JEREMIAH 20:12 - LEKHARABU INTHENG (BSI)

¹² Tâk-kha Chunghnung Rōngpu nang in mihei kadiktak a na-enmansin hei; nang in anmalung leh anmandonna kha namanhret. Khava jâra kei ani kadōihei chunga phu nahlō kha hmu che rong, ajârchu kei inphinna ṭong hi nakut a kapek jo che kae.

JEREMIAH 20:12 ပူးပေါင်းရင်းမြစ်များ

THUHMINGHEI INHNINA 24:22

Zechariah apa Jehoiada ṭong leipekna, reng innshunga ṭōn tlo sik ahlam kasōk hei kha rengpa khan amahngi jo heia, ama’n Zechariah kha aleithat jo kae. Zechariah khan athi pha, ama ka-ônga, “Nang in natlo kha Rōngpu’n hmu rasoh khana karâk che rasoh!” ati.

HLAHEI 11:5

Ama’n mikaṭha leh mikase in-angtlinga a-enmansin hei; dân kajuimak hei kha amalung pumpuia amater hei.

HLAHEI 139:23

Ei-en mansin roh, Eh Pathen, khana kamalung hi ei-manhret pek roh; a-enmansin ina kamandonna hei hi ahmu sōt pek roh.

HLAHEI 17:3

Nang in kamalung namanhret. Jân a kahnenga kahong che; pui katluk a na-enmansin jo eng, khana ṭhatmak madu rangeina kahnenga hmumak che. Kei ṭongse hrimak eng,

HLAHEI 54:7

Ka’nrengna rakip a inphut nahuksōt eng, khana kei inrepuihei hmaimôkna kha kahmu heia kae.

HLAHEI 58:10

Setna katlohei chunga karâkna kha anhmu pha mikadik-hei kha inpâk sik jo hei; anmani’n mikaṭhamak-hei thisen kha tuipea anpe sik.

HLAHEI 59:10

Ka-Pathen in alungset eng khana kahnenga kahong sik; ani ka-en kadahei hmaimôk chen kha amanhmu sik eng.

HLAHEI 62:8

Kamihei, pha rakip a Pathen kha taksen ruh! nankhōdeng theina rakip hei kha manthei ruh; ajârchu ama hi ni’n-ungna kha kae.

HLAHEI 7:9

Nang chu akadik Pathen inkhat che kae, keini mandonna leh maduna chunga ṭong tan roh, Akaṭhamak katlohei ṭhatmakna kha manbâng hei roh. khana mikaṭhahei kha inpâkman pek hei roh.

HLAHEI 86:4

Nasōk kei hringkhō hi amanhōi pek roh, ajârchu kaderna hi nahnenga hong kakea kae.

ISAIAH 37:14

Reng Hezekiah’n chithi kha ahei tirpa hnenga inphut aloa atei jo. Khava pha ama Bek-inna kasea, Rōngpu hmaikunga ada a,

ISAIAH 38:14

Karasa sōk tor mak jo, kakare ka-îng jo, Vaṭhu kapōa in-ôi eng marvân ka-ena kahmit kakham jo, Rōngpu kei ahuk roh, Hiva khōdeng theina inphut hin.

JEREMIAH 11:20

Khava sōa ke’n kader, “Chunghnung Rōngpu, nang chu akadik ṭongkatan che kae; nang in mihringhei malung leh antamandon na-enmansin kae. Kei chunga ṭong ka-om hei hi nakut a kapek che, khava jâra hiva mihei chunga phu nahlō pek sik eng kha ke’n en che rong.”

JEREMIAH 12:8

Kakadeisōt mihe’n kakadōia inhe jo hei; ramthip a shabakkai kapōa kahnenga inhrung jo hei, khava jâra kamater jo hei.

JEREMIAH 17:10

Rōngpu ke’n, mihring mandonna kajong hei, mihring malung ka-enmansin heia kae. Ke’n mi inkha-khat hi an-omchen dungjuia anṭōntlo dungjuia karazen hei.”

JEREMIAH 17:18

Kei kasuk inrim hei inzakna pek hei roh, tâk-kha kei chu aṭhensōt roh, Rōngpu. Ṭitna khan mansip hei roh, tâk-kha kei chu amanṭit mak roh. Anchunga inrengna masō roh khana ahar-ahak a vōk manchim hei roh.

PETER INKHATNA 2:23

Mi’n inzakna anpek pha ama’n tûte manzak male mak, inrengna ade pha mi maṭhitna neimak, tâk ṭongtan kadikpa Pathen chunga inhōrṭhak a ka-om.

PETER INKHATNA 4:19

Kha achang inchu, Pathen lungdo dungjuia khōdeng theina kade hei kha’n ankasyempa, an-intepna hui inthlung ṭhakpa kha, anṭōntlo ṭhatna vâng pui katluk a antaksenna kha antamalâr sik kae.

ṬONGPHÔNG 18:20

Amanu inhmang jâra marvân inpâk ruh! Pathen mihei, sânkathemhei leh sonlehei, inpâk jo ruh! Ajârchu amanu’n nanchunga aleitlona dungjuia Pathen in achunga masetna apek jo kae!

ṬONGPHÔNG 2:23

Mihring malung mandon leh tamadu rangei inhret kei kachangna hi bekrup rakip in anmanhretna sik, amanu sahei kha kathat sik jo hei. Nangni’n nantatlo dungjui et a ke’n nankhenga kamale sik chei.

ṬONGPHÔNG 6:10

Anmani’n rasa inhnaktak a an-ôna, “Akahratpen Rōngpu, a’ntheng leh akadik! Keini anthat ung jâra ralei mihei chunga ṭong natan sik leh nakarâk sik hei kha heituk mo alakasôt sik?” anti.

SAMUEL INKHATNA 1:15

“Changmak, kei ju inruimak eng, apu,” tia amasôn. “Kei ju inmak eng! Kei malung inreng mi eng kae; kei derna kanei kae, ka’nrengna Rōngpu hneng kabun mathlâk kae.