JEREMIAH 20:6 - LEKHARABU INTHENG (BSI)

⁶ Khana Pashhur nang sik a chu, nang leh na-innshung mi ansur sik cheia kha Babylon ting anṭhōi sik chei. Sova hmun a nang kathi sik che khana anvûm sik che, nang leh naloihei maleisei ṭong hingja nahri pek hei seng leh.”

JEREMIAH 20:6 ပူးပေါင်းရင်းမြစ်များ

ISAIAH 9:15

Kater leh kaja ka-om mihei kha aluhei kae, khana sânkathem maleisei kahri hei kha arahmei hei kae.

JEREMIAH 14:13

Khava pha ke’n kahri, “Chunghnung Rōngpu, sânkathem he’n mihei hneng re leh vonṭâm om mak ning, ajârchu nang in ṭongtepna nanei jo kae anti, khana kanram shunga mōngna rōk ka-om sik anti.”

JEREMIAH 14:16

Khava ṭong antahri pek mihei kha’m, anmani leh in-anga that sik hei kae. Ankalōng hei kha Jerusalem hlampui heia hlonsōt sik hei, khana ankahre sik tûte om mak hei ning. Hivahi mi rakip chunga kasōk sik–annuhmei, ansapa, ansanuhei inveisa sik hei. Anmani ṭhatmak jâra hivahi a’npe sik hei kae.”

JEREMIAH 20:1

Bek-inn ṭōnpui karônpen Immer sapa thempu Pashhur khan kaṭong hri manthangle kha athei pha,

JEREMIAH 20:4

Rōngpu khet in ahri, “Ke’n nang nabi binga leh naṭhōnhei ṭit-inpirna kamanchang sik che, khana nang in mi rakip an-indōipui he’n chemjâm vâng antathatsō hei kha nahmu sik. Judah mi rakip Babylonhei ratha neina thōia kada sik hei; ama’n ṭhahrep athat sik hei, ṭhahrep rehringa aramting aṭhōi sik hei kae.

JEREMIAH 23:32

Rōngpu kei ṭonghri hi rangei ruh! Rahmang kanei sânkathemhei, maleisei kasiptak kahri hei kha ke’n kadōihei. Anmani’n khava anrahmang kha anhria, maleisei leh inlensak pum a, kamihei hlamlea anṭhōi manhmak hei. Anmani ke’n tir mak hei eng khana ansena sik a ṭong pek mak hei eng, anmani mipui sik a hnemna kase hei kae. Rōngpu ke’n kahri jo kae.”

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

ṬAJAISUINA 2:14

Nasânkathem he’n, mihōnna tei loa hri sik neimak hei: Anṭong hrilena nasetna malârhêr loa anhōn jo che. Malung thleng sik rangei mak tia mandonna anpek che.

EZEKIEL 22:28

Sânkathemhei khan sunu kabang vânga intei bang kapōa, hiva setna hi anthup a kae. Anmani’n akadik mak hmangtalâr anhmu khana dik loa hnungṭong anhrisōt. Anmani’n Chunghnung Rōngpu ṭong kha antahri kae anti, tâk-kha Rōngpu ke’nchu anhnenga ṭong hrimak eng.

LEVI-DÂN 26:17

Nangni kadōia kahnget sik chei, nangni torna sik a, nanka-en kada he’n nanchunga vai anrôn sik; khang hrep a kaṭi sik chei khachu tûte’n anhnongmak chei inum inpera katlân sik chei.

MICAH 2:11

“Hiva mihei hin maleisei leh hōnna kasip sânkathem khana, ‘Nangni sik a ju leh theitui kalōng sik’ tia kasânsōt hei kha anmadua kae.’

ZECHARIAH 13:3

Tu mo inkhat in sânsōt ṭong ahriṭhak inchu, ama kanei anu leh apa heikhet khan ama kha that sik kae tia antahri pek sik kae, ajârchu Rōngpu ṭong sânsōt sik a ati leh akadik mak jôk ahrisōt a kae. Ama’n ṭong asânsōt pha, anu leh apatak hei khan antatuk hlon sik kae.

DÂNRABU INHNINA 28:25

“Rōngpu’n nan-inrepuihei kha’m amantor sik chei. Ramkei inkhat a inphut re nantlo sik hei, tâk anhnenga inphut ramkei rakip a katlân sik chei, raleichunga mi rakip in nanhnenga akasōk kha anhmu pha ṭit-inpirna annei sik.