JEREMIAH 21:10 - LEKHARABU INTHENG (BSI)

¹⁰ Ke’n hiva khōpui hi hukmak sik, tâk-kha suk manhmang sik a intluk jo eng. Hivahi Babylon rengpa hneng kapek sōt sik jo, khana ama’n aro manvâm pet sik jo. Rōngpu, ke’n kahri jo.”

JEREMIAH 21:10 ပူးပေါင်းရင်းမြစ်များ

THUHMINGHEI INHNINA 36:19

Ama’n Bek-inn leh khōpuihei hmei aleiro hei, reng-innpuihei leh karōihei seng khana khōpui bang aleivōk-khōi hei.

HLAHEI 34:16

Tâk-kha ṭhatmak katlohei khachu adōi hei, anthi leh inranga mahngi anchangna sik a kae.

JEREMIAH 17:27

Tâk-kha anmani’n kaṭong antajui nger sik kae, khana serning kani kha kani intheng inkhat a antaser nger sik kae. Anmani’n khava ning khan phurhrik heite sōngkot a anta’nrôn manhlut mak sik kae, anheirôn manhlut inchu, ke’n Jerusalem sōngkot-hei kha hmei vâng karo sik hei kae. Hmei khan Jerusalem innpuihei kakâng sik hei, tûte’n hmei kha thator mak hei ning.”

JEREMIAH 26:6

Nangni’n khanga juiloa nan-om ṭhak inchu, ke’n Shiloa katlo kapōa hiva Bek-inna hin katlo sik kae, raleichunga jât rakip in hiva khōpui rahming hi inhâksêrna inkhat a antahmang sik jo kae.”

JEREMIAH 33:5

Ṭhahrep chu Babylon mihei leh re intuk sik hei, kahnuknat leh kahnuk inthakna jâra kavōk manjâm sik mihei kalōng khan innhei kha anmansipsō sik hei.

JEREMIAH 34:2

Rōngpu, Israel Pathen khan Judah Reng Zedekiah hnenga sea ṭong vahrina sik a amanthei eng, “Rōngpu ke’n hiva khōpui hi Babylon rengpa kut chunga kapek sōt sik, khana ama’n aro khum sik kae.

JEREMIAH 34:22

Anmani ṭong kapek sik hei, anmani hiva khōpuia he’nle sik hei. Anmani’n anbuhlu sik, anhlō sik khana hmei vâng anro mathlâk sik. Ke’n Judah khōpuihei hi, tûte om makna nêrdiram inkhat kapōa kasyem sik hei. Rōngpu ke’n kahri jo kae.”

JEREMIAH 38:17

Khava pha ke’n Zedekiah hneng Chunghnung Rōngpu Israel Pathen ṭonghri kha kamanthei, “Nang in Babylon rengpa ṭōnkarônhei hneng nahlut inchu nang kahring sik che, khana hiva khōpui hi romak hei ning. Nang leh na-innshung mi seng kahring sik chei.

JEREMIAH 38:18

Tâk-kha nang in nahlutmak inchu, hiva khōpui hi Babylonhei kut chunga pek sōt sik kae, anro mathlâk sik, khana nang um anhnenga inphut tlânsōt mak tin che.”

JEREMIAH 38:23

Khava pha ke’n kahrisa, “Nannupui hei seng leh naipanghei ankhenga Babylon ting anṭhōisōt sik hei, khana nangkhet um anmani kut a inphut tlânsōt tor mak tin che. Nang Babylon reng in khum mi inkhat a akei sik che, khana khōpui hi ro manvâma ka-om sik.”

JEREMIAH 38:3

Ke’n anmani hneng Rōngpu ṭonghri kha kahri peksa hei, “Ke’n khōpui hi Babylon remihei kut chunga kapek sōt sik, khana anmani’n antahlō sik jo kae.”

JEREMIAH 39:16

Ethiopia mi Ebedmelech hneng hri sik amanthei eng khachu Chunghnung Rōngpu Israel Pathen in ati, “Ke’n kahri kapōa khan ke’n katlo sik, ke’n hiva khōpui hi kasukset sik khana khangtouna heirôn mak ning. Khana hiva omchen hi asōk pha, akahmu theia nang khana khan leika-om sik che.

JEREMIAH 39:8

Khava lai khan Babylon mihe’n reng-innpuihei leh mipuihei innhei kha hmeia anro heia Jerusalem kurpui banghei kha ansuk manchim jo hei.

JEREMIAH 44:11

“Khava jâra Chunghnung Rōngpu, Israel Pathen ke’n kadōi sik chei khana Judah ram akhenga kasuk manhmang sik kae.

JEREMIAH 44:27

Nangni nankhang makna sik a ke’n khava hlam kha ka-en sik, khana kasuk manhmang sik chei. Nangni nankhenga kathi sik chei, rea achangmak leh hrisea, tûte kahringa a-om mak jo kârseng, kathisōreng sik chei.

JEREMIAH 52:13

Ama’n Bek-inn, reng-innpui, Jerusalema ṭōnpui karônhei inn aro mathlâk jo hei;

EZEKIEL 15:7

Khana karâkna kapek sik hei. Hmei inkhat chu anrakan jo, tâk hmei in alakângsō sik hei. Ke’n anmani kakarâk hei pha, nangni’n kei hi Rōngpu eng kae tia nanmanhret sik jo eng.

EZEKIEL 24:11

Tûnchu sum-êng bephu kha rahe chunga manchōng ruh khavakha lum sona hongsen jo rasoh. Khava sōa thir-ek kabek rakip akânghlon sōa beklanga hong intheng sik jo,

LEVI-DÂN 17:10

Israel inkhat a-emak leh ankâra ka-om khōhme inkhat in hmeravōi kha thisen a-ompuma asâk inchu Rōngpu’n ama adōi sik khana ami inkhat a inteimak jo ning.

LEVI-DÂN 26:17

Nangni kadōia kahnget sik chei, nangni torna sik a, nanka-en kada he’n nanchunga vai anrôn sik; khang hrep a kaṭi sik chei khachu tûte’n anhnongmak chei inum inpera katlân sik chei.

AMOS 2:5

Achang jâra, Judah hei chunga hmei kajōng mathlâk sik, Jerusalem rekur kakângsō sik.”

AMOS 9:4

Anmani anka-en kada he’n khum sik a anṭhōi hei inum, ṭong kapek heia kamanthatpet sik hei. Anmani kha inthōpui loa thatpet sik a kamandon jo.”

ZECHARIAH 1:6

Kasōk sânkathem heia inphut, nanpu sōnhei hneng ṭongpek leh gîkna kapek jo hei, tâk heitea lomak hei khava kara inrengna kha anthōk joa kae. Khava sōa anmalung anthlenga Chunghnung Rōngpu kei in anmani chenhlam kasōk karâkna kapek hei kae khana tlo sik a ka’ntlukna kha katlo kae ti hi anhong manhret jo.’”