JEREMIAH 11:4 - LEKHARABU INTHENG (BSI)

⁴ Hivahi anmani hei sik a hmei taro mankâng kapō ram, Egypt a inphut kaheiṭhōisōt lai hei anpu sōnhei leh kaleisyem jo intepna kha kae. Anmani’n kaṭong anjuina sik a khana kaṭong pek rakip antlosōtna sik a kalei manthei hei. Anmani’n kaṭong anjui inchu, anmani kami kachang sik hei, kei an-Pathen kachang sik eng, tia kahri pek hei.

JEREMIAH 11:4 ပူးပေါင်းရင်းမြစ်များ

A’NPHUTNA 17:8

Tûntak a khōhme nachangna ram hi, nang leh natu-nasahei kapek sik chei kae. Canaan ram pumpui hi ahei tik a natu-nasahei chen kachang sik, khana kei an-Pathen kachang sik eng.”

RENGHEI INKHATNA 8:51

Khava hmei kasuk ratap, Egypt a inphut naheiṭhōisōt anmani kha nami khet hei kae.

RENGHEI INHNINA 18:6

Ama’n Rōngpu kha ataksen hêr khana aṭong juilo leitlo hêrmak, tâk Rōngpu’n Moses hneng aleipek ṭongpek rakip inrintak a aleijui.

SŌKSŌT 20:6

Tâk-kha kalungsetna hi kei inlungset leh kadân kajuihei khang lishing lishing hnenga katlung.

ISAIAH 30:6

Hivahi thlâng intong nêrdiram ramsha chungchânga Pathen ṭongphông kae: “Palaihei kha ṭit ka-om ramhei, shabakkai omna, hrise omna, khana akajōng thei rihren hei omna a khōhme kase hei. Anmani’n shakōrtung leh sharîngsei hei kutchoi mankatam anmanrôn heia inṭangpui ankapetor mak jât-hei hneng kase heia kae.

ISAIAH 48:10

Ke’n nangni dangka ratap a sormantheng kapōa, inrengna hmeishunga ka-enmansin chei kae. Tâk-kha nangni hnemna kase nanchang kha kahmu sōt a kae.

JEREMIAH 11:7

Ke’n anpu sōnhei Egypt a inphut kaheiṭhōisōt lai hei khan, kaṭong anjuina sik a kaṭhatak a kamanse hei, khana tuning katlung mipuihei kalamanse ṭhak heia kae.

JEREMIAH 24:7

Anmani’n kei hi Rōngpu eng kae tia manhret hnōmna malung kha kamannei sik hei. Khana anmani kami kachang sik hei, khana kei anmani Pathen kachang sik eng, ajârchu anmani’n anmalung pumpuia kahnenga hong inle sik jo heia kae.

JEREMIAH 26:13

Nangni’n tuna nan-omchen khana nanchôn dânhei nantathleng sik kae, Rōngpu nan-Pathen ṭong kha nantajui sik kae. Khanga nantlo’nchu, ama’n nanchunga inhmangna ahei choi sik a aleihri kha, amandonna kha athleng sik kae.

JEREMIAH 32:28

Ke’n hiva khōpui hi Babylon Reng Nebuchadnezzar leh aremihei kapek sik jo kae; anmani’n anhlō sik jo,

JEREMIAH 38:20

Ke’n kahri, “Anmani kut chunga nang pek sōt mak hei tin. Rōngpu ṭong kha najui sik a kangek che; khan chu heirakip nang sik a akaṭha kachang sik, khana nahringkhō huksōt kachang sik.

EZEKIEL 11:20

Khava sōa kadân annit sik jo khana kaṭong pek rakip taksentak a anjui sik jo. Anmani kami kachang sik hei, khana kei an-Pathen kachang sik jo eng.

EZEKIEL 14:11

Khang’khan Israel he’n kei andahlon enga anbing setna khan antasuk mannim hei kha tingna sik a hivahi katlo sik kae. Anmani kami akachang sik hei kae khana ke’n anmani Pathen akachang sik eng kae.” Chunghnung Rōngpu’n ahri jo.

EZEKIEL 36:28

Khava sōa ke’n nanpu sōnhei hneng kaleipek ram a khan ka-om sik chei. Nangni kei mi kachang sik chei, khana kei nangni Pathen kachang sik eng.

EZEKIEL 37:23

Limsyem kamuk a khana setna tloa anbinga inbōk nôk mak jo hei ning. Anmani setna antloa kei anmasetna eng rakip a inphut kamasō sik jo hei. Ke’n anmani kasuk mantheng sik hei, anmani kami kachang sik hei, kei an-Pathen kachang sik eng.

EZEKIEL 37:27

Khana khan anmani leh ka-om sik ung; kei anmani Pathen kachang sik eng, anmani kei mi kachang sik hei.

DANIEL 3:26

Khava jâra Nebuchadnezzar in hmeipun omna kot a kasea abek a, “Sadrakh! Meshach! Abednego! Chunghnung Pathen sōk-hei! Heisōk ruh!” Inrangtak a heikasōk heia kae.

LEVI-DÂN 26:12

Ke’n nangni ka-ompui sik chei; nan-Pathen kachang sik eng, nangni kei mi kachang sik chei.

LEVI-DÂN 26:3

“Kei dân dungjuia nanhringa kaṭong pek nanjui inchu,

ZECHARIAH 13:9

Khana alakahring sem thum changna hei kha hmei in dangka amanthengsōt kapōa ke’n ka-enmansin sik hei. Sana enmansinna kapōa ke’n ka-enmansin sik hei. Khava sōa kahnenga derna anhongnei sik, khana ke’n kamasôn sik hei. Anmani kamihei kae tia kahri pek sik hei, khana anmani’n kei hi an-Pathen eng kae tia anhrisōt sik jo.”

ZECHARIAH 6:15

Ram kahlatak a mihei kahong sik heia kha Rōngpu Bek-inn kha anhong sakpui sik. Khavakha ansak sōtō leh kei hi Chunghnung Rōngpu’n nanhnenga ahei tir eng kae ti hi nanmanhret sik. Hiva rakip hei hi nangni’n Rōngpu nan-Pathen ṭongpek kha pui katluk a nanjui inchu ahei kasōk pet sik kae.

ZECHARIAH 8:8

Jerusalema aka-om sik hei ke’n avea nisō tlaitlâk a inphut kaheiṭhōi male nôk sik hei. Anmani kami kachang sik hei khana kei an-Pathen kachang sik eng khana ke’n anchunga taksen theitak leh kadik a vai karôn sik hei.

MATTHEW 28:20

khana kaṭong pek chei rakip hi anjuina sik manthei hei ruh. Khana pha a’nchaina katlunga ahei tik a ke’n ka’nṭhōipui ṭhak sik chei.”

CORINTHIANHEI INHNINA 6:16

Heikhong mo Pathen bek-inn kha limsyem bekna leh man-ang thei sik? Ajârchu akahring ṭhak Pathen bek-inn kha eini me kae! Pathen ama khet in ahri: “Ke’n ka-inn kha kami heia inphut kasyem sik khana ankâra ka-om sik eng; kei an-Pathen kachang sik eng, khana anmani kami akachang sik hei kae.”

DÂNRABU INHNINA 11:27

tuninga kapek chei Rōngpu nan-Pathen ṭongpek kha nanjui inchu, mahâmṭhatna kae;

DÂNRABU INHNINA 4:20

Tâk nangni chu khava hmeipun kasuk, Egypt ram a inphut ahuksōt mipui chei kha kae. Tuninga nan-e kapōa, ama mi kachang sik a aheiṭhōisōt chei kae.

DÂNRABU INHNINA 5:6

‘Sōk nanlei changna Egypt ram a inphut nankahuksōt, kei hi Rōngpu nan-Pathen eng kha kae.

HEBREWHEI 5:9

Ama pui katluk achang sō pha, ama kataksen rakip sik kumleikō hukmanhringna kung kha kachang jo,

SAMUEL INKHATNA 15:22

Samuel in ati, “Khō kha mo Rōngpu’n amadu: ṭongjui mo a-emak leh tōkna leh inthoina mo? Ahnenga kemōng kaṭhapen inthoina natōk kanek a chu aṭong najui kha kaṭha jôk.