JEREMIAH 14:21 - LEKHARABU INTHENG (BSI)

²¹ Naṭongtep kha mandonsōt roh, donloa adamak roh; nang len in-ongna kalûrtak hmun, Jerusalem chunga hmesetna heirôn mak roh. Keini leh ni’ntepna kha makhōimak roh.

JEREMIAH 14:21 ပူးပေါင်းရင်းမြစ်များ

HLAHEI 106:40

Khava jâra Rōngpu kha amihei chunga ahnuk kana jo; khana amater jo hei.

HLAHEI 106:45

Anmani jâra khan aṭongtep kha ahong mandonsōt, khana alungset len jâra anchunga amalung athleng nôk.

HLAHEI 145:11

Anmani’n nareng rathahrat lûrna kha anhri sik khana nahratna ṭong kha anhri sik,

HLAHEI 25:11

Rōngpu naṭong tepna ajuipek ina, kasetna hei arangei mandam roh, ajârchu katam hêr jo.

HLAHEI 51:11

Na-âng shunga inphut ahnong sōt mak roh; narathla intheng kha kahnenga inphut alosōt pek mak roh.

SŌKSŌT 32:13

Nasōk Abraham, Isaac khana Jacob mandonsōt hei roh. Anhnenga ka-ôrtak a naṭong leitep, ansōn anpâr ârsi ja pek sik leh khava ram rakip ahei tik a antahlō sik hei kha mandonsōt roh.”

ISAIAH 62:6

Jerusalem, nakur bang heia, ke’n repa kahngâk kaman ngir hei; Anmani kha sûn leh jân a sip timak hei ning. Anmani’n Rōngpu hneng aṭongtep kha amandonsōtna sik antlo sik Khana ahei tik a ama’n anmani kha amahngi makna sik hei antlo sik.

JEREMIAH 14:19

Rōngpu, Judah hi pui katluk a nahlon sōt jo mo? Zion mihei hi namater jo hei mo? Keini kandam tor makna sik hrep a heisik a mo sungbi namanrôn ung? Keini’n mōngna sik kan-en, tâk heite akaṭha sōk mak; keini’n damna sik a inhōr ung, khava nek a, ṭitna jôk kahong.

JEREMIAH 14:7

Kamihei kahnenga kaṭap hei, ‘Kansetna he’n amanṭhe unga achang inum, naṭong tepna kapōa, a’nthōpui roh. Keini pha katamtak nanga inphut katlânsōt jo ung, nang kadōia setna kanleitlo jo.

JEREMIAH 17:12

A’nphutbia inphut tlângbung inshâng chunga kangira, ni-Bek-inn hi reng in-ongna kalûrtak inkhat kha ka-anga kae.

JEREMIAH 3:17

Khava pha kha ahong tlung pha Jerusalem hi ‘Rōngpu len in-ongna’ inti sik, khana jât pumpui in khana khan kei ankamuk sik jo eng. Anmalung kasak leh akaṭhamak in amanse hei kha tlomak jo hei ning.

ṬAJAISUINA 1:10

Amanu inrepui he’n akarōi buk rakip anchomsō jo. Anmani’n Bek-inna anheihlut kha ahmu hei, Rōngpu’n jât-hlop heihlut sik ahnōm makna hmun akhan.

ṬAJAISUINA 2:20

O Rōngpu enroh! Heisa mo hinghrep a nakarâk ung? Nuhmei he’n antalungset ansahei taksa kha ansâk jo! Thempuhei leh sânkathemhei kha Bek-inn shung khet a anthat jo hei!

EZEKIEL 20:22

Tâk-kha kei leitlo mak eng, ajârchu Egypt a inphut ke’n Israel kaheiṭhōisōt laia ani kahmu jât-hlop hei kâra karahming setna kachang sik.

EZEKIEL 24:21

hiva ṭong hi nangni Israelhei hneng hripekna sik a: Bek-inn ratha neina chunga nangni inlensak chei. Nangni’n khavakha nan-enhnōm khana nanvaphâk hnōm, tâk Rōngpu’n khavakha amanbōk sik. Khana Jerusalema ka-om nan-innshunga khangdônghei kha re shunga that sik hei kae.

EZEKIEL 39:25

Chunghnung Rōngpu’n ahri “Tâk-kha tûnchu Jacob sōnhei, Israel mihei chunga lungset karôn sik jo hei khana kamanhao nôk sik hei. Karahming intheng hi kahrung sik kae.

EZEKIEL 43:7

“Akathithei mihring, hinahin kei reng in-ongna ka-om. Hinahin kei Israelhei kâra ka-om sik eng khana ahei tik a anchunga vai karôn sik. Israel mipui leh anreng he’n pathen ralak ankamuk a khana anrenghei kathi kalōng kha hinahin anhre heia kei rahming intheng hi avea hmesetna apek mak jo hei ning.

DANIEL 9:7

Rōngpu, nang chu ahei tik a akadik natlo, tâk keini’n ahei tik a kanbinga inzakna kanhei rôn sōt a kae. Nang in akahnai leh akahla ram shunga nachai kathek jo Israel rakip, Jerusalem leh Judea ram shunga aka-om keini rakip chunga hivahi akadik jo kae, ajârchu anmani nahnenga taksenthei changmak heia kae.

LEVI-DÂN 26:11

Kei a’ntheng pōn-inna khan nankâra ka-om sik eng, nanhnenga inphut kei inhe mak ning.

AMOS 6:8

Chunghnung Rōngpu’n hiva mansena ka-ôrtak hi apek jo: “Israel mipuihei inlensakna kha kamater; an-innpuihei heitea sak pek mak eng. Akhōpui kalen leh ashunga ka-om rakip an-inrepuihei kapek sik hei.”

LUKE 1:72

Ama’n nipu-nipa sōnhei hneng maritna amanhmu sik, khana aṭongtep intheng kha amandonsōt sik aleiti.

LUKE 21:24

Ṭhahrep chemjâm vâng anthat sik hei, khana ram rakip a sōk a ankei sik hei; anpha atluk mak kârseng Jât-hlop he’n Jerusalem kha antachōn rachi sik kae.

EPHESIANHEI 2:7

Ama’n hi atlo hichu Jesu Christa a nihnenga amalârsōt ama maritna akalen inhlei kha, pha rakip a manhmuna sik a atlo kae.

DÂNRABU INHNINA 32:19

“Hivahei hi Rōngpu’n ahmu pha ahnuk leikana khana asapa leh asanuhei kha ahlon sōt hei.

ṬONGPHÔNG 11:2

Tâk-kha bek-inn sumpuk vâng intong khachu dahlon roh, ajârchu khavahei kha Jât-hlop hei a’npek sōt jo kae, anmani’n khōpui intheng kha thla 42 antachōnpha sik kae.

SAMUEL INKHATNA 12:22

Rōngpu’n inthenga intepna anei, nangni dahlon mak chei ning, ajârchu nangni hi ama mi manchang sik cheia intluk a kae.