JEREMIAH 17:25 - LEKHARABU INTHENG (BSI)

²⁵ Khava sōa renghei leh rengsa he’n, Jerusalem sōngkot heia khan, kahlut sik hei khana David in reng ratha aleinei kapōhrep a antanei sik kae. Judah mipuihei leh Jerusalem mi inchun heia, shakor gâri leh shakorhei anchōng sik a kha Jerusalem khōpui hi mi akasip tlit sik hei kae.

JEREMIAH 17:25 ပူးပေါင်းရင်းမြစ်များ

SAMUEL INHNINA 7:16

Pha rakip a sōn naneiṭhak sik a kha, narengram ahei tik a kamatung ṭhak sik. Nareng phung hrui inchaitik neimak ning.’”

SAMUEL INHNINA 8:4

Ashakor remi 1,700 leh remi 20,000 asurpek hei. Shakor gâri 100 sik a ashakor akatluk hrep a’nda a, alakseng chu anke amathlek pek jo hei.

SŌKSŌT 12:14

Rōngpu ke’n kalei tlona kha mandonsōtna sik a nangni’n hiva ning hi beklanga sâktlâng inkhat a nit ruh. Akahong sik pha rakip a nit ruh.”

ISAIAH 9:7

Areng ratha neina kakhang injôn sik; arengrama chamna ka-om ṭhak sik. Ama’n Reng David karōi kahlō inkhat a vai arôn sik, aratha neina kha ṭongdik leh ṭongtak chunga inhnga sik, tuna inphut pha inchai katlunga. Chunghnung Rōngpu’n hiseng hi tlo sik a amandon jo.

JEREMIAH 13:13

Khava pha manthei hei roh, Rōngpu ke’n, hiva ram shunga mihei seng: David sōn leh pârhei, renghei, thempuhei, sânkathemhei, khana Jerusalema mi rakip an-inrui mak hma seng, ju kaman-in sik hei kae.

JEREMIAH 22:30

“Hiva mi hi asahei inhmangna sik katlunga, chung sōkna aneihêr mak sik a maset a’npek jo kae. David kahlanga Judah ram a vai karôn sik sōn leh pâr neimak ning. Rōngpu ke’n kahri jo.”

JEREMIAH 22:4

Ke’n tlo ruh tia ṭong kapek chei kha nantlo’nchu David sōn leh pâr he’n reng kachang ṭhak sik hei. Khana anmani’n, anṭōnpui karônhei leh anmihei inṭhōia hiva reng-innpui sōngkot-hei hin shakor chunga leh gâri chunga kalônle ṭhak sik hei.

JEREMIAH 25:5

Rōngpu’n nanpa-nanpuhei hnenga aleipek hei ram kha nankarōi achang thangna sik a khana ram a khan nan-om thangna sik a anmani’n nanhringkhō akaṭhamak hlam leh akaṭhamak ṭōn heia inphut nanhong inhesōtna sik anmanthei chei.

JEREMIAH 33:15

Khava pha ke’n David sōna mikadik inkhat renga kakadei sik. Khava reng khan ram pumpuia akadik leh akaṭha kha atlo sik.

JEREMIAH 33:17

Rōngpu kei intep eng, ti chu Israel reng akachang sik a ahei tik a David sōn inkhat aka-om ṭhak sik kae

JEREMIAH 33:21

Kha leh in-angtlinga kasōk David hneng, reng ahong kachang sik sōn leh pâr ahei tik a aneina sik a intep jo eng, khana Levi phunga thempuhei hneng, kei anrazen ṭhakna sik enga intep jo eng; khava intepna hei kha kōithei hêrmak ning.

JEREMIAH 7:7

Nangni’n nanmalung nanthleng inchu, nanpusōn he’n antachen ṭhak sik a kapek jo hei ram shunga kaman omṭhak sik chei.

DÂNRABU INHNINA 17:16

Reng khan aremi sik ashakor katamtak anei sik changmak, Egypt a mi atira shakor ava manchôk sik hei changmak, ajârchu Rōngpu’n amihei khana khan ahei tik a inlemak hei ning aleiti.

HEBREWHEI 12:22

Khava kanek a nangni chu, akahring ṭhak Pathen omna khōpui Zion Tlâng, marvân Jerusalem, ngeva lishing raja omna khan akahong jo chei kae.

SAMUEL INKHATNA 8:11

Samuel in ahri manchên pek hei, “Hing’hin nanreng in arazen sik chei. Nansahei kha remia asyem sik hei; loikhat in ama re shakor gâri anrazen sik, loikhat in ashakor remia, loikhat in ashakor gâri hma a katlân sik hei.