JEREMIAH 11:15 - LEKHARABU INTHENG (BSI)

¹⁵ Rōngpu’n ahri, “Ke’n kalungset mihei khan ṭōn kaṭhamak kha antlo jo. Kabek-inn shunga ratha anneina sik heimo aka-om sik jo? Anmani’n ṭong intepna ansyem leh ran inthoina annei leh inrengna hi kanting tor sik tia antamandon mo? Khava khan amanhōitor sik hei mo?

JEREMIAH 11:15 ပူးပေါင်းရင်းမြစ်များ

HLAHEI 50:16

Tâk-kha mikaṭhamak-hei hneng khan Pathen in ahri, “Heisik a mo kaṭong pek hei kha nantateisōt sik? Heisik a mo ka’ntepna kha nantahrisōt sik?

HLAHEI 60:5

Nahratna vâng khan ahuksōt roh; kanderna amasôn roh, nalungset mihei kha huksōt anchen theina sik a.

ṬONGCHÎK-HEI 10:23

Akadik mak tloa kahōi sak ti hi mikamo omchen kae. Manhretna kanei he’n singna ṭōna kahōi ansak.

ṬONGCHÎK-HEI 15:8

Mikaṭha he’n derna annei pha Rōngpu malung katlai, tâk mikaṭhamak he’n ahnenga anta heichoi inthoinahei kha amater.

ṬONGCHÎK-HEI 2:14

akaṭhamak ṭōn tlona inpâk hei, khana akaṭhamak kahōia katheihei kha kae.

ṬONGCHÎK-HEI 21:27

Mikaṭhamak he’n tōk sik anta heichoi neinâk kha Rōngpu’n amater; adek a anmalung mandon intheng loa antlo’nchu.

ṬONGCHÎK-HEI 26:18

Mi inkhat in mi inkhat hlamleting aṭhōisōa, sem kamanlo kae kati kha, mi invet in thinathei hmangchâk indeina anei kapō kae.

ṬONGCHÎK-HEI 28:9

Dân najui mak inchu, naderna kha Pathen in mater ka-om tak a athei sik.

ISAIAH 50:1

Rōngpu’n ahri, “Mi inkhat in anuhmei ada kapōa, kamihei hi kei tahnong sōt hei kae tia nantamandon mo? Kha achang inchu, kadana hei lekha kha khomo? Mi inkhat in asahei sōk sik a ajōrsōt hei kapōa, rehringa sur sik a kajōrsōt cheia mo nantamandon? Changmak, nansetna jâra rehringa akase chei kae; nanṭhena jâra tirsōt akae chei kae.

JEREMIAH 12:7

Rōngpu’n ahri, “Ke’n Israel kha kadahlon jo; ke’n kakadei jât-hei madu mak jo eng. Ke’n kamalungset mihei kha, an-inrepuihei ratha neina thōia kapek sōt jo hei.

JEREMIAH 13:27

Ama’n amater ṭōn nantlona kha ahmu jo chei. Khōvelhei pathen chingbunga leh phaichama, pase inkhat in a-inn sirpa nuhmei amadu achangmak leh shakor chere kahur in arala atajui kapōa nansena hei kha ama’n ahmu sō cheia kae. Jerusalem mihei, nangni inhmang jo chei! Heitiktâk leh mo nangni a’ntheng sik chei?

JEREMIAH 15:1

Khana Rōngpu’n kahnenga ahri, “Moses leh Samuel hei kapha’num hin anngira kahnenga anmani sik anngek inum, ke’n hiva mihei chunga lungsetna inkhatbek manhmu mak jo hei ning. Manse jo hei roh, kahmit hmua inphut mansesōt jo hei roh.

JEREMIAH 2:2

Jerusalema ka-om mi rakip hnenga hiva ṭong hi vaphôngsōtna sik a amanthei eng. “Ke’n kamandonsōt, nakhangdông changlai heituk-hrep a taksenthei aleikachang che mo, niluhông bilai khan chu heituk-hrep a nalungset eng mo; Nêrdiram a, heite kekmakna ram a khan naleijui eng.

JEREMIAH 23:11

Rōngpu’n ahri, “Thempuhei leh sânkathemhei kha pathen kaneimak hei kae; Bek-inn shunga ṭōnse antatlo kha kasursōt hei.

JEREMIAH 3:14

“Taksenthei kachangmak mihei, hong inle ruh; nangni kami chei kae. Khōpui rakip a mi inkhat ṭim, khana phung rakip a mi 2 ṭim kakadei sik chei, khana ke’n Zion Tlânga kaheiṭhōi male sik chei.

JEREMIAH 3:8

Ke’n Israel ka’nṭhen puia katirsōt kha Judah’num aleihmu ajârchu ama’n kahnenga inphut inhesōt a noti vakachang joa kae. Tâk-kha taksenthei kachangmak Israel nainu Judah kha, ṭitna neimak. Ama’m noti hongkachang jo

HOSEA 3:1

Rōngpu’n kahnenga ati, “Avea se nôk ina mi leh akajông nuhmei inkhat hneng nalungsetna vamalâr roh. Israel he’n pathen ralak ansora vomhrui kachâr kha limsyem hnenga antōk heia a-enum, tûn katlung kamalungset hei kapōa nang in ama nalungset sik kae.”

MATTHEW 22:11

Rengpa kha hmelâk-hei ka-ena hongkahlut, pase inkhat hmōiṭhōi retpōn a’nvonmak ahmu sōt jo.

LUKE 8:28

Ama’n Jesu ahmu pha rasa inhnaktak a ka-ônga, ahmai kunga inkuna: “Eh A’nshângpen Pathen Sapa Jesu, kei heimo namanlo sik eng? Khōdeng theina apek mak roh,” tia angêk.

ROMANHEI 11:28

Anmani’n ṭong kaṭha kha anlei-hnōm mak jâra, Jehudihei kha nangni Jât-hlop hei jâra, Pathen inrepui kachang jo hei. Achang ravâng anmani Pathen takadeisōt hei anchang dungjuia, anpu sōnhei jâra aṭhōnhei kha kae.

CORINTHIANHEI INKHATNA 13:6

lungset in akaṭhamak chunga inpâk mak, tâk akadik chunga inpâk.

TITUS 1:15

Mi intheng hei sik a heirakip intheng; tâk a’nthengmak hei sik a leh akataksenmak hei sik a chu a’ntheng inkhatbek om mak, ajârchu anmanhretna leh anmandon ṭhen theina kha intheng mak a kae.

JAMES 4:16

Tâk-kha tûn nangni inlensak chei khana in-or chei; khang khava in-orna rakip kha dikmak.