JEREMIAH 2:7 - LEKHARABU INTHENG (BSI)

⁷ Neinâk kaṭha ralak leh theikara kahōia ansâkna sik a, ram thai omna hmun a anmani kahong ṭhōi hei. Tâk anmani’n karam kha anmanhmang jo, kapek hei ram kha anmanbōk jo.

JEREMIAH 2:7 ပူးပေါင်းရင်းမြစ်များ

NEHEMIAH 9:25

Namipui he’n rekur tukkhum khōpuihei, ram ṭhatna hei, karōi kasip innhei, antakhōrsa tuikhurhei, Olive kunghei, theikung hei leh vomhrui rahōnhei kha anhlō hei. Antamadu chenna ansâk a katur jo hei; nang in neinâk kaṭha napek hei seng kahōia anhmang jo.

NEHEMIAH 9:26

“Tâk-kha namihei khan inphin heia naṭong juimak hei; nadân a khan anmani’n hnung ansungsi jo. Nang hnengting anlei inhena sik a gîkna kanei sânkathemhei kha anmani’n anleithat hei. Pha khakhat leh nang kha inzakna anleipek che,

ISAIAH 19:25

Chunghnung Rōngpu’n vâng apek sik heia kha ahri sik, “Ke’n vâng kapek sik chei, Egypt, kamihei; nang Assyria, kami syem hei; khana nang Israel, kakadeisōt kamihei.”

JEREMIAH 16:18

Ke’n ansetna leh anṭhatmakna jâra chen inhnia karâkna kapek sik hei, ajârchu karamshung hi akahringmak jo taksa kalōng kapō, anlimsyem hei khan anmanbōk jo khana akadik mak an-pathenhei kha anmansipsō jo.”

JEREMIAH 3:1

Rōngpu’n ati, “Pase inkhat in anuhmei a’nṭhenpui joa, khana amanu khan pase hlop inkhat lômnu avachang jo’nchu, avea ompui theimak jo ning. Hivahin ram kha amanbōk sik kae. Tâk-kha, Israel, nang chu indupui katamtak nanei jo hei sōa, tûnchu kahnenga hong inle hnōm jo che!

JEREMIAH 3:2

Hmebung chung heia enroh. Notinu kapōa nachôn makna hmun aka-om mo? Arab he’n nêrdiram a mi that sik a antahlō hei kapōa nang in hlamlen dunga nalungset hei kha nahngâk hei. Na-noti changna khan ram kha namanbōk a kae.

JEREMIAH 3:9

khana heite inkhat inzak mak a kae. Amanu’n ram kha amanbōk jo, thing leh hlung akamuk a mikajông kachang jo.

JEREMIAH 32:23

Achang ravâng anmani hiva ram a anhei tlunga khana anhlō jo pha hin, anmani’n naṭongpek juimak hei, naman theina dungjuia om mak hei; antatlo sik a ṭong napek hei kha anmani’n heite tlomak jo hei. Khava jâra anchunga hiva ṭōnse seng hi namasō pek jo hei.

JEREMIAH 32:30

Judah mihei leh Israel mihe’n anmani thuhming a’nphutbia inphut anṭōn tlona khan kamalung manhōi mak hei khana kahnuk anmannat a kae.

EZEKIEL 20:24

Hiva kaleitlo hi anmani’n kaṭong pek anhlonsōt a kadân anvōkkhōi khana Châmhngat kani kha anmanbōk jâra kae; khana anpu anpahei taleirazen limsyem kha ankamuk a kae.

EZEKIEL 20:28

Ke’n anmani pek sik a kalei intepna ram a khan kaheiṭhōi hei. Anmani’n bung inshâng leh thingkung ka-êm anhmu pha, khahei rakip hnenga inthoina antōk a kae. Anmani inthoina tōkna leh inthoina sik a anju heichoi khan kahnuk anmannat a kae.

EZEKIEL 20:6

Khava sōa ke’n Egypt ram a inphut anmani kaṭhōisōt sik a intep eng khana anmani pek sik a kakadei ram, haona leh ram thai omna, heirakip chunga ram kahōipena khan kaleiṭhōi hei.

EZEKIEL 23:35

Tûnchu hivahi Chunghnung Rōngpu’n ahri kha kae: “Nang in namahngi enga nakahnung nasongṭhlōn eng jâra, nang maduna jâra leh noti nachang jâra inreng nade sik kae.”

EZEKIEL 36:17

Ama’n ati, “Akathithei mihring, Israel he’n anrama an-omlai anmani ṭōnse tlo khana anchônna khan ram anmanchok. Anmani omchen kha nuhmei pōn hmulaia kapōa kahmua beklanga a’nthengmak inkhat a kalo.

HOSEA 9:3

Israel mihei kha Rōngpu ram a khan om mak hei ning tâk Egypt ram a inle nôk sik heia kha Assyria ram a inthenglo thlai kha ansâk sik.

MICAH 2:10

Thōi ina se jo ruh; hinahin inhuk theina om mak jo. Nangni setna khan hiva hmun hi inhmangna amanchang jo.

MIJAHEI 13:27

Anmani’n Moses hneng anhri, “Keini’n aram kha kanva-en mathlip jo, kara kōnna leh ralei thai omna sik a kanva hmusōt; hinahin aram kara ṭhahrep ka-om.

DÂNRABU INHNINA 21:23

khana khan jân manrek sik changmak. Khava ning bât hre sik kae, ajârchu kathi kalōng thinglera makhei kha, Pathen hâksêrna khava ram chunga katlunga kae. Rōngpu nan-Pathen in apek chei ram kha sukmannim makna sik a kalōng kha vûm ruh.

DÂNRABU INHNINA 32:9

Tâk Jacob sōnhei chu ami sik a akadeisōt jo hei.

DÂNRABU INHNINA 6:18

Rōngpu tahri akaṭha leh akadik kha tlo ruh, khan chu nangni sik heirakip kaṭha sik. Rōngpu’n nanpu-nanpahei hneng a’ntepna ram kaṭha kha nanchen thei sik a kae,