JEREMIAH 11:7 - LEKHARABU INTHENG (BSI)

⁷ Ke’n anpu sōnhei Egypt a inphut kaheiṭhōisōt lai hei khan, kaṭong anjuina sik a kaṭhatak a kamanse hei, khana tuning katlung mipuihei kalamanse ṭhak heia kae.

JEREMIAH 11:7 ပူးပေါင်းရင်းမြစ်များ

RENGHEI INHNINA 17:13

Rōngpu’n asânkathemhei leh aṭongkarônhei Israel leh Judah hei kagîk sik a ajōngtir, “Nan-omchen kadikmak hlam hro bâng ruh, khana Nanpa-nanpuhei hneng kaleipek Dânrabu shunga aka-om, khava nôk kha kasōk sânkathemhei vânga nanhnenga kajōng mathlung, kaṭong pek kha jui ruh!” ati.

THUHMINGHEI INHNINA 36:15

Rōngpu, anpu sōnhei Pathen khan amihei gîkna kapek sik a sânkathem ajōngtir manjôn hei, ajârchu ama’n anmani leh Bek-inn kha aṭhensōt hnōm heia kae.

SŌKSŌT 15:26

Ama’n ahri, “Nangni’n kaṭong nanjuia ke’n kadik kati kha pui katluk a ṭōn vânga nantlosōt inchu, Egypt mihei chunga hrise kaleimasō inkhatbek vâng khan nangni karâkmak chei ning. Kei nan-indampa, Rōngpu eng kha kae.”

JEREMIAH 11:4

Hivahi anmani hei sik a hmei taro mankâng kapō ram, Egypt a inphut kaheiṭhōisōt lai hei anpu sōnhei leh kaleisyem jo intepna kha kae. Anmani’n kaṭong anjuina sik a khana kaṭong pek rakip antlosōtna sik a kalei manthei hei. Anmani’n kaṭong anjui inchu, anmani kami kachang sik hei, kei an-Pathen kachang sik eng, tia kahri pek hei.

JEREMIAH 25:3

“Amon sapa Josiah’n vai arônna kum 13 tlukna inphut tuning katlunga kum 23 shung hi Rōngpu’n kahnenga ṭong ahei phôngpek ṭhak eng, aṭong hri kha ke’n nanhnenga manthei loa hong om mak eng.

JEREMIAH 25:4

Rōngpu’n asōk sânkathemhei ahei tir ṭhak he’num nangni’n rangei mak chei khana donmak chei.

JEREMIAH 31:32

Hivahi ke’n anpu anpahei Egypt a inphut ankut kamatua kaheiṭhōisōt hei pha intepna marō kha leh in-ang mak ning. Kei hi anpuise kapō kha kachang inum khava intepna kha nitmak hei.

JEREMIAH 32:23

Achang ravâng anmani hiva ram a anhei tlunga khana anhlō jo pha hin, anmani’n naṭongpek juimak hei, naman theina dungjuia om mak hei; antatlo sik a ṭong napek hei kha anmani’n heite tlomak jo hei. Khava jâra anchunga hiva ṭōnse seng hi namasō pek jo hei.

JEREMIAH 34:14

anhnenga kum 6 sepa akatlo jo Hebrew sōk inkhat kha kum 7 kataia antamasō sik hei kae. Tâk-kha nanpu nanpa he’n leidon mak hei khana kaṭong hri kha leirangei mak hei.

JEREMIAH 35:14

Jonadab tu leh sahe’n anpu anpa ṭongpek anjuia, tuning katlung tûte inkhat in ju leh thlai inmak hei. Tâk-kha ke’n tûn katlung nanhnenga ṭong kahri ṭhak, nangni’n ajuimak cheia kae.

JEREMIAH 35:15

Ke’n nanhnenga injônjet a kasōk sânkathemhei kajōngtir hei, anmani’n nanhlam jui kaṭhamak masōna sik, akadik kha nantlona sik anhri pek chei. Nangni leh nanpu sōnhei hneng kapek chei ram a hin, nan-om ṭhak theina sik a, nangni’n pathen ralak kamuk mak ruh khana razen mak hei ruh tia an-gîk ṭhak chei. Tâk-kha nangni’n kei ṭonghri chu rangei mak chei, heitea donmak cheia kae.

JEREMIAH 7:13

Nangni’n hiva setnahei hi nantlo jo, ke’n ave-avea nanhnenga kahri ravâng nangni’n rangei mak chei. Ke’n kabek chei pha, amasôn mak chei.

HOSEA 4:1

Hiva ram a ka-om mihei chunga Rōngpu’n mô pekna inkhat anei. Israel, kaṭong hri hi rangei roh: “Ram shunga hin hlamrinna, khana inlungsetna om mak a kae, khana mipuihei hin kei hi Pathen tia ahnōm mak hei.

HOSEA 5:1

“Thempuhei, hiva ṭong hi rangei ruh! Israelhei, malung kahlut a rangei ruh! Reng innshunghei, nangni rangei ruh! Nangni kadik a ṭong nantatan sik rahōi kachang, khava jâra nanchunga ṭong tanna kha ka-om sik jo! Nangni Mizpah a châng, Tabor tlânga lenchâng inzâr,

ZECHARIAH 1:4

Nanpu sōnhei kapō angmak ruh. Tenlaia inphut kaṭong kha sânkathem he’n antamanthei jo hei kae, ṭōnse tlopuma an-om makna sik, setna ṭōntloa anhring nôk makna sik a anmanthei hei. Tâk-kha anmani’n kaṭong arangei mak hei khana ajuimak hei.

EPHESIANHEI 4:17

Khava jâra ke’n, Rōngpu rahminga karakôk chei kae: akahnem mak indon Jât-hlop hei kapōa, hringṭhak mak jo ruh,

DÂNRABU INHNINA 12:32

“Ke’n ṭong kapek chei rakip hei kha tlo ruh, heite hapsa leh losōt tlomak ruh.

DÂNRABU INHNINA 30:20

Rōngpu nan-Pathen kha lungset ruh, ama jui ruh khana taksenthei chang ruh, nanpu nanpa Abraham, Isaac leh Jacob hei hneng pek sik a ale’ntepna ram a khan pha kasôttak ka-om sik chei.”

DÂNRABU INHNINA 4:6

Taksentak a jui hei ruh, hivahin nangni heituk a akasing chei mo ti kha jât-hlop hei hneng inlâr sik. Hiva dânhei hi anthei pha, anmani’n anti sik, ‘Heituk a singna leh manhretna mo hiva jât kalen he’n antanei hi!’

DÂNRABU INHNINA 5:29

Hiva kapōa ahei tik a anmandon ṭhak inchu nu! Anmani leh ansōnhei sik ahei tik a akaṭha achangna sik a ankaja ṭhak enga kaṭong pek rakip anjui inchu anmani leh ansōn anpârhei sik a kaṭha sik.

DÂNRABU INHNINA 6:2

Khava ram a khan pha kasôttak nan-om theina sik a, nangni leh nansōn he’n kapek chei dân rakip hei hi nantajui sik khana Rōngpu nan-Pathen kha nantakaja sik kae.

DÂNRABU INHNINA 8:6

Kha achang jâra, Rōngpu ṭong pek chei kapōa nangni’n tlo jo ruh: adânhei dungjuia om-una aṭong jui ruh.

THESSALONIANHEI INHNINA 3:12

Khang khava mihei kha keini’n Rōngpu Jesu Christa rahminga ṭongpekna leh rakôkna kantaheinei kae, anmani’n hringkhō kaṭhatak a omna leh sâk hmuna sik ṭōn intlo hei rasoh.

SAMUEL INKHATNA 8:9

Khava jâra rangei hei roh, tâk gîkna inhnaktak pek hei roh khana heikhonga mo anreng he’n antarazen sik hei ti kha hrimanchên pek hei roh.”