JEREMIAH 13:14 - LEKHARABU INTHENG (BSI)

¹⁴ Khava pha ke’n anmani inkhat leh inkhat upa leh naipang ṭhenloa, bephu kapōa kavōk-khōi sik hei. Lungsetna, lungkhamna, khana maritna hei khan anmani that manramna kha akhartor mak ning.”

JEREMIAH 13:14 ပူးပေါင်းရင်းမြစ်များ

THUHMINGHEI INHNINA 20:23

Ammon leh Moab-hei khan Edom remihei chunga ansō heia pui katluk a ansuk manhmang jo hei, khava sōa anmani leh anmani rahnak a intuk nôk jo hei.

JOB LEKHARABU 27:22

anmani tlânsōt rih tia an-intlukdek pha khava khan lungset kasea anchunga asem mathlâk sik hei.

HLAHEI 2:9

Nang in thîr sung vâng navōk thlek sik hei; bephu inkhat kapōa anmani navōkkhōi kachek sik hei,’ ati.”

ISAIAH 27:11

Thing bâk-hei kha hong kachâra katlek jo hei, khana nuhmei he’n thing ti sik a anchom mantûp jo hei. Ajârchu mipui he’n heite manhret mak hei, ankasyem Pathen in lungset a rônmak hei ning khana maritna malârmak ning.

JEREMIAH 15:5

Rōngpu’n ahria, “Eh Jerusalem mihei, nangni tu’n mo alungset sik chei, tu mo nansik a amalung a’nrim sik? Heikhonga alaka-om che mo tia ani kader sik a, tu mo akasôt hlok akangir sik?

JEREMIAH 15:6

Mipui nangni’n kei adonmak jo chei; nankahnung nansungsi jo eng. Khava jâra kabân karajit a karachi rachen chei ajârchu kahnuknat ka’nkhâmna kachâm jo eng.

JEREMIAH 16:5

“Nang ṭajai suina inn inkhat a hlutmak roh. Tûte sik a namalung manrim mak roh. Kamihei chunga lungsetna, maritna khana lung mōngna inti kha manhmu mak jo hei ning.

JEREMIAH 21:7

Tâk-kha nang sik a chu, naṭōn karônhei, khana rea, vonṭâma, hrisea a’nphesōt heia akahring hei sik a chu, Reng Nebuchadnezzar leh nang kathat hnōm naremi kalen he’n ansur sik chei. Nebuchadnezzar in nang athat sik che. Ama’n nangni inkhatbek chunga lungsetna, maritna, lungkhamna neimak chei ning. Rōngpu, ke’n kahri jo kae.”

JEREMIAH 25:16

Ju kha an-in pha anphei anpheia kalôn sik hei khana anmani kadōia re kalei tir hei jâra anmalung kha invai sik jo.”

JEREMIAH 47:3

Anmani’n shakor tlân ke-rasa anthei sik, shakor gâri inlik rasa kâng hei intlir rasa anthei sik. Nu leh pa he’n ansahei en lopmak hei ning; ankut hei antaksa sira anmakhei hnâm sik heia kae.

JEREMIAH 48:12

“Khava jâra tûnchu, Moab kha ju kapōa akaleisōt sik a mi kajōng tirna sik pha kahong jo. Anmani’n jube anmanrōk sik, khana ahar-ahak a anvōkkhōi sik jo hei.

JEREMIAH 6:21

Khava jâra hiva mihei hi kamanpai mathlûk sik hei kae. Nu leh pa, sahei, ṭim leh re hei, khana khō leh ven hei kathisō sik hei.”

ṬAJAISUINA 2:21

Hlamdunga upa naipang kathi ka-om jo hei, Retherhei leh nuhngâk-hei inrepuihei chemjâm vâng kathi jo hei. Nahnuknat ning khan anmani kha lungsetna kasea nathat hei.

EZEKIEL 24:14

Chunghnung Rōngpu ke’n kahri jo kae. Kei sik a ṭōn tlona sik pha kha kajōng jo. Nasetna kha donlo om mak ning lungset rônmak che ning khana lungkhamna neimak che ning. Naṭōntlo jâra karâkna pek sik che kae.” Chunghnung Rōngpu’n ahri jo.

EZEKIEL 7:3

“Israel, achaina kha kajōng jo. Nang in kahnuk natna kha namanhret sik, ajârchu naṭōntlo jâra ke’n nachunga ṭong katan. Na-omchen mater ka-om rakip jâra khan kha leh in-angtling kapek male sik che.

EZEKIEL 7:4

Ke’n ṭhensōt mak che ning khana lungsetna inkhatbek malârpek mak che ning. Mater ka-om naṭōn tlohei jâra karâkna kapek sik che, nang in kei hi Rōngpu eng kae tia namanhret sik jo eng.”

EZEKIEL 7:9

Ke’n ṭhensōt mak chei ning khana lungsetna inkhatbek malârpek mak chei ning. Mater ka-om omchen nanleitlo jâra khan karâkna kapek sik chei kae, kei hi Rōngpu eng khana karâkna nankape kha eng kae ti hi namanhret sik jo.”

EZEKIEL 8:18

Anmani’n kahnuk natna rathahrat rakip anhmu sik. Ke’n anmani ṭhensōt mak hei ning khana lungsetna inkhatbek malârmak ning. Anmani’n antor chenna kare inrek a derna kahnenga annei sik, tâk ke’n rangei mak hei ning.”

EZEKIEL 9:10

Tâk-kha ke’n anchunga lungset rônmak hei ning; anmani’n mi hnenga antatlo hrep kha ke’n anchunga katlo sik.”

EZEKIEL 9:5

Khana Pathen in mihlop inkhat hnenga ṭong ahri kha kathei, “Khōpui shunga ama hi jui roh, khana mi vathat hei roh. Tûte inkhat ṭhenmak hei roh; lungset a rônmak hei roh.

HOSEA 2:4

Asahei chunga lungsetna malârmak ning; anmani inzak inhret mak notinu sahei kae. Amanu khet in ahri, “Kalungset hei hneng kase sik eng, anmani’n thlai leh tui, shahmepōn leh hruipōn innem, olive thai khana vomhrui ju anpek eng.”

ZECHARIAH 11:6

Rōngpu’n ati, “Raleichunga tûte chunga lungsetna neimak jo ning. Mi rakip anvai karônhei thōia kei khet in kada sik jo hei. Khava vaikarônhei khan ralei hi ansuk manset sik jo, khana anmani ratha neina inphut a huksōt mak jo hei ning.”)

MATTHEW 10:21

“Mihe’n ansōpuihei kha that sik a anpek sōt sik hei, khana pa he’n khang’khan ansapahei anpek sōt sik hei; sahe’n nu leh pa andōi sik khana anthat sik hei.

MARK 13:12

Mihe’n ansōpui khet hei kha that sik a anpek sōt sik hei, khana pa he’n ansahei kha khanga antlo sik hei. Sahe’n annu anpa an-inrepui sik hei khana anthat sik hei.

DÂNRABU INHNINA 29:20

Rōngpu’n khava kapō mi kha rangei mandam mak ning. Khava kanek a, Rōngpu hnuknat kakhôk khan khava mipa chunga kakâng sik, Rōngpu’n mipa kha amanhmang cher hma seng hiva lekha a a’nzet inrimna rakip achunga katlung sik.

SAMUEL INKHATNA 14:16

Benjamin ram a Gibeah khōa aka-ensuia aka-om Saul mihei khan Philistihei inhmak pum a ankatlân kha anleihmu.