JEREMIAH 12:10 - LEKHARABU INTHENG (BSI)

¹⁰ Ram hlop a vaikarôn katamtak he’n kavomhrui rahōn ansuksetsō jo; anmani’n kahlei kha anchōn rachi jo; kamaner ram kha nêrdiram anmanchang jo.

JEREMIAH 12:10 ပူးပေါင်းရင်းမြစ်များ

ISAIAH 3:14

Rōngpu’n amihei hlamkakeihei leh an-upahei kha ṭongtan hmun a aṭhōi hei. Ama’n hiva masetna hi anei hei: “Nangni’n vomhrui thei rahōn nanchom, khana misara khōdeng katheihei neinâk nanchoma nan-inna nanbuk mansip.

ISAIAH 43:28

Khana navai karôn he’n kei hmun intheng anmanchok a kae. Khava jâra Israel chunga suk manhmangna kha kahei rôn kae; kami khet hei inzakna kha kamasō kae.”

ISAIAH 63:18

Keini, nami intheng ung hi, kan-inrepui he’n pha bongkhat sik a anhnongsōt jo ung: nahmun intheng kha antam rachi jo.

JEREMIAH 23:1

Rōngpu mihei kasukset a ankavor inchek vaikarônhei chunga Rōngpu ṭong tan sik hi heituk a ṭit ka-om mo!

JEREMIAH 25:38

Shabakkai in akhur adahlon kapōa Rōngpu’n amihei adahlon jo hei. Ṭit ka-om re leh Rōngpu hnuknat khan ram kha nêrdiram amanchang jo.

JEREMIAH 25:9

‘Ke’n sak tinga mi rakip hei hnenga leh kasōkpa, Babylon Reng Nebuchadnezzar hnenga ṭong kapek sik hei. Ke’n anmani kha Judah leh ashunga ka-om hei khana ahneng vena ka-om jât rakip hei dōina re katuk sik a kaheiṭhōi sik hei. Hiva jât leh ahnenga ka-om hei hi kasuk manhmang sik hei khana ahei tik a kamanram cher sik hei, ṭit ka-om leh hmit-enna malung tônna kachang sik hei. Rōngpu, ke’n kahri jo kae.

JEREMIAH 3:19

Rōngpu’n ahri, “Israel, kasa kapōa karahlâng hnōm che, ke’n raleichunga ram kaṭhapen, leh ram kahōipen kha kapek hnōm che. Apa tia nabek sik eng hi kamadu, khana keia inphut aheitik a na-inhesōt mak sik hi kamadu.

JEREMIAH 39:3

Jerusalem kha anhlō pha, Babylon rengpa ṭōnpui karônhei khan khōpui Alaiṭim Kekot a khana Nergal Sharezer, Samgar Nebo, Sarsekhim, khana Nergal Sharezer ahlop inkhat inveina anhmun anvalo jo hei.)

JEREMIAH 6:3

Reng he’n anremihei leh khava hmun a khan rephōr ansyem sik. Khōpui kimvea anmani’n anpōn-inn, anmaduna hmun a anmatung sik hei.

JEREMIAH 9:10

Ke’n kati, “Tlânghei sik a ralûm dena kanei sik ramhâng hei sik a kaṭap sik eng, ajârchu khahei kha kachârsō jo hei, khana tûte’m khana khan sele mak jo hei. Ranhring rasa intheimak jo, vahei leh ranhringhei katlânsō jo hei.”

EZEKIEL 34:2

Ama’n ati, “Akathithei mihring, Israel hlamkakeihei dōina ṭonghri roh. Anhnenga ṭongsân hri roh, Chunghnung Rōngpu ke’n anhnenga kahri hi manthei hei roh: nangni inhmang jo chei, Israel kemōng kakhem nangni! Nanbinga in-en kaṭha chei, kemōnghei chu khemmak chei.

EZEKIEL 34:5

Kemōnghei kha ankakhem sik an-om mak jo jâra, inchek jo hei, ramsha he’n anthat heia ansâk jo hei.

DANIEL 8:13

Khava sōa ngeva inkhat in inkhat hneng ṭong ader kha kalei thei, “Hmangtalâra a’nhmu omchenhei hi pha khongja katlung alaka-om sik hei mo? Pha khongja katlung mo ṭit ka-om tak setna hin ani tina inthoina kahlang kha alathleng sik? Pha khongja katlung mo marvân remi leh Bek-inn kha chōnpha anlaka-om sik hei?”

ZECHARIAH 7:14

Thlipui kahrâng kapōa ke’n anmani miram a kamantlensōt hei. Hiva ram kaṭha hi ramhânga, ashunga tûte omloa andahlon jo.”

LUKE 21:14

Nanbinga heikhonga mo a’nhrung sik ung tia nan-Inreng makna sik a hmatak a malung insyem kaṭha ruh;

ṬONGPHÔNG 11:2

Tâk-kha bek-inn sumpuk vâng intong khachu dahlon roh, ajârchu khavahei kha Jât-hlop hei a’npek sōt jo kae, anmani’n khōpui intheng kha thla 42 antachōnpha sik kae.