JEREMIAH 2:26 - LEKHARABU INTHENG (BSI)

²⁶ Rōngpu’n ati, “Inru ansur pha leh inzak aratō kapōhrep a Israel mi pumpui nankhenga nanreng hei, nanṭōn katlohei, nanthempu hei, khana sânkathemhei inzakna nanratō sik a kae.

JEREMIAH 2:26 ပူးပေါင်းရင်းမြစ်များ

EZRA 9:7

Kanpu kanpa heia inphut tûn katlunga, nami keini kaset hêr jo ung. Kanṭhena jâra kanrenghei, kanthempu hei miram renghei kut a leikatla jo hei, keini anleithasōt ung, anleichom ung, khana rehringa anleisur jo ung. Khana tuna kanka-om kapōa hin inzakna katluk set a kanleichen jo.

HLAHEI 97:7

Limsyem inmuk rakip inzakna apek hei; pathen rakip in Rōngpu hmaikunga inkun hei.

ISAIAH 1:29

Rahōn intheng kasyema thingkung kaling leh a’nmuk nangni inrim sik chei.

ISAIAH 44:11

Tu achang inum khava inmuk hei kha suk mannem sik hei kae. Lim kasyem hei kha mihringhei kae, heite changdek mak hei. Anmani ṭongtan hmun a hong ngir hei rasoh, ṭit manpir sik hei kae, khana inzakna antachen sik kae.

ISAIAH 44:9

Lim kasyem rakip hmangna kase hei kae, khana aman antamantam pathenhei kha hmangna kase kae. Khava pathen inmuk hei kha hmitkacho leh heite inhret mak hei kae, inzakna manchen sik hei kae.

JEREMIAH 2:36

Nang in jât-hlop pathen nasora nabinga naman namantlôm a kae. Assyria tatlo che kapōa, Egypt inum malung tlâksamna ahongpek sik che.

JEREMIAH 22:22

Nanhlam kakeihei kha thli’n atlen sik jo hei, nangni leh nanta’nthlop pui hei kha rehringa ankei sik hei, nankhōpui kha hmaimôkna leh inzakna anpek sik, nangni’n akaṭhamak nanheitlo kara kae.

JEREMIAH 32:32

Judah leh Jerusalema ka-om mihei, anrenghei leh hlamkakeihei, anthempuhei leh sânkathemhei seng in ṭhatmak antlo jâra khan.

JEREMIAH 4:9

Rōngpu’n ahri, “Khava kani ning chu, renghei khana anṭōnpui karôn he’m an-in ngamna inhmang sik, thempuhei anmalung kana sik, sânkathem he’num andet-hla sik jo.”

JEREMIAH 48:27

Moab, nang in Israel naleimanuisō hei kha mandonsōt mak che mo? Nang in anmani kha mikachomloi tasur hei kapōhrep a naleitlo heia kae.

EZEKIEL 16:54

Nang nabinga inzakna nanei sik, khana nahmai môkna khan nasōpuihei kha heituk mo akaṭha hei ti amalâr sik hei.

EZEKIEL 22:26

Thempu he’n kadân anvōkkhōi khana a’ntheng chunga kajana neimak hei. Anmani’n a’ntheng leh a’nthengmak ṭhensōt mak hei. A’ntheng leh akabōk in-ang makna kha mi hnenga manthei mak hei, khana Châmhngat kani kha donmak hei. Khava jâra Israel mipui he’n kei akaja mak jo hei.

ZECHARIAH 5:4

Chunghnung Rōngpu’n hiva hâksêrna hi kahei tir sik jo ati, khavakha inruhei inn rakip a leh intepna thōia maleisei kahri rakip hei inna kahlut sik ati. Hivahin an-innshunga ka-om sik khana amanram cher heia adahlon sik hei.”

ROMANHEI 6:21

Nangni tuna nanta’n zakpui omchen nanta leitlo hei khana inphut akaṭha heimo nantachen aka-om jo? Khavahei tarôn sōt khachu thina kae.