JEREMIAH 18:16 - LEKHARABU INTHENG (BSI)

¹⁶ Anmani’n hiva ram hi ṭit ka-om tak, ahei tik a donmak sik anmanchang jo. Ahneng kahro he’n anhmu pha anmalung kana sik anmandon-hla jâra anlu ankachuk sik a kae.

JEREMIAH 18:16 ပူးပေါင်းရင်းမြစ်များ

RENGHEI INKHATNA 9:8

Hiva Bek-inn hi suk manchim abuk hongkachang sik, khana khava hnenga akase rakip in anmalung atôn sik khana inlak ansak sik. Anmani inder sik hei, ‘Heisa mo Rōngpu’n hiva ram a leh Bek-inn chunga hinga atlo?’

THUHMINGHEI INHNINA 29:8

Hiva jâra hin Rōngpu kha Judah leh Jerusalem chunga ahnuk kana jo, khana anhnenga aheitlo omchen khan mi rakip lung natna leh inpirna amannei jo hei.

HLAHEI 109:25

Mihe’n anihmu pha leh sem tlona anhmang jo eng. Hnōisetak a anlu ankachuk khum eng.

HLAHEI 22:7

Ani kahmu rakip in sem tlona annei eng; anmani’n anmalei anpher thlōn enga anlu ankachuk khum eng.

HLAHEI 44:14

Jât-hei kâra mihnōise inkhat a nasyem jo ung; anmani’n anlu ankachuk khum jo ung.

ISAIAH 37:22

Rōngpu’n ahri jo, “Jerusalem khōpui in Sennacherib, nang, amanuisō jo che, khana ahnōise jo che.

ISAIAH 6:11

Ke’n kader, “Hivahi heituk mo alakasôt sik, Rōngpu?” Ama’n amasôn eng, “Khōpuihei a’nhmangsō leh akarōk a a-om mak hma seng, innhei kha mi inkhatbek an-om mak kârseng, ram hi’m hleichi kachâr achangmak kârseng sik kae.

JEREMIAH 19:8

Ke’n hiva khōpui chunga hin ṭit ka-om tak suk mansetna kamasō sik, ahnenga avakase mihei khan andet-hla sik khana inlak ansak sik.

JEREMIAH 25:9

‘Ke’n sak tinga mi rakip hei hnenga leh kasōkpa, Babylon Reng Nebuchadnezzar hnenga ṭong kapek sik hei. Ke’n anmani kha Judah leh ashunga ka-om hei khana ahneng vena ka-om jât rakip hei dōina re katuk sik a kaheiṭhōi sik hei. Hiva jât leh ahnenga ka-om hei hi kasuk manhmang sik hei khana ahei tik a kamanram cher sik hei, ṭit ka-om leh hmit-enna malung tônna kachang sik hei. Rōngpu, ke’n kahri jo kae.

JEREMIAH 29:18

Anmani kha re, vonṭâm, leh hrise vânga kamanloi sik hei, vânhnōia akahmu jât rakip in ṭit-inpir sik hei. Hmuntina kakathek chai sik hei, anhnenga akasōk omchen kha mihei malung tônna leh inpirna annei sik. Mihe’n anmanuisō sik hei, khana anrahming kha inhâksêrna annei sik.

JEREMIAH 42:18

“Rōngpu, Israel Pathen khan ahri, ‘Jerusalem mihei chunga kahnuk natna leh kahnuk inthakna kajōngsun mathlâk kapōa, nangni Egypt ram a nanse’nchu, nangni chunga kahnuk natna kajōngsun mathlâk sik kae. Nangni, mihring hmit ena mi inrimnatak kachang sik chei; mihe’n sem anmanlo sik chei khana nanrahming kha inhâksêrna anhmang sik jo. Nangni hiva hmun hi hmu nôk mak jo tin chei.’”

JEREMIAH 44:12

Judah mi dahlona ka-om hei khan, Egypt a anvase leh anvaka-om sik a an-intluk inchu, anmani ankhenga suk manhmangna sik a ahlam ka-en sik. Ankhenga akasin, akalen Egypt a rea achangmak leh ṭâma kathisō sik hei. Anmani enngam changmak hei ning; mihe’n sem anmanlo sik hei; mihe’n anrahming kha hâksêrna anhmang sik jo.

JEREMIAH 48:27

Moab, nang in Israel naleimanuisō hei kha mandonsōt mak che mo? Nang in anmani kha mikachomloi tasur hei kapōhrep a naleitlo heia kae.

JEREMIAH 49:13

Kei khet a’ntep eng kae, Bozrah khōpui kha enngam mak nêrdiram inkhat kachang sik; mihe’n sem tlona annei sik khana arahming kha inhâksêrna inkhat a anhmang sik. Ahneng vena khōhei seng kha’m ahei tik chenna sukset kachang sik hei. Rōngpu ke’n kahri jo kae.”

JEREMIAH 49:17

Rōngpu’n ahri, “Edom suksetna ajōng katlung sik kha inhnak hêr sik, ahneng vena akase mihei kha, ṭitna leh inpirna annei sik.

JEREMIAH 50:13

Kei kahnuk anat jâra Babylona tûte om mak ning; inhmanga andahlonsō sik, khana ahneng vena akase rakip in anmalung atôn sik khana inlak ansak sik a kae.

JEREMIAH 51:37

Khava ram kha neinâk inset bukna kamanchang sik, khana khan ramshahei ka-om sik hei. Khavakha enngam timak ning; tûte om mak hei ning, akahmu rakip inpir sik hei.

JEREMIAH 51:43

Khōpuihei kha hmit ena enngam om mak, tui om makna ram kachi tûte om makna, mihring inlôn phung makna hmun anpō jo.

JEREMIAH 9:11

Rōngpu’n ati, “Jerusalem hi sukset neinâk manbukna inkhat kamanchang sik, ram-uihei omna hmun kamanchang sik, Judah khōpuihei kha nêrdiram kachang sik hei, tûte inkhat omakna hmun kachang sik.”

ṬAJAISUINA 1:12

Ahnenga akase rakip hei hneng kaṭap a ati, “Kei ajōng enroh.” Kei tade kapōa tûte’num natna hi demak hei, Rōngpu’n ahnuknat pha kachunga hiva natna apek eng hi.

EZEKIEL 12:19

Tûn katlunga anram shunga alaka-om hei Jerusalem mipuihei hnenga hivahi Chunghnung Rōngpu ṭong kae tia jât mihei seng hnenga manthei hei roh: thlai ansâk pha a’nnok sik hei kae khana tui an-in pha ṭitpum a a’nthing sik hei kae. Anram kha chom manthengreng sik kae, ajârchu khana aka-om rakip dân kase hei kae.

EZEKIEL 27:36

Nang kase jo che, ahei tik a sik a kase jo che, raleichunga invei katlo rakip kaṭisō jo hei, nang mahâmset kha anchunga katla sik tia ṭitna annei jo.”

EZEKIEL 36:3

“Khava jâra, Chunghnung Rōngpu ke’n kahrina hi sânsōt inna phôngsōt roh. Akimvea aka-om jât he’n Israel tlâng kha ankakekhuma ansukset pha khan ankhenga inhnōisena anneia kae.

EZEKIEL 6:14

Kadik, kakut karajitsōt sik khana anramhei kasuk manhmang sik hei. Sak tinga nêrdiram a inphut Ribla khōpui katlunga ramhânga kada sik, Israelhei omna hmun rakip inkhatbek ṭhensōt mak ning. Khava sōa mi rakip in kei hi Rōngpu eng kae tia anmanhret sik jo eng.”

LEVI-DÂN 26:32

Nanram kha pui katluk a kasuk manhmang sik, khava hmun kahlō nan-inrepui he’m suksetna chunga anmalung atôn sik.

LEVI-DÂN 26:43

Ahma kakeia ram kha amihei mandahlon sik kae, pui katluk a châm a’nhngatna sik a, khana kadân leh kaṭong pek hei anhlonsōt jâra karâkna kha antachen sik kae.

MICAH 6:16

Hiseng hi kasōk sik, ajârchu nangni’n Reng Omri leh asapa Ahab omchen kaṭhamak kha nangni’n nanjuia kae. Nangni’n anmani mantlukna hei nantlo manjôna kae, khava sik a nangni kamanhmang sik chei, khana mi rakip in anhnōise sik chei. Hmun rakip a mihe’n mater tak a antlo sik chei.”

MATTHEW 27:39

Khava hnenga akapetan he’n anlu ankachuk a Jesu inzakna anleipek a kae:

MARK 15:29

Khava hnenga kalônle he’n Jesu anteitôma, anlu ankachuk a anti, “Aha! Bek-inn naṭhōt a ni 3 shunga nasak sik kae!

DÂNRABU INHNINA 28:59

nangni leh nansōnhei chunga damthei lo hrise, ṭit ka-om tak mandam theilo nat-hrui ajōngtir sik.

DÂNRABU INHNINA 29:23

Hleipuk-hei kha hleichi kachang sik hei, kat leh chi kasip sik; heite kekmak ning, phi kapha’m kekmak ning. Nanram kha Rōngpu’n ahnuk hmei kapōa anat lai Sodom leh Gomorrah, Adma leh Zeboiim khōpuihei amanhmang kapōa kachang sik hei.