JEREMIAH 14:14 - LEKHARABU INTHENG (BSI)

¹⁴ Tâk-kha Rōngpu’n amasôn eng, “Sânkathemhei khan karahminga maleisei antahri kae; ke’n tir mak hei eng, anhnenga ṭongpekna heikhat achangmak leh mi hnenga ṭong inkhat avakahri sik pek mak hei eng. Anmani’n hnunga kasōk sik omchen antahrisōt kha kei hnenga inphut changmak, hmangna kase anmandonna kha antahrisōt kae.

JEREMIAH 14:14 ပူးပေါင်းရင်းမြစ်များ

ISAIAH 56:10

Ama’n ati, “Hlamkakei seng, kamihei gîkna kapek sik a rahōi kasōk hei kha anhmit kacho jo! Anmani’n heite manhret mak hei. Anmani kha ui, mi kahnuk mak, a’nbok hnâma rahmang kasân ka-ang jo hei. Heituk-hrep a akaje hnōm hei mo!

ISAIAH 9:15

Kater leh kaja ka-om mihei kha aluhei kae, khana sânkathem maleisei kahri hei kha arahmei hei kae.

JEREMIAH 20:6

Khana Pashhur nang sik a chu, nang leh na-innshung mi ansur sik cheia kha Babylon ting anṭhōi sik chei. Sova hmun a nang kathi sik che khana anvûm sik che, nang leh naloihei maleisei ṭong hingja nahri pek hei seng leh.”

JEREMIAH 28:11

khana mipui hma a ahri, “Rōngpu’n hinga ati, Reng Nebuchadnezzar in jât-hei hrak a rîngke aman-or hei kha hing’hin ama’n asukkhōi sik, khana khavakha kum 2 shunga atlosōt sik kae.” Khava pha ke’n kadahlon jo.

JEREMIAH 28:13

Hananiah hneng kavase leh kavahrina sik a amanthei eng, “Nang in thing rîngke chu navōkkhōi tor thei, tâk khavakha ama’n thir rîngke vâng athleng sik kae tia Rōngpu’n ati.

JEREMIAH 28:15

Khava sōa ke’n Hananiah hneng hivahi kahri pek, kahrisa nôk a, “Rangei roh, Hananiah! Rōngpu’n nang heitir mak che, nang in hiva mihei hi maleisei naman taksen hei kae.

JEREMIAH 29:21

“Chunghnung Rōngpu, Israel Pathen in, ama rahminga nanhnenga maleisei akahri Kolaiah sapa Ahab leh Maaseiah sapa Zedekiah chungchânga ahri jo. Ama’n anmani kha Babylon reng Nebuchadnezzar kut a apek manhlut sik hei, nanhmit hmua athatsōt sik hei.

JEREMIAH 29:31

Babylona kurkhum a aka-om rakip hei hneng Shemaiah chungchânga ṭong hi tirna sik a amanthei eng: “Rōngpu ke’n Shemaiah khana ama sōn leh pâr rakip hei kha karâkna kapek sik hei. Ke’n ama kha tir mak eng, tâk-kha ama’n nangni hneng sânkathem kapōhrep a ahria khana amaleisei kha nangni amantaksen cheia kae. Nankâra ama sōn leh pâr neimak ning. Kamihei sik a ṭōn kaṭha katlo pek sik hei kha ahmu theina katlunga ama chu hringmak jo ning, ajârchu ama’n mihei kha kei dōina sik a amanthei heia kae. Rōngpu ke’n kahri jo kae.”

JEREMIAH 37:19

Babylon rengpa’n nang leh hiva ram hi re hongsō mak ning tia ani kahri pek sânkathemhei kha heihmen akachang jo hei?

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

JEREMIAH 8:10

Khava jâra anhleihei kha akapu ather hei hneng khana annuhmeihei kha pase ahlop-hei hneng kapek sik jo hei. Mi rakip, akalen leh akasin in malung intheng loa sêr jongna sik antlo jo. Sânkathemhei leh thempuhei kapha’num mi anhōn heia kae.

JEREMIAH 8:11

Anmani’n kamihei intônna takbi kha vun karittan kapōhrep a anlopek hei. Heirakip aṭhatmak jo pha, anmani’n ‘Heirakip kaṭha jo,” anti ri.

ṬAJAISUINA 2:14

Nasânkathem he’n, mihōnna tei loa hri sik neimak hei: Anṭong hrilena nasetna malârhêr loa anhōn jo che. Malung thleng sik rangei mak tia mandonna anpek che.

ṬAJAISUINA 2:9

Kekot kha akachok shunga katla inhlut jo, ankirna thirtlōn kha’m inbong pet jo. Rn leh mikalenhei tunchu miram a tirsōt kachang jo hei. Dân kha manthei mak jo hei, khana sânkathem he’n Rōngpu a inphut hmangtalâr hmu nôk mak jo hei.

EZEKIEL 12:24

“Israelhei kâra hmangtalâr kadikmak khana hlamlea ani kaṭhōi ṭongsân om mak jo ning.

EZEKIEL 13:2

Ama’n ati, “Akathithei mihring, anbinga ṭong sânna kanei Israel sânkathemhei so themmô pek hei roh. Rōngpu ṭong anrangeina sik manthei hei roh.”

EZEKIEL 13:23

Khava jâra tûnchu nangni hmangtalâr kadikmak leh ṭongsânsōt hei kha inchai jo. Nangni’n kei hi Rōngpu eng kae tia nanmanhretna sik a nangnihei ratha neina inphut kamihei kahuksōt sik hei kae.”

EZEKIEL 21:29

Nangni hmangtalâr hmu kha dikmak, khana hnungṭong sânsōt kha maleisei kae. Nangni ṭhamak chei khana nanmalung intheng mak, a’nchaina nanṭong tanna sik kani kha kajōng jo. Chemjâm kha nanrînga jōngkatla sik.

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

ZECHARIAH 10:2

Mihe’n limhei leh tla kasânhei hneng ṭong ander hei, tâk-kha masônna antahmu khachu maleisei ṭong leh aje omlo rōk kae. Mi ṭhahrep in rahmanghei anmalesōt, tâk hlamle rōk a anṭhōi chei, anmani lungngamna pekna chei kha heite hnemmak. Khava jâra mipuihei kha kemōng hlam invai kapōa kalôn jo hei. Anmani hlamkakei annei mak jâra inrengna anthōk jo.

ZECHARIAH 13:3

Tu mo inkhat in sânsōt ṭong ahriṭhak inchu, ama kanei anu leh apa heikhet khan ama kha that sik kae tia antahri pek sik kae, ajârchu Rōngpu ṭong sânsōt sik a ati leh akadik mak jôk ahrisōt a kae. Ama’n ṭong asânsōt pha, anu leh apatak hei khan antatuk hlon sik kae.

DÂNRABU INHNINA 18:20

Tâk ke’n ṭong pekna neilo enga sânkathem tu inkhat in kei rahminga ṭong ahringam inchu, khava sik a akathi nger sik kae, khana pathen ralak rahminga ṭongkahri sânkathem tu inkhat kha’m khanga tlo sik hei kae.’

TIMOTHY INKHATNA 4:2

Thir kalum tarohlon kapō, mandon ṭhen theina kaneimak hei, malei kasei mikahōn inthla heia inphut khang khava intheina kha ahong kasōk kae.

JOHN INKHATNA 4:1

Kaṭhōn marit hei, Rathla kachen ung kati rakip taksen mak hei ruh; tâk anmani rathla nei kha Pathena inphut mo enmansin hei ruh. Ajârchu sânkathem kadikmak katamtak hmun rakip a kasesōt jo heia kae.