JEREMIAH 18:23 - LEKHARABU INTHENG (BSI)

²³ Tâk-kha, Rōngpu, kei thatna sik a anṭōn mantluk rakip nang in namanhret. Anṭhatmakna leh ansetnahei rangei mandam mak hei roh. Tor hei inna hlon mathlâk hei roh khana nahnuknatpuma razen hei roh.”

JEREMIAH 18:23 ပူးပေါင်းရင်းမြစ်များ

HLAHEI 119:126

Mipui in nadân kha anjuimak jâra, Rōngpu, hivahi nang ṭōn phutna sik phatak jo kae.

HLAHEI 35:4

Kei thatna sik katlohei kha re tor makna leh inzakna chen hei rasoh! Kei dōina sik a intluk hei kha ankahnung male hei sona inhmak hei rasoh!

HLAHEI 56:8

Hinghrep ka’nrengna hi namanhret; kahmit rathli sōkna hei kha namazet pek eng. Khahei kha nalekha rabu shunga in-gôra damak hei che mo?

HLAHEI 59:5

Akahrat chunghnung Rōngpu Pathen, thō roh, ka’nthōpui sik a jōng roh; Israel Pathen nangkhet in hmu hei roh! Inṭhang ina nang inhret mak hei kha karâkna pek hei roh. mikaṭhamak, mikahōnhei kha anchunga lungsetna malârmak roh!

ISAIAH 10:3

Pathen in karâkna apek chei pha, nangni’n heimo nantatlo sik? Ama’n ram kahlatak a inphut a, nanchunga khōdeng theina apek chei pha, heimo nantatlo sik? Inthōpuina hmun a sik khonting mo akatlân sik chei? Khon mo nanneihei nantathup sik?

ISAIAH 2:9

Mi rakip anhmai kamōk sik, khana inzak anratō sik. Rōngpu, anmani rangei mandam mak hei roh!

JEREMIAH 11:23

Ke’n Anathoth mihei chunga inrengna mathlungna sik pha katep jo, khavakha ajongtlung pha, anmani tûte hringmak jo hei ning.”

JEREMIAH 15:15

Khava pha ke’n kahri, “Rōngpu, nang in namanhret. Kei amandonsōt roh khana abôm roh. Kei kasuk inrim hei chunga phu amanhlō roh. Anmani’n kei antha torna sik eng katlunga khan en-hnâm mak jo hei roh. Kei in inzakna karatō hi nang sik jâra kae ti hi mandonsōt roh.

JEREMIAH 17:18

Kei kasuk inrim hei inzakna pek hei roh, tâk-kha kei chu aṭhensōt roh, Rōngpu. Ṭitna khan mansip hei roh, tâk-kha kei chu amanṭit mak roh. Anchunga inrengna masō roh khana ahar-ahak a vōk manchim hei roh.

JEREMIAH 17:4

Kapek chei ram hi nantamasō sik kae, khana nangni’n nantamanhret hêrmak ram a nan-inrepuihei sepa kamantlo sik jo chei, ajârchu kahnuknat hi hmei kasûk kapō kae, ahei tik a kasûk ṭhak sik.”

JEREMIAH 18:18

Khava pha mihei khan anhri, “Eini’n, Jeremiah chunga heimo inkhat mantluk rih! Ani’nthei sik thempu, ani-inse sik mikasing, khana Pathen ṭong thangkōi kahrile sik ahei tik a ninei ṭhak sik hei kae. Ama chunga masetna pek rih khana aṭong rangei pek mak jo rih.”

JEREMIAH 26:11

Khava sōa thempu leh sânkathemhei khan hlamkakei leh mihei hneng anti, “Hiva mi hi that sik a rahōi kasōk jo, ajârchu ama’n nikhōpui kadōia ṭong ahria kae. Nangni’n nankōr khet a nanthei jo.”

JEREMIAH 26:8

Rōngpu’n hri sik a ṭong apek hei seng eng kha kahrisō lim leh, anmani’n ansur enga ka-ông hei, “Hiva jâra nang tha sik chea narahōi kae!

JEREMIAH 37:15

Anmani kachunga anhnuk kana hêr, anvōk enga karôt a ṭong inzet Jonathan inn, mi khumna antahmang den a khan ankhum eng.

JEREMIAH 38:4

Khava pha ṭōnkarôn he’n rengpa hneng kase heia anhri, “Hiva mipa hi that nger sik kae. Ama’n hinga ahri jâra khōpuia remihei malung ngarsōna kha amanhmang jo, khana khōpuia aka-om mi rakip um malung tlâksamna amannei jo heia kae. Ama’n mipui inthōpui hei rong chu timak a, anmalung mantônna sik rōk kha amadua kae.”

JEREMIAH 6:15

Anmani’n hiva mater ka-om omchen antlo pha hin inzak hei mo? Inzak mak hei, inzak hêrmak hei; anhmu kapha anhmai senmak. Khava jâra anmani milak-hei tlûna kapōa katlu sik hei; ke’n karâkna kapek hei pha, khavakha an-inchaina kachang sik jo. Rōngpu ke’n kahri jo kae.”

JEREMIAH 6:21

Khava jâra hiva mihei hi kamanpai mathlûk sik hei kae. Nu leh pa, sahei, ṭim leh re hei, khana khō leh ven hei kathisō sik hei.”

JEREMIAH 7:20

Khava jâra Chunghnung Rōngpu ke’n hiva Bek-inn chunga kahnuk natna kha kasun mathlâk sik jo. Ke’n hivahi mipuihei leh ranhringhei chunga, khana thingkung leh hmuchihei chunga kapha’m kasun mathlâk sik kae. Kahnuknat hi hmei kasûk tûte’n athat tor mak kapō kha kachang sik.

JEREMIAH 8:12

Kamihei, hinghiva mater ka-om tak ṭōn hi nantlo jâra inzak chei mo? Changmak, inzak hêrmak chei; nanhmai sennabek kha’m manhret mak chei.! Khava jâra mihlop-hei katlu kapōa nangni akatlu sik chei kae; ke’n karâkna kapek chei pha khan chu, khavakha nan-inchaina kachang sik jo. Rōngpu ke’n kahri jo kae.

ṬAJAISUINA 3:60

Ka’nrepui he’n heikhonga antahōt eng mo khana kachunga heikhonga ṭōn mantlukna antanei mo nang in namanhret.

ṬAJAISUINA 3:61

“Kei inzakna antapek eng kha nathei hei, O Rōngpu; nang in anmantlukna rakip namanhret a kae.

LUKE 21:22

Ajârchu khava kani kha ṭong inthenga ale’nzet inhlut rakip hui atlungna sik ‘Karâk Ning’ kani akachang sik kae.

ROMANHEI 2:5

Tâk-kha malung kasak leh ṭong inngeimak malung kha nanei, khava jâra Pathen hnuk natna leh aṭongtan kadik ajōng inlâr ninga sik karâkna kalen chet nabinga sik nansyem joa kae.