JEREMIAH 2:15 - LEKHARABU INTHENG (BSI)

¹⁵ Shabakkaihei kapōa ahnenga inhrung hei; aram kha nêrdiram anmanchang pek, akhōpuihei inram kachang jo hei, dahlonpet a ka-om jo hei.

JEREMIAH 2:15 ပူးပေါင်းရင်းမြစ်များ

JOB LEKHARABU 4:10

Malung kadikmak hei khan shabakkai kapōa ka-ông heia inhrung hei, tâk-kha Pathen in amandai hnger hei khana anha asuk mathlek pek hei.

HLAHEI 57:4

Mihring ravōi akasâk hnōm shabakkaihei kapōa, kei inrepuihei khan ankatōm eng. Anha hei kha kasei leh thepui kangei ka-ang hei; khana anmaleihei kha chemjâm kangei ka-ang hei.

ISAIAH 1:7

Naram kha insuk inhmang jo, khana nakhōpuihei ro mankângsō jo hei kae. Nangni’n khanga nan-enlai, ram hlop mihe’n nanram ankasut jo chei khana heirakip anmansetsō jo.

ISAIAH 24:1

Rōngpu’n raleichung hi asuk manset a akarōk a ada sik kae. Ama’n raleichung hi amalet a achunga ka-om mihei hi inchek inchaidâk sik jo hei.

ISAIAH 5:29

Anremihei ông rasa kha shabakkai he’n ramsha anthat pha tûte inkhatbek inum akasut tor makna hmun a antatlensōt a a’nhrung kha ka-ang.

ISAIAH 5:9

Chunghnung Rōngpu tahri kha ke’n kathei, “Hiva innpui kalen akaṭha hei hi akarōk, a’nsetsō hongkachang sik hei.

ISAIAH 6:11

Ke’n kader, “Hivahi heituk mo alakasôt sik, Rōngpu?” Ama’n amasôn eng, “Khōpuihei a’nhmangsō leh akarōk a a-om mak hma seng, innhei kha mi inkhatbek an-om mak kârseng, ram hi’m hleichi kachâr achangmak kârseng sik kae.

JEREMIAH 10:22

Rangei ruh! Ṭong kajōng jo! Sak tinga jât inkhat kâra mipui inhângna kalentak ka-om jo; anremihei khan Judah khōpuihei kha ram-uihei omna nêrdiram anmanchang sik jo.”

JEREMIAH 25:30

“Jeremiah, nang in kahri rakip hi naphongsōt sik kae. Nang in hiva mihei hneng nahri pek sik hei kae, marvâna inphut Rōngpu kha heika-ông sik, marvân inshânga inphut hei-inhrung sik. Amihei chunga hei-inhrung sik, vomhrui thei ka-ep mi inkhat kapōa heika-ông sik. Raleichunga mi rakip in arasa kha anthei sik,

JEREMIAH 25:9

‘Ke’n sak tinga mi rakip hei hnenga leh kasōkpa, Babylon Reng Nebuchadnezzar hnenga ṭong kapek sik hei. Ke’n anmani kha Judah leh ashunga ka-om hei khana ahneng vena ka-om jât rakip hei dōina re katuk sik a kaheiṭhōi sik hei. Hiva jât leh ahnenga ka-om hei hi kasuk manhmang sik hei khana ahei tik a kamanram cher sik hei, ṭit ka-om leh hmit-enna malung tônna kachang sik hei. Rōngpu, ke’n kahri jo kae.

JEREMIAH 26:9

Heisik a mo Rōngpu rahminga Bek-inn hi Shilo kapō hong kae sik khana khōpui hi inhmang sik khana tûte om mak hei ning nati?” Khava sō leh mipuihei khan ankakekhum tlit jo eng.

JEREMIAH 33:10

Rōngpu’n ahri, “Mihe’n anhria, hiva hmun hi nêrdiram kapōa kachi jo, mihring leh sha om mak jo hei anti. Antahri kha kadik; Judah khōpuihei leh Jerusalem hlampui hei kha akarōkpet a ka-om hei; ramsha leh mihring tûte om mak jo. Kha’num hiva hmun heia hin nangni’n nanthei nôk sik

JEREMIAH 34:22

Anmani ṭong kapek sik hei, anmani hiva khōpuia he’nle sik hei. Anmani’n anbuhlu sik, anhlō sik khana hmei vâng anro mathlâk sik. Ke’n Judah khōpuihei hi, tûte om makna nêrdiram inkhat kapōa kasyem sik hei. Rōngpu ke’n kahri jo kae.”

JEREMIAH 4:7

Shabakkai in a’nthupna hmun a inphut ajōng kasōk kapōa jât-hei kasuk inhmang sik kha heikasōk jo. Judah kasukset sik a ama kha kahong. Judah khōpuihei kha suk manhmanga ka-om sik hei, khana khan tûte inkhat om mak hei ning.

JEREMIAH 44:22

Tûnlaitak hin nanram kha inhmanga ka-oma tûte om mak jo hei. Akaṭhamak omchen nantatlo kha Rōngpu’n a-en hnâm tor mak jo jâra, ram kha hmit-enna enngam timak jo khana mihe’n arahming kha inhâksêrna inkhat a anhmang joa kae.

JEREMIAH 5:6

Khava jâra ratua inphut shabakkai he’n anthat sik hei; nêrdiram a kahne he’n ahar-ahak a ankeihler sik hei, rûtnu’n ankhōpuihei anhlō sik hei. Khava mihei khan ansōksōt inchu anmani ankeihler sik hei ajârchu ansetna katam hêr jo khana ave-avea Pathena inphut inhesōt heia kae.

JEREMIAH 50:17

Rōngpu’n ahri, “Israel mihei kha, shabakkai in ahnong kachek kemōng kapō hei kae. Hmapena, Assyria rengkalen in abuhlu hei, khava sōa Babylon Reng Nebuchadnezzar in anru asekhōi pek hei.

JEREMIAH 51:38

Babylon mi ankhenga shabakkai kapōa inhrung sik hei, khana shabakkai tehei kapōa intuma insang sik hei.

JEREMIAH 6:8

Jerusalem mihei, hiva inrengna seng hi nanhnenga gîkna chang rasoh, kha achang ma’nchu ke’n nangni kadahlon sik chei kae; nankhōpui hi tûte om makna nêrdiram kamanchang sik jo kae.”

JEREMIAH 9:10

Ke’n kati, “Tlânghei sik a ralûm dena kanei sik ramhâng hei sik a kaṭap sik eng, ajârchu khahei kha kachârsō jo hei, khana tûte’m khana khan sele mak jo hei. Ranhring rasa intheimak jo, vahei leh ranhringhei katlânsō jo hei.”

JEREMIAH 9:11

Rōngpu’n ati, “Jerusalem hi sukset neinâk manbukna inkhat kamanchang sik, ram-uihei omna hmun kamanchang sik, Judah khōpuihei kha nêrdiram kachang sik hei, tûte inkhat omakna hmun kachang sik.”

EZEKIEL 36:3

“Khava jâra, Chunghnung Rōngpu ke’n kahrina hi sânsōt inna phôngsōt roh. Akimvea aka-om jât he’n Israel tlâng kha ankakekhuma ansukset pha khan ankhenga inhnōisena anneia kae.

EZEKIEL 5:14

Nakimvea jât-hei inphut nahneng vena akalôn rakip he’n anmanuisō chea nahnenga heihnai mak hei ning.

HOSEA 11:10

“Kami kadōihei hneng ke’n shabakkai kapōa ka’nhrung pha, kami he’n kakahnung anjui sik eng. Anmani tlaitlâk tinga inphut kahnenga inranga kahong sik hei.

HOSEA 5:14

Judah leh Israelhei chunga shabakkai kapōa kabuhlu sik hei. Kei khet in anhar anhak a kakeihler heia kadahlon sik hei. Ke’n kakeisôn hei pha tûte’num huk tor mak hei ning.

AMOS 3:12

Rōngpu’n ahri, “Kemōng kakhem inkhat in shabakkai sâkbang, kemōng ake 2 rōk achangmak leh akōr inkhat rōk ahmu sōt kapōa, tuna jekhum ret kaṭhatak chunga akajea ka-om, Samaria mihei kâra ajingte kahring sik hei.”

AMOS 3:4

Heite inkhat hmuloa shabakkai a’nhrung mo? Heite inkhat surloa shabakkai chere khan a’nhrâm mo?

AMOS 3:8

Shabakkai a’nhrâm leh tu mo akaṭi mak sik? Chunghnung Rōngpu’n ahri leh ama ṭong tu’n mo aphông mak sik?

NAHUM 2:11

Shabakkaihei khur ka-ang jo, shabakkai terehei inveina, shabakkai pui leh ache hei sele honglena a’nte hei inhukna khurpui kapō jo kha tûnchu khōpui kha khon mo aka-om jo?

ZEPHANIAH 1:18

Rōngpu’n ahnuknat amalâr ning khan, ansana dangkahei kha’num anmani huk tor mak hei ning. Ahnuk natna hmei khan raleichung pumpui asuk manhmang sik. Raleichunga aka-om rakip hei sik a achaina, manhret manloa abângna amanchang sik.

ZEPHANIAH 2:5

Philisti nangni, tui-ôngpui panga ka-om mihei. Rōngpu’n nanchunga ṭong atan jo. Nangni amanhmang sik jo chei, tûte inkhatbek dahlon mak chei ning.

ZEPHANIAH 3:6

Rōngpu’n ati, “Ke’n jât pumpui kasuk manhmang jo hei; ankhōpuihei kasuk khōia, anbang leh an-inn inshâng hei kamanhmang pek sō hei. Khōpuihei kha dahlon kachang jo hei; hlamlenhei karōk a ka-om hei, tûte om mak jo hei.

ZECHARIAH 11:3

Vaikarôn he’n inrengtak a kaṭap jo hei; anmani lûrna kha inhmangsō jo! Shabakkaihei inhrung rasa rangei ruh; Jordan dung panga an-omna ratu karam jo!

ṬONGKATANHEI 14:5

Khava jâra Samson kha anu-apa leh inṭhōia Timnah ting kase hei. Ama’n Timnah hei vomhrui hlei laia anselai shabakkai atele inkhat a’nhrung rasa athei.