JEREMIAH 11:20 - LEKHARABU INTHENG (BSI)

²⁰ Khava sōa ke’n kader, “Chunghnung Rōngpu, nang chu akadik ṭongkatan che kae; nang in mihringhei malung leh antamandon na-enmansin kae. Kei chunga ṭong ka-om hei hi nakut a kapek che, khava jâra hiva mihei chunga phu nahlō pek sik eng kha ke’n en che rong.”

JEREMIAH 11:20 ပူးပေါင်းရင်းမြစ်များ

A’NPHUTNA 18:25

Akaṭhemak hei kha ṭhena kaneihei leh inṭhōia that mak hei tin chea kae. Khachu akae theimak kae. Khachu tlothei mak tin che. Khanga natlo’nchu ṭhena kaneimak hei kha ṭhena kaneihei leh inṭhōia karâkna pek sōmna kae sik jo. Khachu akae theimak kae. Raleichung pumpuia ṭong katanpa khan kadiktak a ṭōn atlo sik kasōk.”

RENGHEI INHNINA 19:14

Reng Hezekiah khan chithi kha ahei karôn heia inphut aloa atei. Khava sōa ama Bek-inna kasea, chithi kha Rōngpu hma ada a,

THUHMINGHEI INKHATNA 28:9

Khana Solomon hneng ama’n ati, “Kasapa, napa-Pathen hneng manhretna nanei sik leh malung hlop neiloa khana intluktak a narazen sik a kamanse che kae. Ama’n eini maduna leh mandonna amanhret a kae. Ahnenga nase’nchu arahlâng sik che; tâk-kha ahnenga inphut nasesōt inchu ahei tik a sik a adahlon sik che.

THUHMINGHEI INKHATNA 29:17

Nang in mi rakip malung na-enmansin ti ke’n kamanhret, khana malung intheng hei chunga namalung katlâi. Ke’n malung inthengtak a khana pek hnōmtak a hiseng hi katōk che kae, khan chu nimipuihei hinna ahon’tûp seng hin inpâktak a nang hneng tōk sik a anta heichoi kahmu sōt a kae.

JOB LEKHARABU 5:8

Kei hin nang kaleichang inchu, Pathen hneng kaleihnget a ahnenga kaṭong hi kahrisōt sik jo.

HLAHEI 139:23

Ei-en mansin roh, Eh Pathen, khana kamalung hi ei-manhret pek roh; a-enmansin ina kamandonna hei hi ahmu sōt pek roh.

HLAHEI 35:2

Napho leh nachem inlo ina, ani kasan sik a hong roh.

HLAHEI 43:1

Eh Pathen, ṭhenakase kachang amalârpek roh, khana Pathen kaṭitmak heia inphut ahuk roh; mikaṭhamak-hei leh malei kasei heia inphut akatlensōt roh!

HLAHEI 57:1

Kei amarit roh, Eh Pathen, amarit roh; ajârchu hukmanhring madu jâra nahnenga kahong eng. Thlipui khōpui athlengsō mak lai seng khan namathla hnōia in-ungna kanei.

HLAHEI 58:10

Setna katlohei chunga karâkna kha anhmu pha mikadik-hei kha inpâk sik jo hei; anmani’n mikaṭhamak-hei thisen kha tuipea anpe sik.

HLAHEI 7:10

Pathen chu kei kahrungpa kae; aṭong kajuihei kha ahuk hei.

HLAHEI 7:8

Nang chu mihring jât pumpui ṭongkatan che kae. Kei lum alo ina ṭong tan roh, O Rōngpu, ajârchu kei hi ṭhenakase eng kae ti hi namanhret.

HLAHEI 7:9

Nang chu akadik Pathen inkhat che kae, keini mandonna leh maduna chunga ṭong tan roh, Akaṭhamak katlohei ṭhatmakna kha manbâng hei roh. khana mikaṭhahei kha inpâkman pek hei roh.

HLAHEI 98:9

ajârchu ama kha raleichung vai karôn sik a kajōng! Ama’n ralei mi rakip chunga akadik leh akaṭha vâng vai arôn sik.

JEREMIAH 12:1

“Rōngpu, kachunga ṭong kasōk hi nahnenga kahei rôn sōt inchu nang in akadik kha namanchên sik. Kha’num, ṭongdik chungchânga ṭong kader hi sik che. Heisa mo malung kaṭhamak he’n hingtuk hrep a akahao hei? Heijâra mo malung intheng mak he’n chung sōkna antanei tor?

JEREMIAH 12:3

Tâk-kha, Rōngpu, nang in kei namanhret eng; heimo katlo heituk a kalungset che mo ti kha nahmu. Hiva mikaṭhamak-hei hi kemōng rachen sik hei kapōa keisōt hei roh; antuk thatna sik pha kha atluk mak hma seng hrung hei roh.

JEREMIAH 15:15

Khava pha ke’n kahri, “Rōngpu, nang in namanhret. Kei amandonsōt roh khana abôm roh. Kei kasuk inrim hei chunga phu amanhlō roh. Anmani’n kei antha torna sik eng katlunga khan en-hnâm mak jo hei roh. Kei in inzakna karatō hi nang sik jâra kae ti hi mandonsōt roh.

JEREMIAH 17:10

Rōngpu ke’n, mihring mandonna kajong hei, mihring malung ka-enmansin heia kae. Ke’n mi inkha-khat hi an-omchen dungjuia anṭōntlo dungjuia karazen hei.”

JEREMIAH 17:18

Kei kasuk inrim hei inzakna pek hei roh, tâk-kha kei chu aṭhensōt roh, Rōngpu. Ṭitna khan mansip hei roh, tâk-kha kei chu amanṭit mak roh. Anchunga inrengna masō roh khana ahar-ahak a vōk manchim hei roh.

JEREMIAH 20:12

Tâk-kha Chunghnung Rōngpu nang in mihei kadiktak a na-enmansin hei; nang in anmalung leh anmandonna kha namanhret. Khava jâra kei ani kadōihei chunga phu nahlō kha hmu che rong, ajârchu kei inphinna ṭong hi nakut a kapek jo che kae.

ṬAJAISUINA 3:58

“Rōngpu, kei kahuk sik a kahong chea kahringkhō nahuk enga kae.

ṬAJAISUINA 3:59

Kei ka-ôp a ṭong tan roh; kei chunga akadik mak a tlona eng kha namanhret.

ṬAJAISUINA 3:64

“O Rōngpu! anmani antōntlo dungjuia karâk hei roh;

EZEKIEL 11:5

Rōngpu rathla khan ahrung enga, Rōngpu’n hiva ṭong hi mihei hnenga hrina sik a amanthei eng, “Israelhei nangni tahri leh ṭōn mantlukna kha ke’n kamanhret.

ṬŌNTLOHEI 17:31

Ajârchu akadeisōt mi inkhatpa jâra vânhnōi pumpui hi akadik a ṭong atanna sik kanikhō kha atep jo. Amapa kha thina inphut akei mathōi jo jâra khan hivahi mi rakip hneng malâr manchênna anei jo!”

PHILIPPIANHEI 4:6

Heite inkhat chunga malung inrimna neimak ruh, tâk nanderna rakip a manpâkna malung leh inṭhōia nanta madu rangei kha derṭhak ruh.

TIMOTHY INHNINA 4:14

Alexander sumsen kakhengpa’n asuk manset hêr enga kae; Rōngpu’n ama ṭōntlo dungjuia amale sik.

PETER INKHATNA 2:23

Mi’n inzakna anpek pha ama’n tûte manzak male mak, inrengna ade pha mi maṭhitna neimak, tâk ṭongtan kadikpa Pathen chunga inhōrṭhak a ka-om.

ṬONGPHÔNG 18:20

Amanu inhmang jâra marvân inpâk ruh! Pathen mihei, sânkathemhei leh sonlehei, inpâk jo ruh! Ajârchu amanu’n nanchunga aleitlona dungjuia Pathen in achunga masetna apek jo kae!

ṬONGPHÔNG 2:23

Mihring malung mandon leh tamadu rangei inhret kei kachangna hi bekrup rakip in anmanhretna sik, amanu sahei kha kathat sik jo hei. Nangni’n nantatlo dungjui et a ke’n nankhenga kamale sik chei.

SAMUEL INKHATNA 16:7

Tâk Rōngpu’n ahnenga ati, “Heituk a’nshânga ahme aṭhat inum malung manhlut mak roh. Ke’n ama rahlâng mak eng, ajârchu mihei ta-en kapōa ke’n enmak eng. Mi’nchu avânga ahmesō an-en, ke’nchu anmalung shunga ka-en kae.”

SAMUEL INKHATNA 24:15

Rōngpu’n ṭong atan sik, eini kâra tu mo akaṭhe me, ama’n ṭong amathlâk sik. Hiva ṭong kasōk hi ama’n ensin rasoh, ahrung rasoh, khana nanga inphut kei ahuk rasoh.”