JEREMIAH 12:4 - LEKHARABU INTHENG (BSI)

⁴ Heituk kasôt mo kanram akachâra aka-om sik, hlei rakip a kahar akachâr sik hei? Ranhringhei leh vahei kathi jo hei, kanmihei ṭhatmak jâra, ‘Eini tatlo hi, Pathen in hmumak, tia akahri mipuihei kha.’”

JEREMIAH 12:4 ပူးပေါင်းရင်းမြစ်များ

HLAHEI 107:34

Khava hmun a ka-om mihei kha anṭhatmak jâra anram ralei thai omna kha chi ramthōi amanchang pek hei.

HLAHEI 50:21

Nang in hihei rakip hi natlo hei, ke’n heite’m hrimak eng, khava jâra kei hi nang kapōa namandon jo eng. Tâk-kha tûnchu kamaset che khana nahnenga kahri mantherpek che kae.

ISAIAH 24:4

Ralei hi kachâr jo, invōi jo; raleichung pumpui ratha hong katlang jo; ralei leh bōirōk hong thōimak jo.

ISAIAH 24:6

Khava jâra Pathen in raleia khomâk asâmkhum jo. Mihring he’n anṭōntlo dungjuia antachen jo kae. Mihei hi katlôm det-det a kahring sik hei.

JEREMIAH 12:11

Anmani’n ramhâng anmanchang jo; kahmai kunga kadaih ngera ka-om jo. Ram pumpui kha nêrdiram kachang jo, tûte’n donmak jo hei.

JEREMIAH 14:2

“Judah hi ṭajai asuia ka-om; akhōpuihei kha kathi de-de hei, amihei malung inrima raleia kaje hei, khana Jerusalem in inthōpuina amadua kaṭap.

JEREMIAH 23:10

Ram shung hi Rōngpu hnenga taksenthei kachangmak mi kasip jo hei; anmani akaṭhamak hringkhōa ka-om hei khana anratha neina kha ṭhatmak a anhmang jo. Rōngpu’n ahâksêr jâra ram khan ṭajai asui, ramhâng hei kha kachârsō hei.

JEREMIAH 4:25

Mihring inkhatbek um hmumak eng; vahei kapha’m kajōngsōt sō hei.

JEREMIAH 4:28

Ralei in ṭajai asui sik; chungvân um inthim sik jo. Rōngpu’n ahrisōt jo khana amandona kha thlengmak ning. Ama’n intepna anei jo, akahnung inlemak jo ning.

JEREMIAH 5:13

Sânkathemhei kha pangṭonga akaṭonghei kae, Rōngpua inphut ṭonghri sik neimak hei. Rōngpu Akahratpen Pathen in kahnenga ahri, “Jeremiah, hiva mihe’n khanga anhri jâra kaṭong hi nabeia hmei kapō kamanchang sik. Mihei kha thing kapō kachang sik hei, khana hmei khan akâng sik hei kae.”

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

JEREMIAH 7:20

Khava jâra Chunghnung Rōngpu ke’n hiva Bek-inn chunga kahnuk natna kha kasun mathlâk sik jo. Ke’n hivahi mipuihei leh ranhringhei chunga, khana thingkung leh hmuchihei chunga kapha’m kasun mathlâk sik kae. Kahnuknat hi hmei kasûk tûte’n athat tor mak kapō kha kachang sik.

JEREMIAH 9:10

Ke’n kati, “Tlânghei sik a ralûm dena kanei sik ramhâng hei sik a kaṭap sik eng, ajârchu khahei kha kachârsō jo hei, khana tûte’m khana khan sele mak jo hei. Ranhring rasa intheimak jo, vahei leh ranhringhei katlânsō jo hei.”

JEREMIAH 9:9

Hiva sik a karâkna pek mak hei ninga mo? Hiva kapō jât-hei chunga ke’n phu hlōmak hei ninga mo? Rōngpu ke’n kahri jo.”

HOSEA 4:3

Khava jâra ram shung hi hong kachâr sik, hiva chunga aka-om rakip karampet sik hei. Ramsha leh vahei khana ngahei kapha kathi sik hei.”

JOEL 1:18

Ranhring kachâmtak a inhrâm hei, ajârchu anmani sik phidông om mak jo; kemōng rup he’m khōdeng anthei jo.

AMOS 1:2

Amos in ahri, “Rōngpu’n Zion Tlânga inphut hong inhrung; Jerusalema inphut a-ông rasa hong intlir, phi kekna ramhâng kachâr jo Carmel Tlânga hardông he’m ka-êngsō jo hei.”

HABAKKUK 3:17

Theipōng kung in a’nramak inum, vomhrui jâma vomhrui akaimak inum, Olive thei a’nramak inum, hleia hmuchi a’nramak jo’num, kemōnghei anthipet a serōng arōkpet jo’num,

ZECHARIAH 1:12

Khava sōa ngeva khan ahri, “Chunghnung Rōngpu, nang Jerusalem leh Judah khōpuihei chunga tûn hi kum 70 nahnuk hongkana jo. Anmani chunga lungset maritna narôn sik pha kha heija mo alakasôt sik?”

ROMANHEI 8:22

Ajârchu nai kanei sik a nupui naiha aphut kapōa tûn katlunga hin kutsyem rakip nat kade-hla a inkōi heia kae.