JEREMIAH 17:22 - LEKHARABU INTHENG (BSI)

²² achangmak leh an-ina inphut serning neinâk heite antachoisōt mak sik kae. Châmhngat kani ning ṭōn atatlomak sik, anpu sōnhei hneng kaṭong pek hei kapōa kani intheng inkhat a antaser sik kae.

JEREMIAH 17:22 ပူးပေါင်းရင်းမြစ်များ

NEHEMIAH 13:15

Khava pha khan Judah mihe’n Châmhngat kani ning vomhrui anta lei-ep kha ke’n kaleihmu. Alak-hei khan sâng, ju, vomhrui, theichang leh neinâk alak-hei Jerusalema rôn sik a Shakōrtung chunga phur anmantluk, khana ke’n Châmhngat kani ning heite anjōr makna sik a ṭong kaleipek hei.

SŌKSŌT 23:12

“Kani vekhat a ni 6 ṭōn tlo ruh, tâk ni 7 tluk ning chu ṭōn tlomak ruh, khanga nansōk-hei, ram hlop mi nanṭōn katlohei leh nanranhei kapha’m châm a’nhnga sik hei kae.

ISAIAH 58:13

Rōngpu’n ahri, “Nangni’n serning kani kha a’ntheng inkhat a nanhmang inchu khana khava ning kha nanbing maduna jongna nanhmang mak inchu; kei kani intheng kha kakhôktak a nanloa lônlena neiloa nankaja’nchu, khana khava ning ṭōn tlo loa ṭongchôi hrina nannei mak inchu,

JEREMIAH 17:24

“Hiva mihei hi kaṭong pek rakip antajui nger sik kae tia manthei hei roh. Anmani’n serning hiva khōpui sōngkot shunga heite phur anta’nrôn manhlut mak sik kae. Anmani’n serning hi kani inthenga antanit a heite antatlo mak sik kae.

EZEKIEL 20:12

Rōngpu ke’n anmani kaman theng hei ti hi mandonsōtna anneina sik a keini inhnōmna mêrchîkna kha Châmhngat kani nitna kamanchang.

EZEKIEL 22:8

Hmun intheng hei chunga kajana neimak che, Châmhngat kani nitmak che.

LEVI-DÂN 19:3

Kaṭong pek chei kapōa, nangni mi rakip in anu-apa akaja sik kae, Châmhngat kani anit sik kae.

LEVI-DÂN 23:3

Nangni’n nanṭōn tlona sik ni 6 nannei, tâk ni 7 tluk ning, serning kha châm inhngatna kani kae. Khava ning chu ṭōn tlomak ruh, tâk kamukna sik a intûp ruh. Châmhngat kani hi Rōngpu ta kae; khava hmun a nan-om achang inum jui ruh.

ZECHARIAH 1:4

Nanpu sōnhei kapō angmak ruh. Tenlaia inphut kaṭong kha sânkathem he’n antamanthei jo hei kae, ṭōnse tlopuma an-om makna sik, setna ṭōntloa anhring nôk makna sik a anmanthei hei. Tâk-kha anmani’n kaṭong arangei mak hei khana ajuimak hei.

LUKE 23:56

Khava sōa anmani’n innting inle heia Jesu kalōng kano sik marim katui thai leh maru-marâng anleimantluk a kae. Dân dungjuia anmani’n Châmhngat kani ning khachu le’nhnga jo hei.

LUKE 6:5

Khana Jesu’n achaina ahria, “Mihring sapa kha Châmhngat kani Rōngpu kha kae,” ati.

ṬONGPHÔNG 1:10

Rōngpu kani ning kei kha rathla’n aleiṭhōi eng, khana kakahnung ting pengkun mahring rasa kapō inhnaktak inkhat katheia kae.