JEREMIAH 2:20 - LEKHARABU INTHENG (BSI)

²⁰ Chunghnung Rōngpu’n ahri, “Israel, nang in phat kasôttak karatha neina chunga heihnōm mak jo che. kaṭong hi juihnōm mak che khana akamuk hnōm mak che. Tlâng inshâng chung rakip a thingkung ka-êm thōi rakip a, vonchoina pathenhei kha nakamuk joa kae.

JEREMIAH 2:20 ပူးပေါင်းရင်းမြစ်များ

RENGHEI INKHATNA 12:32

Jeroboam in, Judah ram a rehōi kapōa, thla 8 tlukna ni 15 ning beklanga rehōi um amatungsōt a kae. Bethel a maichâma sana sehrat chere hnenga inthoina atōk hei, khana Bethel a khan kamukna hmun asyem heia khan ṭōn inzen thempu ada jo heia kae.

RENGHEI INKHATNA 14:23

Akadik mak pathenhei kamukna hmun ansyem hei, khana hlung kacho anmatunga Asherah limsyem tlâng chunga leh thingkung thōi heia kamukna sik a antâr hei.

HLAHEI 107:14

Anmani kha inrengna leh inthimna inphut aheiṭhōisōt hei khana anthirhrui hei kha asuk manchip pek jo hei.

HLAHEI 2:3

Anmani’n anhri, “Eini anmani vairônna inphut sōksōt jo rih; anmani thōia ni-om hi dahlon jo rih,” anti.

HLAHEI 78:58

Lim kamukna hmun ansyem jâra khan ahnuk anhong mannat, khana anlimsyem vâng khan ahnuk anmanthak hêr joa kae.

SŌKSŌT 19:8

Khava sōa mipui he’n inchun a anmasôna, “Rōngpu ṭonghri rakip kha keini’n kantlo sik,” anti khana khavakha Moses’n Rōngpu hneng thang akōi jo.

SŌKSŌT 24:3

Moses kasesōt a mipuihei hneng Rōngpu ṭongpek leh chôndân sik rakip kha aleimanthei hei khana mi rakip hei khan, “Rōngpu’n ahri rakip kha kantlo sik,” tia anleimasôn.

SŌKSŌT 3:8

khava jâra Egypt miheia inphut ankahuksōt sik a khana Egypt a inphut ram thai omna, khana tuna Canaanhei, Hit-hei, Amor, Periz hei, Hivhei, khana Jebush-hei omna ram son ankaṭhōisōt sik a kei akahong eng kae.

ISAIAH 1:21

Vōi khat ṭong kajuitak khōpui kalen kha tûnchu notinu kapō kachang jo! Pha khat a mikadik he’n leikasip hei, tâk tûnchu mikathat rōk ka-om jo hei.

ISAIAH 10:27

Khava pha ahong tlungtak leh, ke’n Assyriahei ratha neina inphut kamasō sik jo chei, khana anrîngke kha nandâr chunga phurhrik changmak jo ning.”

ISAIAH 14:25

Ke’n Assyriahei kha karam Israel shunga kasuk manhmang sik hei, khana katlang chung heia anmani kachōn kahnur sik hei. Kamihei, Assyriahei rîngkea inphut leh antathōk sik anrôn kahrik a inphut kamasō sik hei.

ISAIAH 9:4

Ajârchu anrîngke rônkahrik khana andâr jemna tîngpum nador thlek pek jo hei. Nang in namihei kasuk inrim, annei kahmangsō jât kha nator jo hei, Midian remi hmalai naleitor hei kapōa.

JEREMIAH 13:27

Ama’n amater ṭōn nantlona kha ahmu jo chei. Khōvelhei pathen chingbunga leh phaichama, pase inkhat in a-inn sirpa nuhmei amadu achangmak leh shakor chere kahur in arala atajui kapōa nansena hei kha ama’n ahmu sō cheia kae. Jerusalem mihei, nangni inhmang jo chei! Heitiktâk leh mo nangni a’ntheng sik chei?

JEREMIAH 17:2

Maichâm chunga leh thingkung in-êm bur rakip hnenga khana hmebung chung heia Asherah pathennu lim antamatung hei kha

JEREMIAH 2:31

Israel mihei, kaṭong hri hi rangei ruh. Kei hi nanhnenga nêrdiram kapō, a’nthim leh thinathei ram kapō kha akachang jo eng mo? Kha achang inchu heijâra mo nangni’n nanracham hrep a nanchônna sik leh kei hnenga nanhong inle hêrmakna sik a nanta hri jo?

JEREMIAH 3:13

Nang in naṭhe jo khana Rōngpu na-Pathen navadōi jo ti rōk kha hnōm roh. Thingbur in-êm rakip thōia pathen hlop hei hneng nalungsetna kha napek jo hei khana kei ṭongpek juimak jo che ti hi hrisōt roh. Rōngpu ke’n kahri jo kae.

JEREMIAH 30:8

Chunghnung Rōngpu’n ati, “Khava kanihei kha ahong pha leh, ke’n anhrak a rîngke kha kasuk mathlek pek sik hei, khana ankhōpna thîrhrui hei kha kalosōtpek sik hei, khana anmani ram hlop mihei sōk changmak jo hei ning.

JEREMIAH 5:5

Kei ratha kanei mihei hneng kase sik eng khana anmani leh inbek sik ung. Anmani’n an-Pathen tamadu kha, an-Rōngpu tamantlo hnōm hei kha anmanhret sik.” Tâk-kha ankhengpet in Rōngpu tlotorna kha donmak jo hei khana juihnōm mak hei.

EZEKIEL 16:28

“Ajârchu mi ralak-hei leh nang chimmak che, nang in Assyriahei najong hei. Nang anmani noti leikachang che, tâk anmani’m nang leh chimdek mak hei.

EZEKIEL 16:31

Hlamdung rakip a limsyem kamukna hmun nasak hei khana noti omchen natlo jo. Tâk noti lak kapōa chu sêr hlōna sik a vânga sōk mak che.

EZEKIEL 16:41

Anmani’n na-inn hei kha hmei vâng anro sik khana nang karâkna kha nuhmei rup he’n anhmu sik. Nang noti changna kha kamanbâng sik che khana na’nlungsetpui hei hnenga marûk sêr napek hei kha’m kamanbâng sik che.

EZEKIEL 20:28

Ke’n anmani pek sik a kalei intepna ram a khan kaheiṭhōi hei. Anmani’n bung inshâng leh thingkung ka-êm anhmu pha, khahei rakip hnenga inthoina antōk a kae. Anmani inthoina tōkna leh inthoina sik a anju heichoi khan kahnuk anmannat a kae.

EZEKIEL 23:5

Ohola kha kei nuhmei achang inum, anoti chang kha atlo ṭhak a kae, khana Assyria ram a alungset hei chunga amadu arangeina kha kasip.

HOSEA 1:2

Rōngpu’n Hosea ahmanga Israelhei hneng hmapena ṭong ahrilai khan, ama’n Hosea hneng ahri, “Se ina nuhmei vanei roh; nanuhmei kha hlamrinthei changmak ning, khana asahei kha’m annu anpō sik. Kha leh in-anghrep a, kami he’n kei andahlon jo eng khana hlamrinthei changmak heia kae.”

HOSEA 3:3

Ama’n pha kasôttak noti inkhat changloa, jông leh kîk tlo loa ahngâkna sik eng kahri pek; hiva shunga hin ke’num ama kahngâk sik kae.

HOSEA 4:13

Tlâng hmora hmun intheng heia inthoina antōk a kae, khana hmebung heia thingkung inshâng leh akalenhei hnōia marim katui anro hei, ajârchu thing daihlim kha kahōia kae! “Khava jâra, nansa nuhmei rakip in noti ṭōn antlo, nanhmōi he’n kajông heia kae.

HOSEA 9:1

Israel mihei, khōvelhei kapōa nanrevei tlo kha hai ruh. Nangni nan-Pathena inphut inhesōt cheia, taksenthei changmak jo chei. Nangni nanbibinga ram pumpuia noti kapōa Baal pathen hneng injōr chei khana ama’n apek sik ung tia nantamandon seng kha nanmadu joa kae.

LEVI-DÂN 26:13

Nan-Pathen Rōngpu ke’n nangni sōk nanchang injôn makna sik Egypt a inphut kaheiṭhōisōt chei kae. Nangni nankasuk inhnem hei ratha kha kavōk-khōi pek jo chei khana nanlu nanman tanga kamanse jo chei.”

NAHUM 1:13

Tûnchu nanchunga Assyriahei ratha neina kha kamanbâng sik jo, khana nankhopna hrui kha kakeitan sik jo.”

DÂNRABU INHNINA 12:2

Nangni’n nanta lo sik ram a khan, tlâng inshâng chunga, hme inshâng chunga, thingkunghei thōia, mipuihei pathen kamukna hmun rakip hei kha suk manhmang hei ruh.

DÂNRABU INHNINA 15:15

Egypt a nangni sōk nanlei changna inphut Rōngpu nan-Pathen in amasō chei kha mandonsa ruh; khava jâra ke’n tûn hiva ṭong hi kapek chei kae.

DÂNRABU INHNINA 26:17

Tuning Rōngpu kha nan-Pathen kae tia nanhri jo; aṭong jui sik a, adân rakip juina sik a, aṭongpek rakip tlosōtna sik a intep jo chei.

DÂNRABU INHNINA 4:20

Tâk nangni chu khava hmeipun kasuk, Egypt ram a inphut ahuksōt mipui chei kha kae. Tuninga nan-e kapōa, ama mi kachang sik a aheiṭhōisōt chei kae.

DÂNRABU INHNINA 4:34

Egypt ram a Rōngpu nan-Pathen in atlo kapōa, mipui inkhat kha jât-hlop inkhat heia inphut akalosōt sik leh ami khet manchangna sik a akase hnōm kha tu pathen inmo atlo jo? Nanhmai kung khet a ama ratha hratna leh atorna aleihmang jo; ama’n hrise leh re alei mansōk, mêrchîkna leh det-hla ka-om, khana ṭit ka-om tak alei mansōk hei.

DÂNRABU INHNINA 5:27

Moses, inle roh, Rōngpu ni-Pathen in ahri rakip kha varangei roh. Khava sō leh hei inle ina, heimo ahri seng kha keini hneng amanthei roh. Keini’n kanrangei sik a kha kanjui sik.’

JOSHUA 1:16

Anmani’n Joshua anmasôn, “Namanthei rakip kantlo sik khana natirna rakip a kase sik ung.

JOSHUA 24:24

Khava sōa mipui he’n Joshua hneng anti, “Keini’n Rōngpu kan-Pathen kanrazen sik. Keini’n aṭongpek-hei kanjui sik.”

JOSHUA 24:26

Joshua’n hiva ṭongpek-hei hi Pathen Dânrabu shunga amazet hei. Khava sōa hlung kalentak aloa Rōngpu hmun intheng shunga sasōkung thōia aphun.

ṬONGPHÔNG 17:1

Khava sōa thlengkam 7 kanei ngeva 7 hei kâra inkhat kahnenga kajōnga ahri, “Hong roh, tuidung katamtak hei hnenga a’nsak khōpui kalen, rahming inthang notinu kha, heikhong hrep a karâkna a’npek sik mo ti ke’n manhmu che rong.

ṬONGKATANHEI 10:6

Israel he’n Rōngpu kadōia setna antlo nôk jo. Baal leh Astarte, khana Syria, Sidon, Moab, Ammon khana Philistihei pathen limhei ankamuk joa kae.

ṬONGKATANHEI 2:11

Israel mihe’n Rōngpu dōina set antloa Baal kha kamuk anphut jo.

ṬONGKATANHEI 2:13

Rōngpu kamuk anhaia Baal leh Ashtartes anleirazen jo hei.

SAMUEL INKHATNA 12:10

Khava sōa Rōngpu hnenga inthōpuina kader a kapeng heia anti, ‘Keini kaset jo ung, ajârchu nanga inphut inhe jo ung, Rōngpu, khana Baal leh Astarte limhei kankamuk jo hei. Kan-inrepui heia inphut ahuk roh, nang kankamuk sik che!’