JEREMIAH 2:19 - LEKHARABU INTHENG (BSI)

¹⁹ Nabinga naṭhat makna’n nang akarâk sik che, keia inphut nasesōtna khan nang themmô amanchen sik che. Na-Rōngpu Pathen kei namasō enga, kei hnenga taksenthei nachang makna hi heituk a akadik mak leh malung nat aka-om jo mo nahong manhret sik. Chunghnung Rōngpu, ke’n hivahi kahri jo kae.”

JEREMIAH 2:19 ပူးပေါင်းရင်းမြစ်များ

RENGHEI INKHATNA 18:18

Elijah’n amasôn, “Tlo manrimna katlo kha kei changmak eng. Nang che kae, nang leh napa chei kae. Nangni’n Rōngpu ṭongpek juimak cheia Baal limsyem nantakamuk kae.

THUHMINGHEI INHNINA 12:5

Shishak hnenga inphut tlânsōtna sik a anreia Jerusalema ale’ntûp Reng Rehoboam leh Judea hlamkakeihei hnenga Sânkathem Shemaiah kha vakase. Anhnenga ava ti, “Hivahi nanhnenga Rōngpu ṭong manrôn kae: ‘Nangni’n nandahlon jo eng, khava jâra tûnchu nangni Shishak hnenga kadahlon jo chei kae.’”

THUHMINGHEI INHNINA 21:10

Khava pha khana inphut Edom kha Judah a inphut ning leh hnōma hong ka-om jo. Hiva pha shunga hin Libnah khōpui khan re aleitlo nôk, ajârchu Jehoram khan apusōnhei Pathen, Rōngpu kha leidon mak heia kae.

THUHMINGHEI INHNINA 25:16

Amaziah khan aṭong akhâra, “Heitik khana inphut mo nang hi rengpa mansena kanei sik a kantakadeisōt che? Naṭong hri bâng roh, achangmak inchu kathat sik che kae!” ati. Sânkathem kha kabâng jo, tâk-kha hivahi alahrisōt a kae, “Tûnchu nang in hiva rakip hi natloa khana kei mansena nadonmak jo jâra Pathen in nang manhmangna sik a amantluk jo ti hi kamanhret jo.”

HLAHEI 36:1

Mikaṭhamak-hei lungri shunga setna kha kaṭong; anmani’n Pathen kha anhōt, khana kajamak hei.

SŌKSŌT 33:6

Khang’khan Sinai tlâng kha andahlon jo, Israel mipui he’n inretna sana avea in-or mak jo hei.

ṬONGCHÎK-HEI 1:31

Achang jâra narahōi hrep kha naratō sik, khana naṭōntlo khan amannat sik jo che.

ṬONGCHÎK-HEI 1:32

Singna hi andon mak jâra heite la’nhret mak hei kha kathihei. Mikamohei kha anbinga ngeitō makna khan athat manhmang hei.

ṬONGCHÎK-HEI 5:22

Mikaṭhamak-hei setnahei khachu châng kae. Anmani anbinga setna chânga in-ôk hei.

ISAIAH 3:9

Anmalung dikmak in anmani adōi sik hei. Sodom mihei kapōa, inphôngtak a kaset hei. Anmani inhmang jo hei, hivahi anbinga anta he’n rôn sōt kae.

ISAIAH 5:5

Ke’n kavomhrui rahōn chunga katlo sik kha hi kae; akimvea rape kalosōt sik, akhârna hlung bang hi kavōk manchim sik, ramsha he’n sâk jo hei sona chōn rachi jo hei rasoh.

ISAIAH 50:1

Rōngpu’n ahri, “Mi inkhat in anuhmei ada kapōa, kamihei hi kei tahnong sōt hei kae tia nantamandon mo? Kha achang inchu, kadana hei lekha kha khomo? Mi inkhat in asahei sōk sik a ajōrsōt hei kapōa, rehringa sur sik a kajōrsōt cheia mo nantamandon? Changmak, nansetna jâra rehringa akase chei kae; nanṭhena jâra tirsōt akae chei kae.

JEREMIAH 1:16

Kami he’n setna antlo jâra karâkna kapek sik hei kae; anmani’n kei andahlon jo eng, pathen ralak hnenga inthoi hei, lim ansyema ankamuk heia kae.

JEREMIAH 13:22

Heisa mo hiva rakip hi nahnenga ajōng kasōk, heisa mo napōnsi hei a’nhlersō, heisa mo mi’n rumhrat a antasetpui che tia derna nanei inchu-nasetna kha ṭit ka-om tak achang jo jâra kae.

JEREMIAH 2:17

Israel, nabinga hivahi namasō kae Ke’n hlamdunga kaṭhōi chelai, Rōngpu na-Pathen kei hi nang in nadahlon enga kae.

JEREMIAH 3:22

Rōngpua inphut a’nhesōt hei nangni seng hong inle ruh; ama’n nangni amandam sik chei khana taksenthei amanchang sik chei. Nangni’n nanhri, “Ôk keini Rōngpu hneng kahong sik ung, ajârchu ama kan-Pathen kae.”

JEREMIAH 4:18

Judah, nabinga na-omchen leh naṭōntlo dungjuia hivahei hi nahei rôn manhlut kae. Naset na’n hiva khōdeng theina hi amasō kae; hivahin namalunga asun kathle jo kae.

JEREMIAH 5:22

Kei Rōngpu eng kae, heisik a mo nantaṭit mak eng? Heisik a mo kahma kunga ṭitpum a a’nnok mak chei? Tuipui ramri sik a ke’n nêrdi hei kha kabuk hei, arakantor mak sik, aka-om ṭhak sik a ramri kae. Tui-ôngpui in asuk lele, tâk-kha khavakha khe tor mak; tui in-nông kha ka-ông thei sik, tâk-kha suk khōitor mak a kae.

JEREMIAH 5:24

Ke’n ṭhekhō leh zerkhō khōsûr kahei tir inum, akum katai sâng khôm pha kapek chei inum, kei kajana sik mandon dekmak chei.

JEREMIAH 5:6

Khava jâra ratua inphut shabakkai he’n anthat sik hei; nêrdiram a kahne he’n ahar-ahak a ankeihler sik hei, rûtnu’n ankhōpuihei anhlō sik hei. Khava mihei khan ansōksōt inchu anmani ankeihler sik hei ajârchu ansetna katam hêr jo khana ave-avea Pathena inphut inhesōt heia kae.

JEREMIAH 7:19

Tâk-kha kei rōk malung natna akachang mo? Changmak, anmani anbinga malung natna leh anbinga inzakna kha anta heichoisōt kae.

JEREMIAH 8:5

Kha achang inchu, kamihei, heisa mo kahnenga hong inle hêrlo cheia keia inphut a’nhesōt jo chei? Nangni’n nanlimhei nankakō tlit a, kei hnenga he’nle sik kha hnōm mak chei.

EZEKIEL 23:30

hivahi nachunga ajōng rôn sōt kae. Nang jât-hlop hei noti che kae khana anmani limsyem khan amanbōk chea kae.

EZEKIEL 39:24

Anmani intheng makna leh anṭhatmak jâra anchen rahōi kasōk kha kapek hei, khana anhnenga inphut a’nhesōt jo eng kae.”

HOSEA 11:7

Anmani’n keia inphut sesōt sik a antloṭhak a kae. Anrîngke rôn jâra kaṭap a ka-ông sik hei, tâk tûte’n kadomsōt pek mak hei ning.

HOSEA 13:9

“Israel mihei, ke’n kaman ramsō sik chei! Khava pha tu’n mo a’nthōpui tor sik chei?

HOSEA 14:1

Israel mihei, Rōngpu nan-Pathen hneng hong inle ruh. Nanset na’n amanpai cheia amantlû jo chei.

HOSEA 4:16

Israel mihei hi shakor kasîn racham kase kapōhrep hei kae. Heikhonga mo ramhânga kemōnghei kapōa kaveitor sik hei?

HOSEA 5:5

Israel mipuihei ṭong rangei makna khan anbing chunga adōi heia hong ka-ông jo. Ansetna khan anmani amanpai heia amaphûr hei, Judah hei kha’m anmani leh kapursap hei.

HOSEA 7:2

Hiva akaṭhamak seng hi ke’n kamandonsōt sik ti hi anrathlōk a hlut hêrmak a kae; kachanga ansetna’n akekhumbit jo hei khana khahei kha ke’n enloa om tor mak eng.”

HOSEA 9:1

Israel mihei, khōvelhei kapōa nanrevei tlo kha hai ruh. Nangni nan-Pathena inphut inhesōt cheia, taksenthei changmak jo chei. Nangni nanbibinga ram pumpuia noti kapōa Baal pathen hneng injōr chei khana ama’n apek sik ung tia nantamandon seng kha nanmadu joa kae.

AMOS 8:10

Nanrehōi hei kha kathi hrena kamanchang sik, nan-inpâkna hlahei kha inrengna leh ṭapna kamanchang sik. Nanlu kamankek sik, borapōn kamansi sik chei, khana ansanei inkhat rōk thina ṭajai kasui nu leh pahei kapōa kamanchang sik chei. Achaina kani kha inrengna kachang sik.

MICAH 1:5

Israel he’n setna antloa Pathen andōi jâra hivaseng hi akasōk sik kae. Israelhei racham set jâra tu mo maset pek sik? Samaria, reng-innpui khet hi kae! Judah shunga limhei sik a maset pek sik tu mo? Jerusalem khet hi kae!

ZECHARIAH 7:11

“Tâk-kha kami he’n hivahi rangei mak hei. Anmalung ankama kae

ROMANHEI 3:18

khan chu Pathen ṭit inti’m anmalunga om mak.”

ṬONGKATANHEI 10:13

Tâk-kha tûn katlunga nandahlon enga, Pathen ralak nankamuk hei, khava jâra avea hukmak jo chei ning.