JEREMIAH 2:21 - LEKHARABU INTHENG (BSI)

²¹ Hmuchi kaṭhapena inphut, kadeisōt vomhrui kapōa kaphun che kae. Tâk-kha enroh, heimo akachang jo che! Akahnem mak, akaṭopsa vomhrui ka-ang jo che.

JEREMIAH 2:21 ပူးပေါင်းရင်းမြစ်များ

A’NPHUTNA 18:19

Asahei leh asōn apâr he’n kaṭong anjuina sik, akadik leh akaṭha antlona sik, amansena sik hei tia ama hi kakadeisōt jo kae. Anmani’n khanga antlo’nchu ke’n ahnenga kalei intepna hei seng kha ama sik a katlo pek sik.”

A’NPHUTNA 32:28

Pase khan, “Narahming Jacob inti mak jo ning. Israel inti sik jo, ajârchu nang in mihring leh Pathen na’nrepui jo hei, khana nang in nator jo hei; khava jâra narahming hi Israel a’nti sik jo kae,” ati.

HLAHEI 44:2

heikhonga mo nang in khōvelhei kha nahnong sōt hei, anrama khan namihei nalei phunsōt hei; heikhonga mo nang in jât-hlop hei kha karâkna napek hei, khana nami kachang hei khachu namanhao hei, ti hi kanleithei jo.

HLAHEI 80:8

Egypt a inphut vomhrui nahei rôn sōt; jât-hlop hei kha nahnong sōt heia, anram shunga khan naling manhmông jo.

HLAHEI 80:9

Ahmôngna sik a ahmun kha namanhleng; arajung kha ralei inthûktak a aṭhō, khava khan aram pumpuia arajung asemsō.

SŌKSŌT 15:17

Anmani kha naṭhōi manhlut heia natlâng chunga naphunsōt hei, Rōngpu nang in na-inn sik a nakadei jo hmun a khan, nangkhet in nasak jo nabek-inna khan.

ISAIAH 1:21

Vōi khat ṭong kajuitak khōpui kalen kha tûnchu notinu kapō kachang jo! Pha khat a mikadik he’n leikasip hei, tâk tûnchu mikathat rōk ka-om jo hei.

ISAIAH 27:2

Khava kani ning khan Rōngpu’n avomhrui rahōn chunga malung tlaina ṭong ahri sik,

ISAIAH 41:8

“Tâk-kha, kasōk Israel nangni chu, kakadeisōt mipui kha nangni chei kae, kaṭhōn Abraham, sōn leh pâr chei kae.

ISAIAH 5:4

Hiva rahōn sik a hin katloṭhe heikhat aka-om jo mo? Achang inchu heisik a mo, kei inhōrna, vomhrui thei kaṭha inra loa akathûr jôk a’nrasōt hi?

ISAIAH 60:21

Nang mihei seng in ṭōn kadik antlo sik, Khana ram kha ahei tik a anhlō sik jo. Ke’n anmani kaling hei, Ke’n kasyem hei, Vânhnōia kalenna phôngsōtna sik a kae.

ISAIAH 61:3

Ziona ṭajai kasui hei hneng Inrengna kahlanga inpâkna leh ningṭhatna kapek sik, Inrengna kahlanga manpâkna hlasakna sik a ajōngtir eng. Anmani Rōngpu ama khet in aling mankhang Thingkung kapō kachang sik hei. Anmani ankhenga akadik kha antlo sik jo, Khana Pathen kha atlona hei seng jâra manpâk a ka-om sik jo.

JEREMIAH 11:16

Ke’n pha khat a olive thingbō inbur, kara kaṭhatak a a’nra hei tia kaleiphō hei, tâk tûnchu, khō inri kapōa abōhei kha hmeia kamankâng sik hei, khana abâk-hei kha kamathlek sik jo hei.

JEREMIAH 11:17

Chunghnung Rōngpu ke’n, Israel leh Judah hi kaphun jo hei kae; tâk-kha tûnchu, khōdeng theina vânga maṭhitna kanei jo hei. Anmani’n akadik mak antlo jâra hivahi anbinga anta’nrôn sōt kae; anmani’n Baal hneng inthoina antōk jâra kahnuk antamannat kae.”

JEREMIAH 5:10

Kamihei vomhrui rahōn katuktan sik a inrepuihei kahei tir sik hei, tâk-kha akhenga chu mantuktan pek mak hei ning. Abâk-hei chu tuktan petna sik a kamanthei sik hei, ajarchu abâk-hei khachu keita changmak hei.

ṬAJAISUINA 4:1

Kansana kavâr ja-jap hei kha hong kadup jo hei; Bek-inn hlunghei hlamlena inchek-chai jo hei.

EZEKIEL 15:2

Ama’n ati, “Akathithei mihring, vomhrui kung kha thingkung leh heikhonga mo nitekâk sik? Vomhrui bâk ṭhatchômna kha heikhonga mo ratu shunga thing bâk leh nitekâk sik?

MATTHEW 21:33

Jesu’n ati, “Tekâk hlop inkhat rangei ruh: Pha khat a ram kapu inkhat in vomhrui alinga, akimvea arahōna atheitui ep-mathlâkna khur inkhat achoa, chung inshâng berte inkhat asak a kae. Khan chu arahōn kha amansân heia, ama kha ram kahlatak a kase jo.

MARK 12:1

Khava sōa Jesu’n anmani hneng tekâk a aleihri pek hei: “Pha khat a vomhrui kung kaling mi inkhat leika-om, arahōn kimve akhâr, vomhrui ep-maherna khur acho, khana rahōn hngâkna berte asyem. Khava sōa arahōn kha akathlōhei hneng asân jo khana a-inn adahlona khōhmea kase jo.

LUKE 20:9

Khana Jesu’n mihei hneng hiva tekâk hi aleihri, “Mi inkhat vomhrui thei rahōn inkhat arahōna, khava thei rahōn kha mihei hneng asânsōt a, khava pha ama’n a-inn kha adahlona kase jo.

JOHN 15:1

“Kei vomhrui kadiktak eng kae, khana kapa’n arahōn kathlō kha kae.

DÂNRABU INHNINA 32:32

Ankadōihei kha Sodom leh Gomorrah kapōa ṭhamak hei, akakha leh tûr kanei vomhrui thei kapō hei kae.

DÂNRABU INHNINA 4:37

Ajârchu ama’n nanpu-nanpahei kha alungset hei, ama’n akadeisōt chei, ama ratha hratna khan Egypt a inphut ama khet in ajōng ṭhōisōt chei.

JOSHUA 24:31

Joshua kha ahring lai seng Israel mipui he’n Rōngpu kha anleirazen, khana ama athisō a’m Israel sik a Rōngpu ṭōn leitlo rakip aleikahmu hlamkakeihei anhring lai seng chu anrazen manjōm a kae.