JEREMIAH 2:8 - LEKHARABU INTHENG (BSI)

⁸ Thempu he’n, ‘Rōngpu khon mo aka-om?’ tia inder mak hei. Kathempu khet he’n amanhret mak jo hei. Vaikarôn he’n kei kadōia inṭang hei; Sânkathem he’n Baal rahminga ṭong ansân akahnem mak limsyem ankamuk hei.

JEREMIAH 2:8 ပူးပေါင်းရင်းမြစ်များ

RENGHEI INKHATNA 18:22

Khava pha Elijah’n ahri, “Rōngpu sânkathem aka-om hi kei rōk jo eng kae, tâk Baal sânkathem chu 450 hin ka-om hei.

RENGHEI INKHATNA 18:29

Kani sûnṭim akhe jo katlunga hnuknat leh thangtôma rasa anneiṭhak a kae; tâk masônna inkhatbek hongmak, kare rasa inkhatbek um intheimak jo.

RENGHEI INKHATNA 18:40

Elijah’n ṭong amasō, “Baal sânkathemhei kha sur hei ruh; anmani inkhatbek um mantlânsōt mak hei ruh!” Mipui he’n ankhenga ansur hei, khana Elijah’n anmani kha Kishon Tuidunga aṭhōisōt heia athat jo hei.

JOB LEKHARABU 35:10

Tâk-kha anmani kasyempa Pathen hnenga chu he’nle mak hei, khava anmalung jînglaia inhōrna ankapekpa hnenga.

ISAIAH 28:7

Sânkathemhei leh thempuhei kapha’m ju inrui heia anhek anhek a kalôn hei. Anmani’n ju an-inreia inhmak heia inpai inthlûk heia kae. Sânkathemhei kha ju inrui rei heia Pathen in hmangtalâr ajōngtir hei kha manhret mak jo hei, thempuhei kha inrui rei heia ṭongtan hi tanthei mak jo hei.

ISAIAH 29:10

Rōngpu’n amanngui jo che, akaje hnger sik a amantluk jo che. Sânkathemhei kha mipui hmit akae sik hei kae, tâk-kha Pathen in anhmit akahuksi pek jo hei.

ISAIAH 30:5

Judah mihei kha insir sik hei, ti chu inthōpuina sik anmadu pha, ankadon mak sik jât, taksenthei kachangmak jât anmani’n anvataksen hei jâra kae.

JEREMIAH 10:21

Ke’n kamasôn hei, “Nihlam kakeihei kamo hei; anmani’n Rōngpu hlamkeina sik a dermak hei. Hiva jâra hin antator mak kae, khana nimihei inthek inchai jo mea kae.

JEREMIAH 12:10

Ram hlop a vaikarôn katamtak he’n kavomhrui rahōn ansuksetsō jo; anmani’n kahlei kha anchōn rachi jo; kamaner ram kha nêrdiram anmanchang jo.

JEREMIAH 16:19

Rōngpu, nang karatha ngarna leh ani kahrung che kae, inrengna pha na’nthōpui eng. Raleichung inchaina inphut jât-hei nahnenga kahong sik hei khana anhri sik, “Kanpu kanpa he’n pathen kadikmak kha tei loa heite leinei mak hei, akahnem mak limhei tei loa heite leinei mak hei.

JEREMIAH 18:18

Khava pha mihei khan anhri, “Eini’n, Jeremiah chunga heimo inkhat mantluk rih! Ani’nthei sik thempu, ani-inse sik mikasing, khana Pathen ṭong thangkōi kahrile sik ahei tik a ninei ṭhak sik hei kae. Ama chunga masetna pek rih khana aṭong rangei pek mak jo rih.”

JEREMIAH 2:11

Tûte jât inkhat in, akadiktak achangmak inum an-pathen kamuk kha thlengphung mak hei. Tâk-kha kami he’nchu kei hi anthleng ṭhak eng, anhnenga kajana anhei karôn pek Pathen kei hi, anmani sik a heite akatlotor mak pathenhei leh anthleng enga kae.

JEREMIAH 2:6

Ke’n anmani Egypt a inphut kahuksōt heia, nêrdiram thōia: nêrdi leh khur kōk omna ram, ram chârna leh thitheina ram, khana mihring tûte omakna hmun, khana tûte lônlele makna sik ram a khan kaṭhōisōt he’num anmani’n heitea asakmak hei.

JEREMIAH 4:22

Rōngpu’n ati, “Kamihei hi kamohei, amanhret mak hei. Anmani naipang kamo ka-ang hei; anmani manhretna neimak hei. Anmani ṭōnse tlona chu kathemhei, tâk-kha ṭōn kaṭha tlona chu them mak hei.”

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

JEREMIAH 7:8

“Enruh, nangni’n mihōnna ṭonghei nantaksena kae.

JEREMIAH 9:14

Khava kanek a, anracham kasea anpu anpa he’n Baal limsyem kamukna sik antamanthei hei kha ankamuk jôk a kae.

EZEKIEL 22:26

Thempu he’n kadân anvōkkhōi khana a’ntheng chunga kajana neimak hei. Anmani’n a’ntheng leh a’nthengmak ṭhensōt mak hei. A’ntheng leh akabōk in-ang makna kha mi hnenga manthei mak hei, khana Châmhngat kani kha donmak hei. Khava jâra Israel mipui he’n kei akaja mak jo hei.

EZEKIEL 34:2

Ama’n ati, “Akathithei mihring, Israel hlamkakeihei dōina ṭonghri roh. Anhnenga ṭongsân hri roh, Chunghnung Rōngpu ke’n anhnenga kahri hi manthei hei roh: nangni inhmang jo chei, Israel kemōng kakhem nangni! Nanbinga in-en kaṭha chei, kemōnghei chu khemmak chei.

HOSEA 4:6

Kami he’n anhnōm mak eng jâra inhmang jo hei. Nangni thempu chei in kei ahnōm mak chei khana kaman theina chei rahlâng mak chei, khava jâra ke’n kahlonsōt jo chei khana nansahei leh kathempuhei kha kahlonsōt heia kae.

HABAKKUK 2:18

Limsyemhei hnemna heimo? Hiva hichu mihring tasyem hnâm kae, hivahin nanhnenga akadik mak tei loa heite hritheimak. Akasyempa’n ataksen theina sik hei ṭhatthei mo atlopek, khava akaṭong theimak pathen hrep khan.

MATTHEW 16:26

Mi inkhat in vânhnōi ralei pumpui hi chen sona, arathla amanhmang jo’nchu ama sik a heimo ahnemna aka-om? Heite om mak! Rathla inhmang kha chenmale nôkna sik a apektor heite om mak.

LUKE 11:52

“Nangni Dân ojahei sik, heituk a ṭitpek aka-om chei mo! Nangni’n manhret theina kot mahlângna chabi kha nanchoi: khana nangni nanbinga’m hlutmak chei, khana hlut rung kati hei kha’m nankhâr heia kae.”

JOHN 16:3

Anmani’n ke’m khana kapa’m anmanhret mak jâra, nanchunga hiva ṭōnhei hi anta hongtlo sik kae.

JOHN 8:55

Nangni’n ama lamanhret hêrmak chei, tâk ke’nchu kamanhret. Ke’n ama manhret mak eng kati’nchu, nangni kapōa malei kasei kachang sik eng. Tâk-kha ke’n ama kamanhret khana aṭong kajui.

CORINTHIANHEI INHNINA 4:2

Keini’n ṭōn marûk leh inzakna ṭōn rakip kahlonsōt; keini’n mihōnna ṭōn tlomak ung, Pathen ṭonga maleisei um hrimak ung. Pathen hmit-hmua vâr kadiktak thōia kahring ung khana mi rakip malunga akadik kha anhmu theina sik tak kantloa kae.

DÂNRABU INHNINA 33:10

Nadân juina sik a namihei anmanthei sik hei; Nang maichâma inthoina antōk sik.

SAMUEL INKHATNA 12:21

Akadik mak pathenhei kahnung juimak hei ruh; inthōpui tor mak hei chei ning khana ahuk tor mak hei tin, ajârchu anmani kha akadik khet changmak hei.

SAMUEL INKHATNA 2:12

Eli sapahei kha malung kadikmak hei kae. anmani Rōngpu kha heite donmak hei