JEREMIAH 16:15 - LEKHARABU INTHENG (BSI)

¹⁵ Khava kanek a, sak ting ram a inphut a leh kalei kathek manchaina ram rakip heia inphut Israel mipuihei anhei kaṭhōisōt akahring Pathen, kei panna anmani ṭong intep sik jo hei. Ke’n anpu anpahei kaleipek jo anrama hin kaheiṭhōi male nôk sik hei. Rōngpu ke’n kahri jo kae.”

JEREMIAH 16:15 ပူးပေါင်းရင်းမြစ်များ

A’NPHUTNA 28:15

Mandon sōt roh, nasena rakip a ka’nṭhōipui sik che khana kahrung sik che, khana hiva ram hin kaheiṭhōi male sik che, nahnenga kalei intepna rakip hui atlungmak kârseng ke’n nang masō mak che ning,” ati.

HLAHEI 106:47

O Rōngpu, kan-Pathen, ahuk roh, jât-hlop hei kâra inphut keini aṭhōi male nôk roh, keini’n narahming kha kanchoi ka-ân theina sik leh kanmanpâk theina sik che.

ISAIAH 14:1

Rōngpu’n ami Israelhei avea vōi khat alungset nôk sik hei khana ata kachang sik a akadei sik hei. Ama’n anrama ka-om sik a aheiṭhōi male nôk sik hei, ram hlop mihei leh anmani ka-omsap sik a kahong sik hei.

JEREMIAH 12:15

Tâk-kha ke’n anmani kaṭhōisōt sō hei pha, anchunga kalungset sik hei; khana jât rakip ke’n anram et a kaṭhōi male sik hei.

JEREMIAH 23:3

Ke’n kami ralak-hei, kakathek manchaina hei ram a inphut, kabek mantûp sik hei, anmani innrama kaṭhōi male sik hei. Sa katamtak annei sik, kapung sik hei.

JEREMIAH 23:7

Rōngpu’n ahri, “Egypt ram a inphut a Israelhei anhei kaṭhōisōt akahring Pathen tia, karahminga an-inhâksêr makna sik pha kha kajōng jo.

JEREMIAH 23:8

Khava kanek a, anmani’n sak ting ram a leh kalei manchek chaina ram ralak rakip a inphut Israel mihei anhei kaṭhōisōt akahring Pathen tia karahminga intep sik jo hei. Khava sō leh anmani’n anrama ka-om sik jo hei.”

JEREMIAH 24:6

Ke’n anmani kha ka-ensui sik hei, khana hiva ram a kaheiṭhōi male nôk sik hei. Ke’n anmani kasyemsōt sik hei, sukset mak hei ning, kaling sik hei, khana phôisōt mak hei ning.

JEREMIAH 29:14

Ôk, ke’n kahri kae, nangni’n nanhmu sik eng, khana ke’n nanrama kaman om nôk sik chei. Ke’n kahnong manchekna chei ram leh hmun rakip a inphut kakhôm manchun sik chei, khana ke’n nangni katirsōtna ramheia inphut kaheiṭhōi male nôk sik chei. Rōngpu, ke’n kahri jo kae.’

JEREMIAH 3:18

Israel in Judah leh inchun sik hei khana sak tinga ka-om ram a rehringa keina inphut kahong sik hei, khana nanpu sōnhei hneng ahei tik a ankarōi sik a kaleipek jo hei ram a khan hong inle sik hei.”

JEREMIAH 30:10

“Kamihei, ṭimak ruh; Israel mihei, inpir mak ruh. Khava ram kahlatak a inphut kurkhum a nan-omna inphut kahuksōt sik chei. Nangni inna hong inle sik cheia kha kamōnga ka-om sik chei; nangni inhuk sik chei tûte’n maṭhitmak chei ning.

JEREMIAH 30:3

ajârchu kami Judah leh Israelhei kalo manhlutna sik pha kha kahong jo. Anpu anpahei hneng kaleipek ram a kaheiṭhōi male sik hei khana anmani’n avea anchen nôk sik. Rōngpu ke’n kahri jo kae.”

JEREMIAH 31:8

Ke’n anmani sak tinga inphut kaheiṭhōi sik hei ralei inchaina heia inphut kamantûp sik hei. Hmitkacho leh ke katlek hei leh kahongsap sik hei, chung kahrik hei leh nai kanei sik jo he’m kahong sik hei. Anmani jât kalentak inkhat a he’nle sik hei.

JEREMIAH 32:37

Ke’n ram rakip a kamihei, kahnuknat leh kahnuk inthak jâra kavor kachek hei seng kha hiva hmun a hin kakhôm manchun sik hei, khana anmani hiva hmun a hin kaheiṭhōi male heia inhuktak a kaman om sik hei.

JEREMIAH 50:19

Ke’n Israelhei anram kamanhlō nôk sik hei. Anmani’n Carmel Tlânga kakek, khana Bashan tinga bu leh thlai ansâk sik khana Ephraim leh Gilead ram a akakek sachi hmuchi rakip antamadu chen a ansâk sik.

EZEKIEL 36:24

Ke’n jât-hlop heia leh ramlak heia inphut kalosōt sik chei khana nanrama kaheiṭhōi male sik chei.

EZEKIEL 39:28

Khava sōa kami he’n kei hi Rōngpu an-Pathen eng kae tia anmanhret sik jo eng. Anmani’n hivahi anmanhret sik, ajârchu ke’n anmani rehring sura kamanse hei kae khana tûnchu inkhatbek dahlon loa anram khet a kaheiṭhōi male nôk jo hei.

JOEL 3:1

Rōngpu’n ati, “Khava pha khan ke’n Jerusalem leh Judah hei khangsōtna kha kapek male sik hei.

AMOS 9:14

Kamihei anrama kaheiṭhōi male sik hei. Ankhōpui insetsō hei kha ansyem manther sik, khan ka-om sik hei; vomhrui rahōn ansyem sik a kha khava theiju kha an-in sik; Rahōn ansyem sik a kha antaling kha ansâk sik.

AMOS 9:15

Ke’n kapek hei ram a khan kamanhmông sik hei, anmani avea inphoisōt mak jo hei ning.” Rōngpu nan-Pathen in ahri jo.