JEREMIAH 18:15 - LEKHARABU INTHENG (BSI)

¹⁵ A-e ravâng, kami he’nchu anmahngi jo eng; milimhei hnenga marim katui anro mankhut a kae. Ansena sik hlam a inpai inthlûk jo hei; hlam marō kha hromak jo hei, anmani’n kebi inhmulo hlam anhro jo.

JEREMIAH 18:15 ပူးပေါင်းရင်းမြစ်များ

NEHEMIAH 9:17

Anmani’n naṭong juihnōm mak hei; naṭōn leitlo rakip anmahngi jo; ṭōn-inlak naleitlo hei kha anmahngi jo. Anmani inlensak pum a anhlam kakei inkhat ankadei Egypt a sōk changna ankaṭhōi inle sik a. Tâk-kha nang chu rangei indam Pathen che kae; nang chu marit leh lungset kathem che, hnuknat beimak che. Nang lungsetna hi kalen; nang in hlonsōt mak hei che.

ISAIAH 3:12

Sêrpûk kasem he’n kamihei ansuk manrim hei, ansêr inpûk hei kha’n anhōn heia kae. Kamihei nanhlam kakei he’n hlamlea anṭhōi chei, khava jâra khonting mo ahe’nle sik chei ti, manhret mak jo chei.

ISAIAH 41:29

Hiva pathenhei seng hi hmangna kase rōk hei kae; anmani’n heite tlotor mak hei, hiva limsyemhei hi katlasam hei khana ratha neimak hei.”

ISAIAH 57:14

Rōngpu’n ahri, “Kamihei kha kahnenga he’nle hei rasoh. Anhlama insuk-inpaina hei seng kha losōt ruh. Hlamlen syem ruh, khana mantluk dek ruh.

ISAIAH 62:10

Jerusalem mihei, khōpuia inphut sōksōt ruh Khana nanmi ahong inle hei heihlutna sik hlamlen syem ruh! Hlampui mantluk ruh; hlunghei losōt hei ruh! Jât-hei manhretna sik a mêrchîkna inkhat da ruh.

ISAIAH 65:7

ansetna jâra leh anpu anpahei set leitlo jâra. Anmani’n khōvelhei tlânga kamukna heia marim katui anroa kei anhrimaset eng. Khava jâra anmani hmalaia omchen leitlona dungjuia karâkna kapek sik hei kae.”

ISAIAH 9:16

Hiva mi hlamkakei he’n mihei kha hlam kalet a anṭhōi hei khana pum manhmak a anmanhmak hei.

JEREMIAH 1:16

Kami he’n setna antlo jâra karâkna kapek sik hei kae; anmani’n kei andahlon jo eng, pathen ralak hnenga inthoi hei, lim ansyema ankamuk heia kae.

JEREMIAH 10:15

Khahei kha hnemna kase hei kae donmak sik hei kae; anmani enmansinna sik a Rōngpu kha ajōng pha, suk manhmang sik jo hei kae.

JEREMIAH 11:12

Khava sōa Judah leh Jerusalem mihei kha inthoina antatōkna pathen ralak-hei hneng khan kase heia inthōpuina kader sik a kaṭap sik jo hei. Achang ravâng hiva inhmangna hi ajōng pha khan chu khava pathenhei khan huk tor mak hei ning.

JEREMIAH 11:13

Judah mihe’n khōpui antanei kapō jahrep a pathen annei heia kae, khana Jerusalema aka-om mihe’n khōpui shunga hlamdung aka-om jahrep a mater ka-om Baal pathen hnenga inthoina sik a maichâm ansyemsōt a kae.

JEREMIAH 11:17

Chunghnung Rōngpu ke’n, Israel leh Judah hi kaphun jo hei kae; tâk-kha tûnchu, khōdeng theina vânga maṭhitna kanei jo hei. Anmani’n akadik mak antlo jâra hivahi anbinga anta’nrôn sōt kae; anmani’n Baal hneng inthoina antōk jâra kahnuk antamannat kae.”

JEREMIAH 13:25

Khavakha nangni vâng chen sik kae ati. Khavakha ama’n nanhnenga tlo sik a amandon jo kae, ajârchu nangni’n ama nanmahngia pathen kadikmak hei nantaksen jo heia kae.

JEREMIAH 16:19

Rōngpu, nang karatha ngarna leh ani kahrung che kae, inrengna pha na’nthōpui eng. Raleichung inchaina inphut jât-hei nahnenga kahong sik hei khana anhri sik, “Kanpu kanpa he’n pathen kadikmak kha tei loa heite leinei mak hei, akahnem mak limhei tei loa heite leinei mak hei.

JEREMIAH 17:13

Rōngpu, nang chu Israelhei inhōrna che kae; nang kadahlon rakip hei kha inzakna anchen sik. Anmani vaiphin chunga rahming nimazet kapōa inhmang sik hei, ajârchu tuiripût insim Rōngpu nang kha andahlon jo che.

JEREMIAH 18:14

Lebanon hlungkare inshâng kha kavur kasea aka-om mo? Khava tlâng kadai kavadung kha akachâr phunghei mo?

JEREMIAH 19:5

khana ansahei kha inthoina anro manvâm heina sik, Baal sik a maichâm ansyem heia kae. Ke’n hivahi antlona sik ṭong pek hêrmak hei eng; kamalunga’m hongsōk mak a kae.

JEREMIAH 2:13

ajârchu kami he’n setna 2 antlo jo, khachu: tui intheng tuiripût kachang kei hnenga inphut anmani inhesōt jo hei, khana tui aka-om tor mak sik tuikhur kha ancho jo.

JEREMIAH 2:19

Nabinga naṭhat makna’n nang akarâk sik che, keia inphut nasesōtna khan nang themmô amanchen sik che. Na-Rōngpu Pathen kei namasō enga, kei hnenga taksenthei nachang makna hi heituk a akadik mak leh malung nat aka-om jo mo nahong manhret sik. Chunghnung Rōngpu, ke’n hivahi kahri jo kae.”

JEREMIAH 2:32

Nuhngâk inkhat in aret rangkachek achangmak leh hmōi inkhat in luhôngna ret amahngi tor mo? Tâk-kha kami he’nchu tei torlo kania inphut anhei mahngi jo eng.

JEREMIAH 3:21

Hmebung chunga rasa inthei: Israel mihei ṭap rasa leh peng rasa kae ajârchu anmani’n setna hringkhōa ka-om hei, an-Rōngpu Pathen kha anmahngi jo.

JEREMIAH 51:18

Anmani hnemna kase, donmak sik hei kae; Rōngpu kha anchunga ṭōnkatlo ajōng pha leh anmani suk manhmang sik jo hei kae.

JEREMIAH 6:16

Rōngpu’n amihei hneng ahri, “Hlam inbâkna hmun a ngir una enruh. Hlam kaṭhapen, hlam marō kha inder ruh. Khana khan se ruh, nangni kamōnga ka-om sik chei.” Tâk-kha anmani’n anhri, “Dâng, keini semak ning.”

JEREMIAH 7:9

Nangni’n nanmaruk, mi nantha, kajông chei, inhâksêr cheia maleisei nanhri, Baal hneng inthoina nantōk, khana nanta leimanhret phungmak pathenhei nankamuk heia kae.

EZEKIEL 21:15

Hivahin kamihei malung ngarna amanhmang khana amanpai manthlûk hei. Ke’n anmani khōpuihei kha khō inphe leh mikathat sik a a’ntluk jo chemjâm inkhat vânga kamaṭhit hei.

EZEKIEL 36:15

Jât-hei manuisōna hei kha ram hin avea rangei mak jo hei ning khana mihei hner pher thlōna hmumak jo ning. Ram in jât-hei sahei chunga chom mak jo ning. Chunghnung Rōngpu ke’n kahri jo.”

HOSEA 11:2

Tâk-kha ke’n ama kabek chenna, kahnenga inphut katlânsōt chet a kae. Kami he’n Baal hneng inṭhōi hei, anmani’n limsyem hneng marim katui anro.

HOSEA 2:13

Ama’n kei amahngi enga Baal hneng marim katui aro khana sanaret a’nvona a’ndupui hei ahnong heia pha amanhmang jâra khan karâkna kapek sik kae. Rōngpu’n ahri jo.

HOSEA 2:6

Khava jâra ke’n ahlam rahlingbur vâng kakhar pek sik khana ahlam sena kha bangrape kakhar sik.

MALACHI 2:8

“Tâk-kha tûnchu thempu nangni he’n akadik hlam a inphut inhesōt jo chei. Nanṭong mantheina khan mi katamtak akaletting aṭhōisōt jo hei, nangni leh ni’ntepna ṭong nanmakhōi jo.

MATTHEW 15:6

ama’n apa hnenga lumloa pekna sik rangei mak jo,’ nanti. Khang’khan nangni mi mantheina kha juitheina sik a Pathen ṭongpek khachu donmak jo chei.

ROMANHEI 14:21

Nasōpui inpai inthlûkna sik achang inchu, hme achanga, ju-in achanga khana hei-hei achang inum sâk mak inmak hi akadikpen kae.

DÂNRABU INHNINA 32:21

Antasyem limhei jâra kahnuk anmannat, Pathen changlo pathenhei kha, pathen anphō hei jâra kathang anmanset. Khava jâra anhnuk mannatna sik a jât-hlop antati hei kha kahmang sik hei; akamo jât-hei chunga anthang kamansit sik.