JEREMIAH 2:34 - LEKHARABU INTHENG (BSI)

³⁴ Nanpōnsi hei kha misara leh ṭhenakase hei thisen kakop jo, inn kavōk khōi inruhei thisen kha changmak. “Heirakip hi achang inum,

JEREMIAH 2:34 ပူးပေါင်းရင်းမြစ်များ

RENGHEI INHNINA 21:16

Manasseh’n ṭhena kaneimak mi hingja athat heia Jerusalem hlamdung heia thisen amanlōng, hivahi Judah mihei limsyem kamukna aṭhōi hei chungchôna atlosa kha kae, khana Rōngpu dōina setna amantlo hei kha kae.

RENGHEI INHNINA 24:4

kakhôk pena ama’n ṭhenakase mi aleithat hei seng jâra kae. Khava sik a Rōngpu’n Manasseh kha rangei mandam tor mak a kae.

SŌKSŌT 22:1

“Mi inkhat in sehrat pui inkhat mo, kemōng inkhat mo amarûk a athat mo, a’njōr mo atlo’nchu sehratpui inkhat kha aja 5 vâng amale sik, kemōng inkhat kha aja 4 vâng amale sik kae.

SŌKSŌT 22:2

Amarûk kha amale nger sik kae. Ama’n heite aneimak jo’nchu, aneinâk marûk malena sik a ama kha mi sōk a a’njōra amale sik kae. Aleimarûk kha se achanga, shakōrtung achanga, a-emak leh kemōng achang jo’num, ama hnenga akahringa a’nhmusōt inchu, inkhat kha 2 hnia amale sik kae. “Inru inkhat jâna mi inn asukkhōi pha ansura anthat inchu, akathatpa kha maset chenmak ning. Tâk-kha sûn pha shunga aleichang inchu mikathat inkhat a maset achen sik kae.

ISAIAH 57:5

Nangni thingkung intheng thōia taksa inchun cheia saneina pathen kha nankamuk a kae? Khana tuidung panga hlungkōk a nansahei inthoina nantōk a kae.

ISAIAH 59:3

Nangni maleisei, hnuk kase, khana mikathat ṭhena kanei chei kae.

ISAIAH 59:7

Nangni ahei tik a ṭōn kaṭhamak rōk nanmantluk, khana khava tlosōt sik kha nanhngâk hla. Ṭhenakase hei thatna sik malung inkei-chiona neimak chei. Nansena hmun rakip a mansetna leh manhmangna kha nanda hlona kae,

JEREMIAH 19:4

Ke’n hivahi katlo sik kae ajârchu mipui in kei andahlon enga hiva hmun a hin pathen ralak hnenga inthoina antōk a anmanbōk jo, anmani leh anpu anpa he’n khana Judah reng he’num antamanhret phakmak pathenhei hnenga inthoi hei. Hiva hmun hi khō inhret mak hei thisen vâng anmansip phet jo,

JEREMIAH 2:33

Lungdi kahnung hnongna sik chu nanmanhret. Nuhmei kaṭhamak pen inum nangnia inphut inchua kae.

JEREMIAH 6:15

Anmani’n hiva mater ka-om omchen antlo pha hin inzak hei mo? Inzak mak hei, inzak hêrmak hei; anhmu kapha anhmai senmak. Khava jâra anmani milak-hei tlûna kapōa katlu sik hei; ke’n karâkna kapek hei pha, khavakha an-inchaina kachang sik jo. Rōngpu ke’n kahri jo kae.”

JEREMIAH 7:31

Anmani’n Hinnom Phaichama Topheth antia maichâm inkhat ansyem, ansapa ansanuhei hmeia roa inthoina antōk theina sik a antlo. Hiva antlona sik a ke’n ṭong pek mak hei eng, kamalung shunga’m mandon mak eng.

JEREMIAH 7:6

Ramlak mi khōhmehei, nu leh pa kaneimak hei, khana renghmeihei chunga hnemna nantajong kha bâng ruh. Hiva ram shunga ṭhena kaneimak nantathat hei kha bâng ruh. Pathen ralak nantakamuk kha bâng ruh, ajârchu khava khan athat manram sik chei kae.

JEREMIAH 8:12

Kamihei, hinghiva mater ka-om tak ṭōn hi nantlo jâra inzak chei mo? Changmak, inzak hêrmak chei; nanhmai sennabek kha’m manhret mak chei.! Khava jâra mihlop-hei katlu kapōa nangni akatlu sik chei kae; ke’n karâkna kapek chei pha khan chu, khavakha nan-inchaina kachang sik jo. Rōngpu ke’n kahri jo kae.

ṬAJAISUINA 1:9

Amanu intheng makna kha kabeitak a inhmusōt, tâk-kha avâng setna kha heitea donmak a kae. Ama tlâksukna hi ṭit ka-omhêr; tute’num ama bômtor mak. Aka-en kada he’n antor jo, khana Rōngpu hneng inthōpuina sik ka-ônga kae.

ṬAJAISUINA 4:14

Anhlam kakeihei kha hmitkachohei kapōa hlam a kalôn lele hei, antaksa kha thisen in kakopsō hei, tûte’n tôn hnōm mak hei.

EZEKIEL 20:31

Tuning katlung a’n-angtling kutchoi kha nanlapek ṭhak khana anhnenga nansahei kha hmeishunga inthoina nantōk a limsyem mama hei leh nanbinga inbōk innim chei. Khava sōa Israel nangni kei lungdo kader a kahong chei! Chunghnung Rōngpu kei akahring Pathen kachang jâra, kahnenga heite mander mak chei ning.

EZEKIEL 22:25

Hlamkakeihei kha shabakkai in ashathat jâra a’nhrung kapō hei kae. Mi anthat hei, antalo tor seng sêr leh neinâk rakip anchomsōt, khana anmi that jâra renghmeinu katamtak ka-om jo hei.

EZEKIEL 23:45

Mikadik he’n anmani anjôngna leh mi anthatna jâra andem sik hei, ajârchu mi puise an-indupui hei khana ankut thisen kakop heia kae.”

EZEKIEL 24:7

Khōpui shunga mithatna ka-om, tâk vuibō tamakhu torna raleichunga khan chu thisen kha inthek inchai mak; khavakha hlung inkekpet chunga inthek a kae.

EZEKIEL 9:9

Pathen in amasôn eng, “Israel leh Judah mihei ṭit ka-om tak setna ṭhena kha antlo jo. Ram pumpui shunga mi anthat jo khana Jerusalem hi tloṭhena vâng rōk a anmansip jo. Rōngpu ke’n anram kadahlon pek heia, anmani hmumak jo hei eng tia anmani’n anti.