JEREMIAH 2:28 - LEKHARABU INTHENG (BSI)

²⁸ “Nanbing sik a nantasyem pathenhei kha khon mo aka-om jo hei? Antor inchu, nangni khōdengthei lai huk chei rasoh! Judah, nang in khōpui nanei chenna pathen um naneiheia kae.

JEREMIAH 2:28 ပူးပေါင်းရင်းမြစ်များ

RENGHEI INHNINA 3:13

Elisha’n Israel rengpa hneng aleiti, “Heisa mo ka’nthōpui sik che? Se ina nanu leh napa hei taleider sânkathemhei kha vader hei roh.” Joram in aleimasôn, “Changmak! Keini reng 3 ung hi Moab rengpa kut a anikapek sōt kha Rōngpu kha kae.”

ISAIAH 45:20

Rōngpu’n ahri, “Nankhenga hong ruh, jât rakip a mipuihei, rengram apur jo pha alakahring seng; nanṭong tanna sik nantak khet hong inlâr ruh! Thinga ansyem lim leh inṭhōia a’njôk mipuihei, ankahuktor mak sik pathenhei hnenga akader hei, khava mihei kha heite manhret mak hei!

ISAIAH 46:2

Limhei khan anbinga inhuksōt tor mak hei; khahei kha ansur heia anchoisōt jo hei. Hivahi Babylon pathenhei inchaina kha kae!

ISAIAH 46:7

Anmani’n andâra ankadoma anchoi: anmani’n hmun inkhat a anda, khana khan kangira ka-om, angirna hmun a inphut inhling theimak. Mi inkhat in ahnenga ader inum masôn tor mak, achangmak leh inrimna inphut huk tor mak.

ISAIAH 57:13

Nangni’n inthōpuina sik a nanṭap pha, khava nanlimsyem hei khan huk chei rasoh! Thli kahrâng in atlensō sik hei! Tâk kei kataksenhei khachu ram a khan ka-om sik hei khana kabek-inn shunga ankamuk sik eng.”

JEREMIAH 1:16

Kami he’n setna antlo jâra karâkna kapek sik hei kae; anmani’n kei andahlon jo eng, pathen ralak hnenga inthoi hei, lim ansyema ankamuk heia kae.

JEREMIAH 11:12

Khava sōa Judah leh Jerusalem mihei kha inthoina antatōkna pathen ralak-hei hneng khan kase heia inthōpuina kader sik a kaṭap sik jo hei. Achang ravâng hiva inhmangna hi ajōng pha khan chu khava pathenhei khan huk tor mak hei ning.

JEREMIAH 11:13

Judah mihe’n khōpui antanei kapō jahrep a pathen annei heia kae, khana Jerusalema aka-om mihe’n khōpui shunga hlamdung aka-om jahrep a mater ka-om Baal pathen hnenga inthoina sik a maichâm ansyemsōt a kae.

JEREMIAH 30:7

Ṭit ka-om tak kani kha kahong jo; kani ralak leh tekâkthei changmak kamihei sik a inrengna pha kha kae, tâk-kha anmani kahring sik hei.”

JEREMIAH 37:19

Babylon rengpa’n nang leh hiva ram hi re hongsō mak ning tia ani kahri pek sânkathemhei kha heihmen akachang jo hei?

HOSEA 10:1

Israelhei kha vomhrui kara katamtak inra rahōn ka-ang hei. Annei apung chenna maichâm ansyemsa chet-chet. Anram kara apung chenna, antakamuk anhlung chopuihei ansyem manṭhat chet-chet hei.

HABAKKUK 2:18

Limsyemhei hnemna heimo? Hiva hichu mihring tasyem hnâm kae, hivahin nanhnenga akadik mak tei loa heite hritheimak. Akasyempa’n ataksen theina sik hei ṭhatthei mo atlopek, khava akaṭong theimak pathen hrep khan.

HABAKKUK 2:19

Nangni inhmang jo chei! Nangni’n thinghar inkhat hneng nanhri, “Thōi jo roh!” achangmak leh hlungtlang inkhat hnenga nanhri, “Thōi jo roh!” Kut a limsyem in nangni heimo amanthei tor sik chei? Sana leh dangka vâng ankatōm tlit thei, tâk akahring rathla kha neimak.

DÂNRABU INHNINA 32:37

Khava sōa Rōngpu’n amihei ader sik hei, ‘Nanta taksen ratha kanei pathenhei kha khon mo aka-om jo hei?

ṬONGKATANHEI 10:14

Nangni’n nanta madu pathenhei hneng se una vader ruh. Nangni’n khōdeng nanthei pha anmani’n huk chei rasoh.”