JEREMIAH 14:2 - LEKHARABU INTHENG (BSI)

² “Judah hi ṭajai asuia ka-om; akhōpuihei kha kathi de-de hei, amihei malung inrima raleia kaje hei, khana Jerusalem in inthōpuina amadua kaṭap.

JEREMIAH 14:2 ပူးပေါင်းရင်းမြစ်များ

JOB LEKHARABU 34:28

Anmani’n rumhrat antloa sarahei kha Pathen hnenga anman-ông hei, inthōpuina sik a anbêrna kha ama’n athei pek hei.

HLAHEI 144:14

Kanranhring hei kha heite a’nset akakōi kasea te nei hei sona pungṭhak hei rasoh. Kanhlam dung heia inreng ṭap rasa intheimak rasoh.

SŌKSŌT 2:24

an-inkōi rasa athei pek hei khana Abraham, Isaac leh Jacob hnenga ṭong intepna aleineipui hei kha ahong mandonsōt jo.

ISAIAH 15:5

Moab sik a kamalungria kaṭap eng! Mihei kha Zoar khōpuiting leh Eglath Shelishiya khōpuiting katlân jo hei. Ṭhahrep Luhith hlampui ting, anṭap pum a kake hei; ṭhahrep khat in Horonaim ting, malung natpuma ka-ông heia katlânsōt hei.

ISAIAH 24:11

Mihei khan ju a-om mak jâra hlampuia kapeng hei. Hōina kha ahei tik chen sik a kasesōt jo; ram a inphut hnongsōt jo kae.

ISAIAH 24:4

Ralei hi kachâr jo, invōi jo; raleichung pumpui ratha hong katlang jo; ralei leh bōirōk hong thōimak jo.

ISAIAH 24:7

Vomhrui hruijâm invōi hei, khana ju inrik hêr jo. Vōi khat inpâkna aleikachen rakip kha tûnchu inreng jo hei,

ISAIAH 3:26

Khōpui sōngkot khan ṭajai asuia ka-om sik, khōpui kalen khet kha’m nupui akarōk a raleia a’n-ong kha apō sik.

ISAIAH 33:9

Ramhei thlō loa ka-om khana indahlon jo hei. Lebanon ratua thing kachâr jo hei, Sharon ralei thai tamna phaicham nêrdiram ka-ang jo, Bashan leh Carmel Tlânga thingkunga inphut anbō kaṭi jo hei.

ISAIAH 5:7

Israel hi Chunghnung Rōngpu vomhrui rahōn kha kae; Judah phunghei kha vomhrui aling hei kha kae. Ṭōn kaṭha antatlo sik a anchunga a’nhōr kae, tâk-kha khava nek a mi anthat a kae. Ṭōn kadik antatlo sik a anchunga a’nhōr kae, tâk-kha antamanrim hei kha’n, ṭong kadik tanna sik a ka-ông jo hei.

JEREMIAH 11:11

Khava jâra tûnchu, Rōngpu ke’n, anmani antlânsōt tor makna sik a, anchunga insuk inhmangna kajōng rôn sik jo kae tia gîkna kapek hei. Khana anmani’n kahnenga inthōpuina sik a anṭap inum rangei pek mak jo hei ning.

JEREMIAH 12:11

Anmani’n ramhâng anmanchang jo; kahmai kunga kadaih ngera ka-om jo. Ram pumpui kha nêrdiram kachang jo, tûte’n donmak jo hei.

JEREMIAH 12:4

Heituk kasôt mo kanram akachâra aka-om sik, hlei rakip a kahar akachâr sik hei? Ranhringhei leh vahei kathi jo hei, kanmihei ṭhatmak jâra, ‘Eini tatlo hi, Pathen in hmumak, tia akahri mipuihei kha.’”

JEREMIAH 18:22

Gîkna pek loa mipui in an-inn anvachomna sik tir hei roh; ṭit inpira peng hei rasoh. Anmani’n kei tlâk inhlutna sik khur anchoa, ka-in-ôkna sik châng ankama kae.

JEREMIAH 4:28

Ralei in ṭajai asui sik; chungvân um inthim sik jo. Rōngpu’n ahrisōt jo khana amandona kha thlengmak ning. Ama’n intepna anei jo, akahnung inlemak jo ning.

JEREMIAH 46:12

Jât he’n inzak nanratōna kha anthei jo; mi rakip in nanṭajai suina rasa anthei jo. Remi inkhat in remi inkhat chunga ke achoia, an-inhnibât a raleia katlusap jo hei.

JEREMIAH 8:21

Kei kamalung kakōi jo, ajârchu kamihei kha suk mannōi kachang jo hei, kei inhngaisui eng, inhmakban jo eng.

ṬAJAISUINA 2:8

Zion bang kachim sik kha Rōngpu’n amantluksa jo kae; Pui katluk a manhmangna sik a ama’n tena anei jo kae. Bang leh inn inshâng hei kha tunchu inhmanga ka-omsap jo hei.

ṬAJAISUINA 2:9

Kekot kha akachok shunga katla inhlut jo, ankirna thirtlōn kha’m inbong pet jo. Rn leh mikalenhei tunchu miram a tirsōt kachang jo hei. Dân kha manthei mak jo hei, khana sânkathem he’n Rōngpu a inphut hmangtalâr hmu nôk mak jo hei.

ṬAJAISUINA 5:10

Vonṭâm in kantaksa hi hritlun in amankâng jo, ratap kalum kapōa kanvun hei hi alum mak kârseng.

HOSEA 4:3

Khava jâra ram shung hi hong kachâr sik, hiva chunga aka-om rakip karampet sik hei. Ramsha leh vahei khana ngahei kapha kathi sik hei.”

JOEL 1:10

Hleichi hei kaching jo hei; ralei in ṭajai asui jo ajârchu hmuchi inhmangsō jo hei, vomhrui thei kachâr jo hei, khana olive thing invōisō jo hei.

JOEL 1:11

Hlei kathlōhei, inreng ruh; thei rahōn kathlō nangni ông ruh, ajârchu gehu, bunim hei kadik, kara rakip inhmangpet jo.

JOEL 1:14

Bu anhngōina sik ṭong pek hei ruh; mipui intûpna sik bek ruh! Hlamkakeihei leh Judah mi rakip Rōngpu nan-Pathen Bek-inna mantûp hei ruh khana ahnenga ôn ruh.

JOEL 2:6

Anmani anhong pha, mi rakip ṭit-inpirna annei; anhmaisō kadângper hei.

HAGGAI 1:11

Raleia, ahmebung heia, sabi hleia, vomhrui thei rahōna, khana olive hleia, ralei in akeisō kara rakip, mihring leh ranhei, khana nangni’n mankek sik a nantlona rakip hei chunga, ke’n khō manchârna kaneia kae.”

ZECHARIAH 7:13

Ke’n ṭong kahri pha anmani’n anrangei mak jâra, anmani’n ander pha ke’n rangei pek mak hei eng.

SAMUEL INKHATNA 5:12

Akathimak hei kha’num khōihli anrôna mipuihei khan an-pathenhei hnenga inthōpuina sik ka-ông jo heia kae.

SAMUEL INKHATNA 9:16

“Ajîng kania hiva pha hin ke’n Benjamin phunga mi inkhat nahnenga kahei tir sik; ama kha kami Israelhei vai karôn sik a thai manthi roh, ama’n Philisti heia inphut ahuk sik hei kae. Kamihei inrengna kahmu jo khana inthōpuina sik a anpengna kathei jo.