natuk thlek hei, khana ratuhmang inthûk katlung um vakatlung jo che.

JEREMIAH 11:16

Ke’n pha khat a olive thingbō inbur, kara kaṭhatak a a’nra hei tia kaleiphō hei, tâk tûnchu, khō inri kapōa abōhei kha hmeia kamankâng sik hei, khana abâk-hei kha kamathlek sik jo hei.

JEREMIAH 11:22

Khava jâra Chunghnung Rōngpu’n ahri, “Ke’n anmani karâkna kapek sik hei! Anrether hei rehmun a anthat sik hei; ansahei vonṭâma kathi sik hei.

JEREMIAH 17:10

Rōngpu ke’n, mihring mandonna kajong hei, mihring malung ka-enmansin heia kae. Ke’n mi inkha-khat hi an-omchen dungjuia anṭōntlo dungjuia karazen hei.”

JEREMIAH 17:27

Tâk-kha anmani’n kaṭong antajui nger sik kae, khana serning kani kha kani intheng inkhat a antaser nger sik kae. Anmani’n khava ning khan phurhrik heite sōngkot a anta’nrôn manhlut mak sik kae, anheirôn manhlut inchu, ke’n Jerusalem sōngkot-hei kha hmei vâng karo sik hei kae. Hmei khan Jerusalem innpuihei kakâng sik hei, tûte’n hmei kha thator mak hei ning.”

JEREMIAH 22:1

David sōn leh pâr Judah rengpa innpuia kavasena sik a, khana ka-om reng, aṭōnpui karônhei, khana Jerusalem mihei hneng Rōngpu ṭonghri kha anrangeina sik a, avakahri sik Rōngpu’n amanthei eng:

JEREMIAH 22:7

Hiva hmun kasuk inram sik a mi katir sik hei. Anmani’n anhreicha anheichoia cedar thing kacho kaṭhahei kha antuktan sik, khana hmeishunga anhlon sik hei.

JEREMIAH 32:19

Nang in kasing tak a ṭōn namantluk khana ṭōn kalentak natlosōt hei; mihei ṭōntlo rakip nahmu sō, khana anṭōntlo dungjuia tloman napek hei.

JEREMIAH 46:23

khana ratu kahmang antasâm kapōa amanu kha anbuhlu jo. Anremihei kha anja intei tor mak; khai kanek a katam hei.

JEREMIAH 50:32

A’nlensak najât kha inpai sik a kha katlu sik, khana tûte’n nang mathōtor mak hei tin. Ke’n nakhōpuihei hmei karo mathlâk sik, khana ahneng vena neinâk rakip kasuk manhmangsō sik.”

JEREMIAH 52:13

Ama’n Bek-inn, reng-innpui, Jerusalema ṭōnpui karônhei inn aro mathlâk jo hei;

JEREMIAH 6:19

Raleichung, rangei roh! Anṭōn mantlukna rakip sik a karâkna inkhat a, hiva mihei chunga inhmangna hi kapek hei kae, ajârchu kaṭong juimak hei khana kaman theina lomak heia kae.

JEREMIAH 6:29

Ratap a inhnaktak a hmei insûk, kha’num thîr-ek hei kha jor mak hei, tlamak hei. Kamipuihei sukmantheng sik hi hnemmak jo, ajârchu mikaṭhamak-hei kha losōt mak heia kae.

JEREMIAH 9:25

Rōngpu’n ati, “Egypt, Judah, Edom, Ammon. Moab, khana ansam kabongtek a kavo nêrdiram mihei karâkna kapekna sik pha kha lakajōng sik. Hiva mipui ankhenga anvun intan jo hei, tâk-kha intepna mêrchîkna khachu juimak hei. Hiva mi inkhatbek in, khana Israel mi inkhatbek inum kaṭong pek juimak heia kae.”

ṬAJAISUINA 2:3

Ama hnuknat a Israelhei rathahrat kha akanok jo; Kan-inrepuihei anhong pha ama’n keini inthōpui sik hnōm mak. Neinâk rakip amanhmang sōa hmei kapōa kanchunga ahnuk kana.

EZEKIEL 21:3

khachu Rōngpu ke’n hing’hin kahri: Kachemjâm karadoksōt sik, nangni mikaṭha leh akaṭhamak nankhenga kathatsō sik chei.

MICAH 7:13

Tâk-kha raleichunga aka-om hei malung ṭhatmak jâra, ralei hi nêrdiram hongkachang sik jo.

ZECHARIAH 11:1

Lebanon, nakot-hei mahlâng roh, nang cedar thingkung rakip hmei in akângsōna sik!