JEREMIAH 14:7 - LEKHARABU INTHENG (BSI)

⁷ Kamihei kahnenga kaṭap hei, ‘Kansetna he’n amanṭhe unga achang inum, naṭong tepna kapōa, a’nthōpui roh. Keini pha katamtak nanga inphut katlânsōt jo ung, nang kadōia setna kanleitlo jo.

JEREMIAH 14:7 ပူးပေါင်းရင်းမြစ်များ

EZRA 9:15

Rōngpu Israelhei Pathen, nang chu akadik che kae, tâk-kha keini hi nalamanhring unga kae. Nahnenga kanṭhena hei seng kanphông; nang omna heihlutna sik ratha neimak jo ung. ”

HLAHEI 115:1

O Rōngpu, nalungset inthlengmak leh taksenthei nachang jâra nang hnenga, nang hneng rōk a lûrna kha pek sik che kae, keini hnenga changmak.

HLAHEI 25:11

Rōngpu naṭong tepna ajuipek ina, kasetna hei arangei mandam roh, ajârchu katam hêr jo.

HLAHEI 79:9

Eh Pathen, a’nthōpui roh, ahuk roh; nang kajana achang theina sik, ahuk ina kansetna hei arangei mandam roh.

ISAIAH 48:11

Ke’n katlo hei hi kei sik a katlosōt kae, karahming hi kajana neilo manchang mak ning achangmak leh tûte inkhat leh lûrna kha chensap puimak ning khavakha keita leh keita rōk sik kae.”

ISAIAH 59:12

“Rōngpu, nang kadōia kanṭhena katamtak ka-om. Kansetna khan amaher jo ung. Keini’n khahei seng kha kaṭha nenga kanmanhret jo.

JEREMIAH 10:19

Jerusalem mihe’n ka-ông heia anti, “Heituk-hrep a a’ntôn jo me mo! Ni’ntônna bi hi dammak jo ning. Khana hivahi nidetor sik tia eini’n nilei mandon!

JEREMIAH 2:19

Nabinga naṭhat makna’n nang akarâk sik che, keia inphut nasesōtna khan nang themmô amanchen sik che. Na-Rōngpu Pathen kei namasō enga, kei hnenga taksenthei nachang makna hi heituk a akadik mak leh malung nat aka-om jo mo nahong manhret sik. Chunghnung Rōngpu, ke’n hivahi kahri jo kae.”

JEREMIAH 3:25

Inzaktak a katlu sik unga kha kan-inzakna khan amakhusi jo rasoh. Keini leh kanpu kanpa he’n Rōngpu kan-Pathen kadōia setna kanleitlo ṭhak jo; aṭongpek-hei kha juitet mak jo ung.”

JEREMIAH 3:6

Reng Josiah’n reng achanglai, Rōngpu’n kahnenga ahri, “Taksenthei kachangmak nuhmei, Israel tatlo hei hi nahmu mo? Amanu kahnenga inphut kasesōt jo, chingbung inshâng heia khana thing bur rakip hnōia noti kachanga kae.

JEREMIAH 5:25

Khava kanek a, nansetnahei khan akaṭha hei kha nanhnenga inphut amanhmang jo hei.

JEREMIAH 5:6

Khava jâra ratua inphut shabakkai he’n anthat sik hei; nêrdiram a kahne he’n ahar-ahak a ankeihler sik hei, rûtnu’n ankhōpuihei anhlō sik hei. Khava mihei khan ansōksōt inchu anmani ankeihler sik hei ajârchu ansetna katam hêr jo khana ave-avea Pathena inphut inhesōt heia kae.

JEREMIAH 8:14

Pathen mihe’n ander, “Heisik a mo tûn katlung ala’n ong me? Hong ruh, khōpui kur a’ntuk khuma son tlân rih, sona son vathi rih.” Rōngpu ni-Pathen in eini akathi sik a maset apek jo me kae, eini’n adōina setna nitlo jâra, thina sik a, in sik a tûr apek jo me kae.

JEREMIAH 8:5

Kha achang inchu, kamihei, heisa mo kahnenga hong inle hêrlo cheia keia inphut a’nhesōt jo chei? Nangni’n nanlimhei nankakō tlit a, kei hnenga he’nle sik kha hnōm mak chei.

EZEKIEL 20:14

Tâk-kha ke’n leitlo mak eng, ajârchu Egypt a inphut Israel kaheiṭhōisōt hei pha ankahmu jât-hlop hei kâra karahming setna kachang sik a kae.

EZEKIEL 20:22

Tâk-kha kei leitlo mak eng, ajârchu Egypt a inphut ke’n Israel kaheiṭhōisōt laia ani kahmu jât-hlop hei kâra karahming setna kachang sik.

EZEKIEL 20:9

Tâk-kha ke’n tlomak jo eng, khavakha achang inchu karahming setna kachang sik jo, ajârchu anmani ta-ompui jât mihei hmaikunga Israelhei hi Egypt a inphut kaṭhōisōt sik hei kae tia kalei phôngsōt dek a kae.

HOSEA 5:5

Israel mipuihei ṭong rangei makna khan anbing chunga adōi heia hong ka-ông jo. Ansetna khan anmani amanpai heia amaphûr hei, Judah hei kha’m anmani leh kapursap hei.

HOSEA 7:10

Israelhei ṭong rangei makna khan anmani chunga a-ôngsan heia kae. Hei-hei aleisōk jo tâk inum, Rōngpu an-Pathen kei hneng he’nle mak hei

AMOS 7:2

Kahmangtalâr a khan ram shunga phidông rakip khâikhu he’n antasâkpet kha kaleihmu, khan ke’n kati, “Chunghnung Rōngpu, namihei rangei mandam hei roh! Anmani heikhong inmo akahringtor sik hei? Anmani katlôm hei khana katlasam hêr hei!”

MICAH 7:9

Keini Rōngpu kadōia setna kanleitlo jo, khava sik a tûnchu pha chomkhat sik a ahnuk natna kha kantade sik kae. Tâk-kha achaina ting chu ama’n keini ahrung sik ung khana kanchunga ṭhenahei kha amandikpek sik ung. Khōvâr hmun a aṭhōi sik ung, khana ama huksōtna kahmu theia kahring sik ung.

EPHESIANHEI 1:12

Kha achang inchu, hma inkeia, Christa inhōrna kanei sik eini’n Pathen lûrna kha choi ka-ân rih!

EPHESIANHEI 1:6

Pathen in kalûra amarit me jâra Asapa marittak a inphut kutchoi apek jo me jâra Pathen kha manpâk rih!

DÂNRABU INHNINA 32:27

Tâk kei khet in kakahnur hei pha hin, an-inrepui he’n kamihei antor hei leh inlensakna antanei sik kha hnōm tor mak eng.’

JOSHUA 7:9

Canaanhei leh ram shunga aka-om rakip in hiva chungchânga anthei sik jo. Anmani’n ankekhum sik jo ung khana anthatsō sik jo ung! Khan chu nang kajana heikhong inmo aka-om sik jo?”