JEREMIAH 11:14 - LEKHARABU INTHENG (BSI)

¹⁴ Jeremiah, hiva mihei kahlanga kahnenga ngekna heinei mak roh. Anmani an-inrim pha, inthōpuina sik kahnenga ander eng pha, rangei pek mak hei ning.”

JEREMIAH 11:14 ပူးပေါင်းရင်းမြစ်များ

HLAHEI 66:18

Kasetna hei kha kadon mak inchu, Pathen in kaderna arangei pek mak ning.

SŌKSŌT 32:10

Tûnchu, akhâm mak jo roh. Anchunga kahnuk kana jo, kasuk manhmang sik jo hei kae. Khava sōa nang leh nasōnhei kha jât kalena kasyem sik jo chei.”

JEREMIAH 11:11

Khava jâra tûnchu, Rōngpu ke’n, anmani antlânsōt tor makna sik a, anchunga insuk inhmangna kajōng rôn sik jo kae tia gîkna kapek hei. Khana anmani’n kahnenga inthōpuina sik a anṭap inum rangei pek mak jo hei ning.

JEREMIAH 14:11

Rōngpu’n kahnenga ahri, “Hiva mihei inthōpuina sik kahnenga adermak roh.

JEREMIAH 14:12

Anmani’n thlai anhngōi inum inthōpuina sik a anṭapna kha theipek mak hei ning; anmani’n ro-inthoina leh hmuchi inthoina atōksōt inum, anchunga tlaidek mak ning. Khava kanek a, ke’n re leh vonṭâm leh hrise vânga kaṭha manram sik hei kae.”

JEREMIAH 15:1

Khana Rōngpu’n kahnenga ahri, “Moses leh Samuel hei kapha’num hin anngira kahnenga anmani sik anngek inum, ke’n hiva mihei chunga lungsetna inkhatbek manhmu mak jo hei ning. Manse jo hei roh, kahmit hmua inphut mansesōt jo hei roh.

JEREMIAH 7:16

Rōngpu’n ahri, “Jeremiah, hiva mihei sik a ngekna neimak roh. Anmani kahlanga ôngmak roh khana dermak roh, anmani sik a kahnenga hripek mak hei roh, ajârchu naṭong kha rangei mak ning.

HOSEA 5:6

Anmani’n ansehei leh ankemōnghei Rōngpu hneng inthoina tōk sik a ankei hei, tâk khava khan akaṭha tlopek dekmak hei. Anmani’n ama hmutor mak hei ajârchu ama’n adahlon jo heia kae.

ZECHARIAH 7:13

Ke’n ṭong kahri pha anmani’n anrangei mak jâra, anmani’n ander pha ke’n rangei pek mak hei eng.

MALACHI 2:13

Hivahi nangni tatlo inkhat nôk kha kae. Nangni’n Rōngpu maichâm kha hmit-rathli sōkpum a, ṭap leh in-ôipum a nankeisôt, ajârchu nangni tahei choi inthoina kha ama’n rahlâng mak a kae.

JOHN INKHATNA 5:16

Nang in nasōpui inkhat set-tlo nahmua, aset tlo kha thinathei katluk achangmak inchu, hringna kapek sik Pathen hneng naderpek sik kae. Hivahi thina setna akatlomak hei sik a kae. Tâk-kha thina katluk setna ka-om, khava sik a derpek ruh kati chei changmak.