JEREMIAH 12:11 - LEKHARABU INTHENG (BSI)

¹¹ Anmani’n ramhâng anmanchang jo; kahmai kunga kadaih ngera ka-om jo. Ram pumpui kha nêrdiram kachang jo, tûte’n donmak jo hei.

JEREMIAH 12:11 ပူးပေါင်းရင်းမြစ်များ

MI INTHEIPA 7:2

Reveina inna se kanek a kathi inna se kaṭha jôk, ajârchu akahring he’n ankhenga thina’n ahngâk hei ti hi anbinga mandonna anneia kae.

ISAIAH 42:25

Khava jâra ahnuk natna inhnak kha manhretna amannei me khana re shunga intuk inthat inrengna kha amande me. Ahnuknat kha hmei kapōa Israel pumpui chunga kakânga kae. tâk khahei omchen mo akasōk eini’n heite leimanhret mak me; khana inphut heite inkhat inchu na’m neimak me.

ISAIAH 57:1

Mikaṭha kathihei, khana tu inkhat in heikhonga mo ti manhret mak hei khana khôk sakmak hei. Tâk-kha anmani anthi pha, insuk inhmangna khan anmani tôn tor mak hei.

JEREMIAH 10:22

Rangei ruh! Ṭong kajōng jo! Sak tinga jât inkhat kâra mipui inhângna kalentak ka-om jo; anremihei khan Judah khōpuihei kha ram-uihei omna nêrdiram anmanchang sik jo.”

JEREMIAH 10:25

Nahnuk natna kha nang inmukmak jât-hei chunga, nang kahlonsōt mipuihei chunga mahe roh. Anmani khan namipuihei anthat hei; anmani’n keini pui katluk a ansuk manhmang ung khana kanram kha suk manrama anda joa kae.

JEREMIAH 14:2

“Judah hi ṭajai asuia ka-om; akhōpuihei kha kathi de-de hei, amihei malung inrima raleia kaje hei, khana Jerusalem in inthōpuina amadua kaṭap.

JEREMIAH 19:8

Ke’n hiva khōpui chunga hin ṭit ka-om tak suk mansetna kamasō sik, ahnenga avakase mihei khan andet-hla sik khana inlak ansak sik.

JEREMIAH 23:10

Ram shung hi Rōngpu hnenga taksenthei kachangmak mi kasip jo hei; anmani akaṭhamak hringkhōa ka-om hei khana anratha neina kha ṭhatmak a anhmang jo. Rōngpu’n ahâksêr jâra ram khan ṭajai asui, ramhâng hei kha kachârsō hei.

JEREMIAH 25:11

Hiva ram pumpui hi hleiram kachang sik, hmit-enna malung tônna kachang sik, khana ram hnenga ka-om jât he’n kum 70 Babylon rengpa sepa antlo sik.

JEREMIAH 4:20

Châmna inkhatsō leh inkhat in ajui; ram pumpui inhmangsō jo. Manhret manloa kanpōn-innhei insuk inhmang jo hei; pōnzâr hei ahar-ahak a inhler jo hei.

JEREMIAH 4:27

Rōngpu’n ati jo khachu, ralei pumpui hi ramthip kachang sik jo, tâk-kha manhmang cherna chu changmak ning.)

JEREMIAH 4:28

Ralei in ṭajai asui sik; chungvân um inthim sik jo. Rōngpu’n ahrisōt jo khana amandona kha thlengmak ning. Ama’n intepna anei jo, akahnung inlemak jo ning.

JEREMIAH 6:8

Jerusalem mihei, hiva inrengna seng hi nanhnenga gîkna chang rasoh, kha achang ma’nchu ke’n nangni kadahlon sik chei kae; nankhōpui hi tûte om makna nêrdiram kamanchang sik jo kae.”

JEREMIAH 9:10

Ke’n kati, “Tlânghei sik a ralûm dena kanei sik ramhâng hei sik a kaṭap sik eng, ajârchu khahei kha kachârsō jo hei, khana tûte’m khana khan sele mak jo hei. Ranhring rasa intheimak jo, vahei leh ranhringhei katlânsō jo hei.”

JEREMIAH 9:11

Rōngpu’n ati, “Jerusalem hi sukset neinâk manbukna inkhat kamanchang sik, ram-uihei omna hmun kamanchang sik, Judah khōpuihei kha nêrdiram kachang sik hei, tûte inkhat omakna hmun kachang sik.”

JEREMIAH 9:9

Hiva sik a karâkna pek mak hei ninga mo? Hiva kapō jât-hei chunga ke’n phu hlōmak hei ninga mo? Rōngpu ke’n kahri jo.”

JOEL 1:10

Hleichi hei kaching jo hei; ralei in ṭajai asui jo ajârchu hmuchi inhmangsō jo hei, vomhrui thei kachâr jo hei, khana olive thing invōisō jo hei.

LEVI-DÂN 26:32

Nanram kha pui katluk a kasuk manhmang sik, khava hmun kahlō nan-inrepui he’m suksetna chunga anmalung atôn sik.

ZECHARIAH 7:5

Ama’n ati, “Ram a mipuihei leh thempuhei kha manthei hei roh khachu hiva kum 7 shunga thla 5 leh 7na buhngōi leh ṭajai suina kha, kei kajana changmak.

MALACHI 2:2

Nanṭōn tlo vânga khan nantakaja sik eng kae. Kaṭong hri nanrangei mak inchu, hâksêrna kapek sik chei kae. Nangni hmangchâk sik a nanta rahlâng neinâk chunga khan kahâksêr sik kae. Kadiktak a chu, khahei chunga kahâksêr jo hei kae. Ajârchu kaṭong pek chei chunga khan kakhôktak a lomak cheia kae.

ROMANHEI 8:22

Ajârchu nai kanei sik a nupui naiha aphut kapōa tûn katlunga hin kutsyem rakip nat kade-hla a inkōi heia kae.