JEREMIAH 14:3 - LEKHARABU INTHENG (BSI)

³ Mikanei he’n ansōk hei tui kajong sik antir hei, anmani tuikhura kase hei, tâk-kha tui hmumak hei; anmani antuibe karōk a he’nle hei. Katlasam hei inhmak hei, anhmai anmakhua ka-om hei.

JEREMIAH 14:3 ပူးပေါင်းရင်းမြစ်များ

SAMUEL INHNINA 15:30

David in olive Tlâng kakea kaṭap jo; ake hrempet a kalôn khana inrimna mêrchîkna pōnlu a’nkhua kae. Akahnung kajui rakip he’m pōnlu an-inkhua kaṭap jo hei.

SAMUEL INHNINA 19:4

Rengpa’n ahmai amakhua ka-ônga kaṭap jo, “O kasapa! Kasapa, Absolom! Absolom, kasapa!” ati jo.

RENGHEI INKHATNA 17:7

Pha bongkhat sōa kavadung kha khō asûrmak jo jâra hong kachâr jo.

RENGHEI INHNINA 18:31

Hezekiah ṭonghri rangei mak ruh. Assyria rengkalen in khōpuia inphut heisōk una ahnenga heihlut ruh ati. Nanvomhrui theikunga inphut vomhrui nansâk thei sik, khana theipōng kunga inphut theipōng kara nansâk thei sik, nantuikhur heia inphut tui nan-inthei sik.

ESTHER 6:12

Khava sōa Mordecai kha reng-innpui hlutna kekot a khan inle jo khana Haman khachu malung kachâmtak a ahmai amakhua inrangtak a innting kase jo.

JOB LEKHARABU 6:20

tâk-kha akachâr kavadung panga an-inhōrna kha inchai jo.

HLAHEI 109:29

Kei inrepuihei kha inzakna’n makhu hei rasoh; inzakna kha zakkō kapōa inhak hei rasoh.

HLAHEI 40:14

Kei anikathat sik a a’ntluk ka’nrepuihei kha inhmak hei sona torcher chang hei rasoh. Kei inrengna chunga ning kaṭhahei kha manloisōt chang hei sona inzak chen hei rasoh!

JEREMIAH 14:4

Ajârchu khō asûrmak jâra, ram a ralei kachâr jo, hlei kathlōhei, anmalung kana, anhmai anmakhua ka-om hei.

JEREMIAH 15:18

Heijâra mo a’nreng ṭhak eng? Heisik a mo ka’ntônna bi akadam theimak? Heisa mo kanatbi akadam mak sik hei? Khō kanglaia kavadung akachâr kapōa ka’nhōrna atlangna sik narei eng mo?”

JEREMIAH 2:13

ajârchu kami he’n setna 2 antlo jo, khachu: tui intheng tuiripût kachang kei hnenga inphut anmani inhesōt jo hei, khana tui aka-om tor mak sik tuikhur kha ancho jo.

JEREMIAH 2:37

Egypt a inphut inhe chea, inzak a nalu namakhup sik. Nang in nataksen hei kha, Rōngpu, ke’n kahlonsōt jo hei; anmania inphut nang in hnemna heite chenmak tin che.”

JEREMIAH 20:11

Tâk-kha Rōngpu, nang chu kei langa ka-om che, akalen leh akahrat che kae, kei kasuk inrim hei chu katlu sik hei. Anmani ahei tik a hmaimôkna anchen sik, ajârchu anmani’n chung sōkna nei tor mak hei. Anmani nuisō chen kha mahngi thei chang hêrmak ning.

JEREMIAH 3:3

Khava jâra khō sûrmak jo, zerkhōa khō pherpher kha jōngtla mak jo. Nang hi noti hmaisō napō, inzak ti hi’m manhret mak jo che.

ṬAJAISUINA 4:4

Ansahei vonṭâm tuihrea anmanthi hei, tûte inkhat in antapek mak sik bu kha naipang he’n ander lele hei;

HOSEA 2:3

Ama’n abângmak inchu ajōng intet ninga kapōa akarōkpet a kada sik kae. Ama kha ram kachâr heite keklo inkhat kapōa kaman om sik, tui kahrea kathi sik.

JOEL 1:20

Ram a shahei kapha’m nahnenga kaṭap jo hei ajârchu kava dunghei kachârsō joa kae.

AMOS 4:7

“Nansâng he’n khōtui anrangei laitak khō kakhama kae. Khōpui inkhat a khō kamansûr, tâk ahlop inkhat a chu mansûr mak eng. Hleipuk inkhat a khō kasûr, tâk hleipuk inkhat chu kachâra kae.

AMOS 4:8

Dangchâra kachâm sik hei, khōpui katamtak a mihe’n tui kajonga khōpui inkhat a vakase sik hei, tâk khava khan tui in sik katluk a om mak. Khava katlunga’m kahnenga hong inlemak chei.

ZECHARIAH 14:17

Tu inkhat jât in se sik a ahnōm mak a Chunghnung Rōngpu kha reng inkhat a ankamuk hnōm mak inchu, anram shunga khō sûrmak ning.