JEREMIAH 17:4 - LEKHARABU INTHENG (BSI)

⁴ Kapek chei ram hi nantamasō sik kae, khana nangni’n nantamanhret hêrmak ram a nan-inrepuihei sepa kamantlo sik jo chei, ajârchu kahnuknat hi hmei kasûk kapō kae, ahei tik a kasûk ṭhak sik.”

JEREMIAH 17:4 ပူးပေါင်းရင်းမြစ်များ

RENGHEI INKHATNA 9:7

khan chu ke’n kaleipek hei ram a inphut kami Israelhei kalosōt sik hei kae. Khana kei kamukna sik a kaman thengsōt hiva Bek-inn hi’m kadahlon sik kae. Hmuntina mihe’n Israel hi ṭongsaina annei sik jo khana hnōisetak a antlo sik jo.

RENGHEI INHNINA 25:21

anmani aṭhōi heia kae. Khana khan rengpa’n anmani avōk heia athat heia kae. Khang’khan Judah mihei kha anrama inphut miram a anṭhōi jo heia kae.

NEHEMIAH 9:28

Lung mōngna kha anchen nôk pha, anmani’n setna anleitlo nôk a kae, khana an-inrepuihei kha namantor nôk hei. Kha’num anmani’n an-insir phat a anmani hukna sik a anleider che pha nang in marvâna naleithei pek hei, khana pha khakhat leh, nalungset kalen vâng khan nalei huksōt hei.

ISAIAH 14:3

Rōngpu’n Israelhei kha inreng khōdeng theia inphut a leh rumhrat tak a ṭōn inhnak mantlona heia inphut khan amanhnga sik hei.

ISAIAH 30:33

Assyria rengkalen kha hmeia rona sik hmei thlupun inkhat tenlaia mantluksa ka-om. Khavakha inthûk a avai kalen, inshângtak a thing anbuk a kae. Khavakha hmei asûkna sik Rōngpu’n achunga hmei kahu ajōngsêm sik a kae.

ISAIAH 5:25

Rōngpu kha amihei chunga ahnuk kana, khana karâkna sik a abân arazit a kae. Tlângbung innok sik hei, khana akathi kalōnghei kha hlampuia inchap dâk a indahlon sik hei. Kha achang inum Rōngpu hnuknat kha labâng mak ning, karâkna pekna sik a abân alakalek hi sik a kae.

ISAIAH 50:11

Nangni milak inhmangna sik ṭōn intluk rakip nanta mantluktak khan amanhmang sik chei. Rōngpu amatak in hivahi amasō sik kae; nangni vângset inhnaktak n antaratō sik kae.

ISAIAH 66:24

“Anmani’n anhei dahlon hei pha, kei kadōihei kathi kalōng kha anhmu sik hei. Ankathi kalōng kâra rahlunghei kha thitik neimak hei ning, khan chu anmani karo hmei kha’m thitik nei hêrmak ning. Anhme hmu sik kha mihring rakip sik a mater ka-om tak kachang sik hei.”

JEREMIAH 12:7

Rōngpu’n ahri, “Ke’n Israel kha kadahlon jo; ke’n kakadei jât-hei madu mak jo eng. Ke’n kamalungset mihei kha, an-inrepuihei ratha neina thōia kapek sōt jo hei.

JEREMIAH 15:14

Anmani’n antamanhret hêrmak ram a ankadōihei sepa kamantlo sik hei, ajârchu kahnuknat hi hmei kapōa kasûk, khana ahei tik a kakâng ṭhak sik a kae.

JEREMIAH 16:13

Khava jâra tûnchu hiva ram a inphut nangni leh nanpu sōnhei tamanhret phungmak ram a kahnong sōt sik chei. Khana khan nangni’n sûn leh jân pathen ralak-hei kha nanrazen sik jo hei, ke’n lungsetna kha manhmu mak chei ning.’”

JEREMIAH 18:23

Tâk-kha, Rōngpu, kei thatna sik a anṭōn mantluk rakip nang in namanhret. Anṭhatmakna leh ansetnahei rangei mandam mak hei roh. Tor hei inna hlon mathlâk hei roh khana nahnuknatpuma razen hei roh.”

JEREMIAH 2:14

“Israel hi sōk changmak; ama hi sōk a a’nte changmak. Heijâra mo aka-en kada he’n ama antahnong?

JEREMIAH 22:28

Ke’n kahri, “Reng Jehoiachin kha mi tamadumak, antahlonsōt jo jube kakōi kapō akachang jo mo? Khava jâra mo kae ama leh asahei kha antamanhret hêrmak ram a rehring sura avaka-om hei?”

JEREMIAH 5:19

Heijâra mo khanga katlo tia anmani’n ander che’nchu Jeremiah, hripek hei roh, anmani’n keia inphut inhesōt heia ram hlop pathenhei kha anrama ankamuk, khava kapōtak a anram kachangmak miram a khōhmehei sepa anvatlo pek sik jo hei.”

JEREMIAH 5:29

“Tâk Rōngpu ke’n, hiva rakip jâra anmani karâkna kapek sik hei; hiva jât chunga phu kahlō sik kae.

JEREMIAH 7:20

Khava jâra Chunghnung Rōngpu ke’n hiva Bek-inn chunga kahnuk natna kha kasun mathlâk sik jo. Ke’n hivahi mipuihei leh ranhringhei chunga, khana thingkung leh hmuchihei chunga kapha’m kasun mathlâk sik kae. Kahnuknat hi hmei kasûk tûte’n athat tor mak kapō kha kachang sik.

ṬAJAISUINA 1:12

Ahnenga akase rakip hei hneng kaṭap a ati, “Kei ajōng enroh.” Kei tade kapōa tûte’num natna hi demak hei, Rōngpu’n ahnuknat pha kachunga hiva natna apek eng hi.

ṬAJAISUINA 5:2

Kankarōi hi miram mihei kut a ka-om jo; miram mihe’n kan-inna ka-om jo hei.

EZEKIEL 21:31

Kahnuk natna kha nanchunga hmei kasûk kapōa kahei masō pha nangni’n nanmanhret sik jo. Khana ke’n nangni mikathat-hei, suksetna akathemhei kut a kapek sōt sik chei.

EZEKIEL 7:24

Hinahin jât kaṭhamak pen hei kha kaheiṭhōi sik hei khana nan-innhei kha anchen sik hei. Ke’n jât-hei kha nankamukna hmun heia kaheiṭhōi manhlut hei pha, nanmi ratha kaneipen hei kha an-in ngamna inhmangsō sik jo.

DÂNRABU INHNINA 28:25

“Rōngpu’n nan-inrepuihei kha’m amantor sik chei. Ramkei inkhat a inphut re nantlo sik hei, tâk anhnenga inphut ramkei rakip a katlân sik chei, raleichunga mi rakip in nanhnenga akasōk kha anhmu pha ṭit-inpirna annei sik.