JEREMIAH 2:5 - LEKHARABU INTHENG (BSI)

⁵ Rōngpu’n ati: “Kei dōina nanpusōn he’n heimo anta leihri? Hei-inmo keia inphut amantlânsōt hei? Anmani’n akahnem mak limsyem ankamuk a, anbinga akahnem mak hongkachang hei.

JEREMIAH 2:5 ပူးပေါင်းရင်းမြစ်များ

RENGHEI INHNINA 17:15

Ama mansena ṭong juihnōm mak hei, anpu anpahei leh ama ṭong intepna kha juimak hei, khana ama gîkna hei kha anmani’n heitea teimak hei. Akahnem mak limsyem ankamuk, anbibinga hnemna kase kachang hei, khana Rōngpu’n ankimvea jât-hlop hei omchen anmanchu makna sik a ṭong apek hei kha juimak heia, anmani’n jât-hlop hei omchen jôk anjuia kae.

HLAHEI 115:8

Khava lim kasyema akataksen rakip hei kha antasyem lim kha ang jo hei rasoh.

ISAIAH 29:13

Rōngpu’n ahri, “Hiva mihe’n kei kamuk sik a anti, tâk anṭonghri hei kha ajâr kase kae, khana anmalung kha ahlop khat a ka-om. Anbek-oina kha heite changmak; tâk anmalunga antachîk hnâm mihring dân leh chona ngai hei kha kae.

ISAIAH 44:9

Lim kasyem rakip hmangna kase hei kae, khana aman antamantam pathenhei kha hmangna kase kae. Khava pathen inmuk hei kha hmitkacho leh heite inhret mak hei kae, inzakna manchen sik hei kae.

ISAIAH 46:12

“Kaṭong hri rangei ruh, malung kasak nangni, retorna kha kahlajap a ka-om tia a’ndon hei.

JEREMIAH 10:8

Ankhenga kamohei khana invet hei. Thinga lim syem heia inphut anmani’n heimo themna antahmu sik?

JEREMIAH 12:2

Nang in naphun hei, anmani’n rajung anṭhō; kakek heia inra hei. Anmani’n naṭong kahōitak a anhri, kha’num kadiktak a antadon che chu changmak.

JEREMIAH 14:22

Jât-hei limsyem inkhatbek inum khōtui mansûr tor mak ning; bōirōk inum abinga khōtui mansûr tor mak. O, Rōngpu, kan-Pathen, nang chunga keini inhōrna kannei, ajârchu hiva rakip akatlo hi nang che kae.

JEREMIAH 2:31

Israel mihei, kaṭong hri hi rangei ruh. Kei hi nanhnenga nêrdiram kapō, a’nthim leh thinathei ram kapō kha akachang jo eng mo? Kha achang inchu heijâra mo nangni’n nanracham hrep a nanchônna sik leh kei hnenga nanhong inle hêrmakna sik a nanta hri jo?

JEREMIAH 2:4

Israel phunghei, Jacob sōn leh pârhei, Rōngpu ṭonghri rangei ruh.

JEREMIAH 8:19

Rangei roh! Ram shung rakip a, kamihei ṭa rasa kha kathei, “Rōngpu kha Ziona om mak jo mo? Zion rengpa kha khan om mak jo mo?” anti. Rōngpu anrengpa khan ahei masôn hei, “Heisa mo nanlim kamuk a kahnuk nanta mannat khana hnemna kase ram hlop pathenhei hneng a’nkun chei.”

EZEKIEL 11:15

Ama’n ati, “Akathithei mihring, Jerusalema ka-om mipui he’n nang leh nasap rehring sura aka-om nangnihei chungchânga inbek hei. Anmani’n anti, ‘Rehring sura ka-om heiso Rōngpu inmuk sik a kahla hêr jo hei. Hiva ram hi eini apek jo me kae.’

EZEKIEL 14:5

Khava limsyem rakip in Israelhei kha kei hnenga inphut aṭhōitsōt jo hei,; tâk kei masônna vânga khan anmani ṭong juina kha kachen male sik tia inhōr eng.

JONAH 2:8

Akahnem mak limsyem inmuk hei khan nang kha adahlon jo che.

MATTHEW 15:8

Pathen in, ‘Hiva mihei hin anbei vâng rōk ankaja eng, tâk anmalung chu keia inphut kahlatak a ka-om.

ṬŌNTLOHEI 14:15

“Heisik a mo hivahi nantatlo? Keini’m nangni kapōa mihring inkhat-hrep ung kae! Keini hi marvân, ralei, tui-ôngpui leh ashunga ka-om rakip kasyempa, akahring ṭhak Pathen sik a, hnemna kase neinâk heia inphut nan-inhesōtna sik a, Ṭong kaṭha kaphôngsōt sik a hiva hmun a akahong ung kae.

ROMANHEI 1:21

Anmani’n Pathen anmanhret, tâk ama chen, kajana kha pek mak hei, manpâk um manpâk mak hei. Khava kanek a anmalung pui katluk a kamoa, anmandona akarōksai kha inthim in amakhusi jo.

DÂNRABU INHNINA 32:21

Antasyem limhei jâra kahnuk anmannat, Pathen changlo pathenhei kha, pathen anphō hei jâra kathang anmanset. Khava jâra anhnuk mannatna sik a jât-hlop antati hei kha kahmang sik hei; akamo jât-hei chunga anthang kamansit sik.

SAMUEL INKHATNA 12:21

Akadik mak pathenhei kahnung juimak hei ruh; inthōpui tor mak hei chei ning khana ahuk tor mak hei tin, ajârchu anmani kha akadik khet changmak hei.