JEREMIAH 14:12 - LEKHARABU INTHENG (BSI)

¹² Anmani’n thlai anhngōi inum inthōpuina sik a anṭapna kha theipek mak hei ning; anmani’n ro-inthoina leh hmuchi inthoina atōksōt inum, anchunga tlaidek mak ning. Khava kanek a, ke’n re leh vonṭâm leh hrise vânga kaṭha manram sik hei kae.”

JEREMIAH 14:12 ပူးပေါင်းရင်းမြစ်များ

JOB LEKHARABU 27:9

Khōdeng theina ahong pha, anmani ṭapna hei kha arangei pek sik mo?

ṬONGCHÎK-HEI 1:28

Khava pha nang in singna hi nabek sik. Tâk-kha ke’n masôn mak che ning. Hmuntina najong sik eng, tâk ahmu mak tin.

ṬONGCHÎK-HEI 15:8

Mikaṭha he’n derna annei pha Rōngpu malung katlai, tâk mikaṭhamak he’n ahnenga anta heichoi inthoinahei kha amater.

ṬONGCHÎK-HEI 21:27

Mikaṭhamak he’n tōk sik anta heichoi neinâk kha Rōngpu’n amater; adek a anmalung mandon intheng loa antlo’nchu.

ṬONGCHÎK-HEI 28:9

Dân najui mak inchu, naderna kha Pathen in mater ka-om tak a athei sik.

ISAIAH 58:3

Mihei kha’n inder heia, “Rōngpu’n athei hêrmak sik me achang inchu heisik a mo thlai nihngōi sik? Ama’n heitea ateimak sik me achang inchu heisik a mo bu sâk loa akase sik me?” anti. Rōngpu’n anhnenga ahri, “Akadik khachu nangni’n thlai nanhngōi pha, nanbing maduna nanjonga nanṭōn katlohei nanmanrim hei.

JEREMIAH 11:11

Khava jâra tûnchu, Rōngpu ke’n, anmani antlânsōt tor makna sik a, anchunga insuk inhmangna kajōng rôn sik jo kae tia gîkna kapek hei. Khana anmani’n kahnenga inthōpuina sik a anṭap inum rangei pek mak jo hei ning.

JEREMIAH 11:14

Jeremiah, hiva mihei kahlanga kahnenga ngekna heinei mak roh. Anmani an-inrim pha, inthōpuina sik kahnenga ander eng pha, rangei pek mak hei ning.”

JEREMIAH 15:1

Khana Rōngpu’n kahnenga ahri, “Moses leh Samuel hei kapha’num hin anngira kahnenga anmani sik anngek inum, ke’n hiva mihei chunga lungsetna inkhatbek manhmu mak jo hei ning. Manse jo hei roh, kahmit hmua inphut mansesōt jo hei roh.

JEREMIAH 16:4

Anmani ṭit ka-om hrisea kathi sik hei, khana anmani hei sik a tûte inkhat in ṭajai suimak ning, vûmmak hei ning. Ankathi kalōng kha raleia akabōk manbukṭak kapōa inte lele sik hei. Anmani re shunga a-emak leh vonṭâma kathi sik hei, ankalōng hei kha vahei leh ramshahei sâk leh in kachang sik hei.

JEREMIAH 21:6

Hiva khōpuia ka-om rakip kathasō pet sik hei; mihring khana ranhringhei in-angtlinga hrise nat a kathi sik hei.

JEREMIAH 24:10

Anmani kha anpu anpahei leh anmani hnenga kaleipek hei ram a khan mi inkhatbek a’m ahring makna sik a anchunga re, natset khana vonṭâm kamasōpek sik hei.”

JEREMIAH 32:24

“Babylon he’n khōpui kha kekhumna sik a akimvea pi andeng manshânga anbuhlu jo. Re, vonṭâm, khana hrise natse hei khan khōpui kha ankut chunga apek sik kae. Naleihri rakip kha kadiktak a ahong katlung kha nang in nahmu jo.

JEREMIAH 6:20

Anmani’n Sheba a inphut marim katui khana ram kahlatak a maru-marâng kahnenga anta heichoi kha katei sik mo? Anmani neitōknahei rahlâng mak ning khana an-inthoina hei chunga tlaimak ning.

JEREMIAH 8:13

“Hlei kathlō inkhat in ahleia asâng akhôm mantûp kapōa, ke’n, kamihei kachom mantûp hnōm hei; tâk anmani kara kase vomhrui kung leh theichangkung ka-ang jo hei; anbōhei kapha kachâr jo hei. Khava jâra, vânga mihe’n aram kha antahlō sik a ke’n kaphe jo.”

JEREMIAH 9:16

Ke’n anpu anpahei leh anmani’n anta leithei phungmak jât-hei kâra khan kachai kathek sik hei, khana ankhenga kaman hmangpet mak hei hma seng ankadōi sik a remi kahei tir sik hei.”

EZEKIEL 14:19

“Khava ram a hrise kahei tira khana kahnuknat a hringkhō katamtak kalosōt a, mi leh shahei kathat inchu,

EZEKIEL 14:21

Hivahi Chunghnung Rōngpu’n ahri kha kae: “Ke’n akaṭhamak tak karâkna 4 Jerusalem chunga kajōngtir sik: re, vonṭâm, ramsha, khana hrise, mihring leh shahei kasuk inhmang sik a.

EZEKIEL 8:18

Anmani’n kahnuk natna rathahrat rakip anhmu sik. Ke’n anmani ṭhensōt mak hei ning khana lungsetna inkhatbek malârmak ning. Anmani’n antor chenna kare inrek a derna kahnenga annei sik, tâk ke’n rangei mak hei ning.”

HOSEA 5:6

Anmani’n ansehei leh ankemōnghei Rōngpu hneng inthoina tōk sik a ankei hei, tâk khava khan akaṭha tlopek dekmak hei. Anmani’n ama hmutor mak hei ajârchu ama’n adahlon jo heia kae.

AMOS 5:21

Rōngpu’n ahri, “Nangni beklanga revei kha kamater; en-hnâm tor mak eng!

MICAH 3:4

Rōngpu hneng nan-ôngna sik pha kha kahong jo, tâk ama’n masôn mak tin chei. Nanderna rangei mak ning, ajârchu ṭōnse nantloa kae.

ZECHARIAH 7:13

Ke’n ṭong kahri pha anmani’n anrangei mak jâra, anmani’n ander pha ke’n rangei pek mak hei eng.

MALACHI 1:10

Akahratpen Rōngpu’n ati, “Nankâra mi inkhat in Bek-inn kot-hei akhâra heite akahnem mak hmei kha nangni’n kamaichâm chunga nanmansûk mak jo’nchu tia kamandon jo. Kei nanchunga tlaimak eng; kahnenga nantaheichoi tōkna kha rahlâng mak ning.

MALACHI 2:13

Hivahi nangni tatlo inkhat nôk kha kae. Nangni’n Rōngpu maichâm kha hmit-rathli sōkpum a, ṭap leh in-ôipum a nankeisôt, ajârchu nangni tahei choi inthoina kha ama’n rahlâng mak a kae.

ṬONGPHÔNG 6:8

Khana ke’n ka-ena shakor akadângper inkhat leika-om. Khava shakor chunga kachōngpa rahming kha akathi inti, khana kathikhō he’n akahnung ahei juia kae. Anmani kha raleichung sem manlia sem khat re vâng, ṭâm vâng, natse vâng, khan chu ramsha vâng thatna sik a torna ratha anpek jo hei.