JEREMIAH 14:13 - LEKHARABU INTHENG (BSI)

¹³ Khava pha ke’n kahri, “Chunghnung Rōngpu, sânkathem he’n mihei hneng re leh vonṭâm om mak ning, ajârchu nang in ṭongtepna nanei jo kae anti, khana kanram shunga mōngna rōk ka-om sik anti.”

JEREMIAH 14:13 ပူးပေါင်းရင်းမြစ်များ

ISAIAH 56:10

Ama’n ati, “Hlamkakei seng, kamihei gîkna kapek sik a rahōi kasōk hei kha anhmit kacho jo! Anmani’n heite manhret mak hei. Anmani kha ui, mi kahnuk mak, a’nbok hnâma rahmang kasân ka-ang jo hei. Heituk-hrep a akaje hnōm hei mo!

JEREMIAH 1:6

Ke’n kamasôn, “Chunghnung Rōngpu, heikhonga mo ṭonghri sik kei lamanhret mak eng; naipangtek lakachang eng.”

JEREMIAH 20:6

Khana Pashhur nang sik a chu, nang leh na-innshung mi ansur sik cheia kha Babylon ting anṭhōi sik chei. Sova hmun a nang kathi sik che khana anvûm sik che, nang leh naloihei maleisei ṭong hingja nahri pek hei seng leh.”

JEREMIAH 23:17

Kei ṭonghri inngei hnōm mak hei khan, heirakip injenpet sik antipek hei. Khana racham kase hei hneng inrengna khan tônhêr mak hei ning tia mi rakip hneng anhri pek hei.”

JEREMIAH 37:19

Babylon rengpa’n nang leh hiva ram hi re hongsō mak ning tia ani kahri pek sânkathemhei kha heihmen akachang jo hei?

JEREMIAH 4:10

Khava sōa ke’n kati, “Chunghnung Rōngpu, nang in Jerusalema mipuihei kha pui katluk a nahōn jo hei! Nang in mōngna ka-om sik naleiti, tâk-kha anrehrok a chemjâm khan ahngâk jo hei.”

JEREMIAH 5:12

Rōngpu mihe’n ama hnōm mak heia anhri, “Ama’n heite tlotor mak ning. Eini chunga inrengna kha tlamak ning; re leh vonṭâm demak min.”

JEREMIAH 5:13

Sânkathemhei kha pangṭonga akaṭonghei kae, Rōngpua inphut ṭonghri sik neimak hei. Rōngpu Akahratpen Pathen in kahnenga ahri, “Jeremiah, hiva mihe’n khanga anhri jâra kaṭong hi nabeia hmei kapō kamanchang sik. Mihei kha thing kapō kachang sik hei, khana hmei khan akâng sik hei kae.”

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

JEREMIAH 6:14

Anmani’n kamihei sungbi rôn kha vun karit mankhok hrep a anlopek hei. Anmani’n heite inkhatbek aṭhatmak jo pha kha’num, “Kaṭha jo,” anti ri.

JEREMIAH 8:11

Anmani’n kamihei intônna takbi kha vun karittan kapōhrep a anlopek hei. Heirakip aṭhatmak jo pha, anmani’n ‘Heirakip kaṭha jo,” anti ri.

EZEKIEL 12:24

“Israelhei kâra hmangtalâr kadikmak khana hlamlea ani kaṭhōi ṭongsân om mak jo ning.

EZEKIEL 13:22

“Nangni maleisei hrina khan ke’n malung nat kapek hnōm mak hei, mikaṭhahei malung nanmathlâk pek hei. Mikaṭhamak he’n akaṭhamak tlona kha bâng sik leh anhringkhō inhuk sik kha nankhârpek hei.

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

PETER INHNINA 2:1

Hmalai mihei kâra sânkathem kadikmak le’nlâr hei, khava leh in-anghrep a mi’nthei kadikmak hei nankâra ahong inlâr sik hei kae. Anmani’n ankahuk ankapu kha hnōm mak heia, khana insena kadikmak insuk-inpaina anheirônsōt sik, khana manhret manloa anbinga insuk inhmangna antamasō sik kae.