JEREMIAH 16:16 - LEKHARABU INTHENG (BSI)

¹⁶ Rōngpu’n ahri, “Ke’n hiva mihei kasur sik, nga kasur mi katamtak kajōngtir sik hei. Khava sōa shachâng kaleng katamtak, tlângbung leh hmebung khana hlungkhur shung heia inphut ankahnong sōt sik a kajōngtir sik hei.

JEREMIAH 16:16 ပူးပေါင်းရင်းမြစ်များ

A’NPHUTNA 10:9

Rōngpu inthōpuina jâra shakahnong kahrattak leikachang. Ama chungchânga mihe’n ṭongchîk hing’hin, “Nimrod kapōa Rōngpu’n shakahnong kathemtak manchang che rasoh,” tina leika-om.

ISAIAH 2:21

Rōngpu’n ralei hi kanok mathlek sik a ajōng pha, mipuihei kha ama hnuk natna leh aratha hratna leh alûrna inphut tlânsōtna sik a hmebung hlung karea hlungkhura leh khur shunga inthup sik hei.

ISAIAH 7:19

Anmani’n phai kaphok a, hlung kâra khur heia, rahling chap buk leh ramhâng rakip a kasip sō sik jo hei.

JEREMIAH 25:9

‘Ke’n sak tinga mi rakip hei hnenga leh kasōkpa, Babylon Reng Nebuchadnezzar hnenga ṭong kapek sik hei. Ke’n anmani kha Judah leh ashunga ka-om hei khana ahneng vena ka-om jât rakip hei dōina re katuk sik a kaheiṭhōi sik hei. Hiva jât leh ahnenga ka-om hei hi kasuk manhmang sik hei khana ahei tik a kamanram cher sik hei, ṭit ka-om leh hmit-enna malung tônna kachang sik hei. Rōngpu, ke’n kahri jo kae.

JEREMIAH 4:29

Shakor remihei leh the kakâp mihei peng rasa khan mi rakip katlânsō sik jo hei. Ṭhen khat in ramthip a katlân sik hei; alak he’n hlungkare kâra kake sik hei. Khōpui rakip andahlona kadairip sik, khana khan tûte inkhatbek um om nôk mak jo hei ning.

JEREMIAH 49:5

Arakir rakip a inpirna nanchunga kamasō sik. Nankhenga katlân sik chei. Inkhat khat in ahringna sik a katlân sik, khana nanremihei manchunna katlo sik tûte om mak ning.

JEREMIAH 6:9

Chunghnung Rōngpu’n kahnenga ati, “Israel hi vomhrui theikara ṭhōtsō pet kapōa vōk mathlâk sik kae. Khava jâra apha omlai hin torchena nahuksōt sik hei kae.

ṬAJAISUINA 4:18

Kan-inrepui he’n ani-en ravet ṭhak a ka-om hei; hlam a kapha sōk tor mak ung. Keini pha kha inchai jo; a’nchaina kani kha kahong jo.

ṬAJAISUINA 4:19

Chungvâna marhmu ajōng suk inrang kakhea, anmani’n keini anhnong jo ung. hmebunga anhnong suk ung; manhret manloa nêrdi ramhânga anphak unga kae.

HOSEA 10:10

Ke’n hiva mikaset-hei hi kabuhlu sik hei khana karâkna kapek sik hei. Jât he’n anmani dōina sik a inchun sik hei khana ansetna hingja jâra ankarâk sik hei.

AMOS 4:2

Chunghnung Rōngpu kha a’ntheng achang jâra, ama’n intep jo, “Nangni anmani he’n khoi vânga ankeina sik chei kani kha kahong sik jo; nangni inkhat et khoi in nga asur kapō kha kachang sik chei.

AMOS 5:19

Khavakha mi inkhat in shabakkai a inphut atlânsōt leh kavom a’ntōpui kapō kachang sik! Achangmak leh mi inkhat inna ahong inle pha akut kha mari tamachuk hrep sik a banga avasit kapō kha kae!

MICAH 7:2

Hiva ram a hin malung intheng om mak jo, Pathen ṭong kajui inkhatbek um om mak. Mi rakip in mi thatna sik a pha kaṭha anhngak a kae. Mi rakip in anram mi anhnong heia kae.

ZEPHANIAH 1:12

“Khava pha khan thaihmei kakut a kamatua ke’n Jerusalem kajong sik. Binga tlaina kaneihei leh inngamna kaneihei, anbinga ‘Rōngpu’n ahlam inkhat achangmak leh inkhat a ṭōn heite tlomak,’ tia akahrile hei chunga karâkna kapek sik hei.

SAMUEL INKHATNA 24:11

Apa, ke’n kamatu napōn hmor hi enroh! Kathat tor jo che kae, khava kanek a hirōk hi katansōt kae. Hivahin namanhret thei sik khachu ke’n nachunga redōi sik a, sukset sik a intluk mak eng ti kha. Ke’n heite nahnenga dikmak katlomakjen ravâng, nang inchu that sik a namanlōi enga kae.

SAMUEL INKHATNA 26:20

Rōngpu ram a inphut inkârtak a, jât-hlop hei ram a athat mak hei rasoh. Heisa mo Israel reng in kei kapō uihrik kathat a akahong? Heisa mo ram va kapōa kei ahnong sik eng?