JEREMIAH 16:11 - LEKHARABU INTHENG (BSI)

¹¹ Khava pha Rōngpu’n hinga ahri tia manthei hei roh, ‘Nanpa-nanpu he’n kei andahlon enga, pathen ralak-hei ankamuk a anrazen hei. Kei andahlon enga, kamansena hei juimak hei.

JEREMIAH 16:11 ပူးပေါင်းရင်းမြစ်များ

RENGHEI INKHATNA 9:9

Mihe’n anmasôn sik hei, ‘Anpu sōnhei Egypt a inphut anhei kaṭhōisōt Rōngpu an-Pathen kha andahlon jâra kae. Anmani’n pathen ralak an-inloa ankamuk hei. Khava jâra Rōngpu’n hiva inrengna hi anchunga amathlung kae.’”

THUHMINGHEI INHNINA 7:22

Mipui he’n anmasôn sik, ‘Hivahi anmani’n Rōngpu, anpu anpahei Egypt a inphut anhei kaṭhōisōt kha andahlon jâra kae. Anmani pathen ralak-hei leh inthlopna anneia ankamuk jo hei. Khava jâra khan Rōngpu’n hiva inrengna hi anchunga amathlung jo kae,’ anti sik.”

JEREMIAH 13:22

Heisa mo hiva rakip hi nahnenga ajōng kasōk, heisa mo napōnsi hei a’nhlersō, heisa mo mi’n rumhrat a antasetpui che tia derna nanei inchu-nasetna kha ṭit ka-om tak achang jo jâra kae.

JEREMIAH 2:8

Thempu he’n, ‘Rōngpu khon mo aka-om?’ tia inder mak hei. Kathempu khet he’n amanhret mak jo hei. Vaikarôn he’n kei kadōia inṭang hei; Sânkathem he’n Baal rahminga ṭong ansân akahnem mak limsyem ankamuk hei.

JEREMIAH 22:9

Khava pha anmani’n insôn sik hei khachu nangni’n nan-Pathen kei leh ni-intepna kha donmak cheia pathen hlop nankamuk a nanrazen jâr heia kae anti sik.”

JEREMIAH 44:3

ajârchu anmi he’n ṭōnse antloa kahnuk anmannat a kae. Anmani’num, nangni’num khana nanpa-nanpu he’num anta leikamuk phungmak pathen ralak-hei hneng inthoina antōk a anrazen jo heia kae.

JEREMIAH 8:2

Anruhei kha mantûp heia vûm sik kanek a, anruhei kha ralei pi chunga ram thai kachang sik jo. Hiva mihei talungset leh tarazen hnōm hei khana anṭong jongsuina hei leh antakamuk hei kha kani, thla, khana ârsihei hmaikunga malârsōt sik hei kae.

JEREMIAH 9:14

Khava kanek a, anracham kasea anpu anpa he’n Baal limsyem kamukna sik antamanthei hei kha ankamuk jôk a kae.

ṬAJAISUINA 5:7

Kanpu kapa he’n setna anleitlo, tâk tunchu kathisō jo hei, anmani set leitlona jâra keini kachâm ung.

EZEKIEL 11:21

Tâk-kha hnemna kase, mater ka-om limsyem inmuk mihei khachu karâkna kapek sik hei. Anṭōnse tlona jâra karâkna kapek sik hei kae.” Chunghnung Rōngpu’n ahrisōt jo.

AMOS 2:4

Rōngpu’n ahri, “Judah he’n ave-avea setna antlo jo, khava jâra anchunga karâkna kapek nger sik hei kae. Anmani’n kaṭong pek juimak hei khana kaman theina donmak hei. Anpu sōnhei tarazen pathen kadikmak mama khan aṭhōi manhmang hei.

MALACHI 3:7

Nangni mak hma nanpu-nanpahei kapōa, kei dân a inphut inhesōt jo chei khana nitmak jo chei. Kei hneng hong inhe ruh, khan chu ke’m nanhnenga hong inhe sik eng. Tâk-kha nangni’n nander, ‘Nahnengting hong inhena sik heimo kantatlo sik?’

PETER INKHATNA 4:3

Ajârchu hmalai pha kasôttak limsyem inmuk hei tatlo hnōm kha nanleitlo joa kae. Nanhringkhō hei kha mater ka-om, hurna, ju inrui, lôpna, ju-in lôm, khana enhnōm kakaimak limsyem kamukna nanlei hmang joa kae.

ṬONGKATANHEI 2:11

Israel mihe’n Rōngpu dōina set antloa Baal kha kamuk anphut jo.