JEREMIAH 11:11 - LEKHARABU INTHENG (BSI)

¹¹ Khava jâra tûnchu, Rōngpu ke’n, anmani antlânsōt tor makna sik a, anchunga insuk inhmangna kajōng rôn sik jo kae tia gîkna kapek hei. Khana anmani’n kahnenga inthōpuina sik a anṭap inum rangei pek mak jo hei ning.

JEREMIAH 11:11 ပူးပေါင်းရင်းမြစ်များ

RENGHEI INHNINA 22:16

Rōngpu a inphut hiva ṭongthei hi anvahrina sik amanthei hei: “Rengpa’n ateisōt lekha shunga a’nzet kapōa ke’n Jerusalem leh amihei seng karâkna kapek sik hei.

THUHMINGHEI INHNINA 34:24

Rōngpu a inphut athōia ṭonghei hi anvahri pekna sik a amanthei hei: “Rengpa hnenga a’ntei jo lekha shunga aka-om hâksêrna kapōa ke’n Jerusalem leh amipui rakip chunga karâkna kapek sik kae.

JOB LEKHARABU 35:13

Anmani ôngna kha ahnemna om mak; Chunghnung Pathen khan hmumak hei, theipek mak hei.

HLAHEI 18:41

Anmani’n inthōpuina sik a kaṭap hei, tâk tûte’n hukmak hei; anmani’n Rōngpu anbek, tâk ama’n masôn mak hei.

HLAHEI 66:18

Kasetna hei kha kadon mak inchu, Pathen in kaderna arangei pek mak ning.

ṬONGCHÎK-HEI 1:28

Khava pha nang in singna hi nabek sik. Tâk-kha ke’n masôn mak che ning. Hmuntina najong sik eng, tâk ahmu mak tin.

ṬONGCHÎK-HEI 29:1

Amandikna che kataia naracham namanse chet-chet inchu, ni khat chu nang anhrop neng sik chea kha heitik che’num ṭhamak jo che ning.

ISAIAH 1:15

“Nangni’n derna nankut nankalâng pha, ke’n enmak chei ning. Heituk nandera achang inum, theipek mak chei ning, ajârchu nankut hei kha thisen in akatoma kae.

ISAIAH 24:17

Kahri hi rangei ruh, mi rakip! Hinahin ṭit ka-om tak hei, khur inthûk hei, khana châng he’n anhngâk ṭhak chei.

JEREMIAH 11:14

Jeremiah, hiva mihei kahlanga kahnenga ngekna heinei mak roh. Anmani an-inrim pha, inthōpuina sik kahnenga ander eng pha, rangei pek mak hei ning.”

JEREMIAH 11:17

Chunghnung Rōngpu ke’n, Israel leh Judah hi kaphun jo hei kae; tâk-kha tûnchu, khōdeng theina vânga maṭhitna kanei jo hei. Anmani’n akadik mak antlo jâra hivahi anbinga anta’nrôn sōt kae; anmani’n Baal hneng inthoina antōk jâra kahnuk antamannat kae.”

JEREMIAH 14:12

Anmani’n thlai anhngōi inum inthōpuina sik a anṭapna kha theipek mak hei ning; anmani’n ro-inthoina leh hmuchi inthoina atōksōt inum, anchunga tlaidek mak ning. Khava kanek a, ke’n re leh vonṭâm leh hrise vânga kaṭha manram sik hei kae.”

JEREMIAH 14:2

“Judah hi ṭajai asuia ka-om; akhōpuihei kha kathi de-de hei, amihei malung inrima raleia kaje hei, khana Jerusalem in inthōpuina amadua kaṭap.

JEREMIAH 15:2

Anmani’n ansena sik hmun ander che pha, kaṭong hri hi manthei hei roh: Ṭhahrep hrise nat a kathi sik hei khavakha ansena sik hmun a kae! Ṭhen khat rea kathi sik hei khavakha ansena sik hmun a kae! Ṭhahrep khat vonṭâma kathi sik hei khavakha ansena sik hmun a kae! Alak-hei kha khum sik a anṭhōisōt sik hei, khavakha ansena sik hmun a kae.

JEREMIAH 18:11

Khava jâra tûnchu, Judah mihei leh Jerusalema ka-om mihei hneng anmani dōina sik a khana karâkna sik a intlukdek jo eng tia hripek hei roh. Anmani anset tlona kha anbângna sik, an-omchen leh anṭōn tlohei kha anthlengna sik a manthei hei roh.

JEREMIAH 19:15

Chunghnung Rōngpu, Israel Pathen in ahri kha kamanthei jo hei, “Ke’n hiva khōpui leh ahneng vena khō kalenhei chunga karâkna pek sik heia kalei ti rakip kha katlosōt sik, ajârchu anmani anracham kase, khana kaṭong rangei mak heia kae.”

JEREMIAH 19:3

Rōngpu’n kahri sik kha amanthei eng, “Judah renghei khana Jerusalem mihei, Chunghnung Rōngpu, Israel Pathen ke’n heimo kahri sik hi rangei ruh! Ke’n hiva hmun a khōdeng theina kamasō sik kae, khava ṭong kathei rakip inhmakban sik hei.

JEREMIAH 23:12

Antajui hlam kha inne sik khana inthim sik, ke’n anmani kamanpai sik hei, khana kapûr sik hei. Ke’n anchunga ṭōnse kamasō sik; anmani karâkna anhmuna sik pha kajōng jo. Rōngpu ke’n kahri kae.

JEREMIAH 25:35

Nangni nan-inphesōtna sik ahlam om mak.

JEREMIAH 35:17

Khava jâra tûnchu, Chunghnung Rōngpu, Israel Pathen ke’n, Judah leh Jerusalem mipuihei chunga ṭongtepna kaneidek jo inhmangna kha kahong masō sik jo kae. Hivahi kamasō sik kae ajârchu, ṭong kahri pha rangei mak chei, khana kabek chei pha amasôn mak cheia kae.”

JEREMIAH 36:31

Ke’n nang leh nasōn-napâr hei khan chu naṭōn karônhei nankhenga setna nantlo jâra karâkna kapek sik chei kae. Nangni nanchanga Judah leh Jerusalem mihei anchanga tûte’n kagîkna chei hi heitea donmak chei, khava jâra kamaṭhitna chei ṭōnsehei kha nanchunga kamathlung sik jo kae.”

JEREMIAH 6:19

Raleichung, rangei roh! Anṭōn mantlukna rakip sik a karâkna inkhat a, hiva mihei chunga inhmangna hi kapek hei kae, ajârchu kaṭong juimak hei khana kaman theina lomak heia kae.

ṬAJAISUINA 2:22

Kan-inrepuihei kha kei kimvea ṭitna anikapek sik a nang in revei sâktlânga nabek hei. Nang hnuk natna kani ning khan chu tûte inphesōt tor mak ning. Lungset leh marit a kavei manhring kasahei kha anmani’n anthatpek jo eng.

EZEKIEL 14:3

Ama’n ati, “Akathithei mihring, hiva mihei hin anlim chunga anmalung anpek sōt khana limsyem khan set shunga ṭhōi manhlutna anei hei. Ke’n ṭong masônna kapek sik hei tia antamandon mo?

EZEKIEL 7:5

Hivahi Chunghnung Rōngpu tahri kae, “Nachunga inhmangna inkhat bâna inkhat ajōng katlung sik.

EZEKIEL 8:18

Anmani’n kahnuk natna rathahrat rakip anhmu sik. Ke’n anmani ṭhensōt mak hei ning khana lungsetna inkhatbek malârmak ning. Anmani’n antor chenna kare inrek a derna kahnenga annei sik, tâk ke’n rangei mak hei ning.”

AMOS 5:19

Khavakha mi inkhat in shabakkai a inphut atlânsōt leh kavom a’ntōpui kapō kachang sik! Achangmak leh mi inkhat inna ahong inle pha akut kha mari tamachuk hrep sik a banga avasit kapō kha kae!

MICAH 3:4

Rōngpu hneng nan-ôngna sik pha kha kahong jo, tâk ama’n masôn mak tin chei. Nanderna rangei mak ning, ajârchu ṭōnse nantloa kae.

ZECHARIAH 7:13

Ke’n ṭong kahri pha anmani’n anrangei mak jâra, anmani’n ander pha ke’n rangei pek mak hei eng.

THESSALONIANHEI INKHATNA 5:3

Mihe’n, “Tûnchu kadai jo, ṭit sik om mak jo,” anti laitak khan manhret manloa inhmangna khan anchunga ajōng suk manhmang sik hei kae! Hivahi nupui nai kanei sik naiha kaphu a’nphut kapōa ajōng katlung sik kae, khana mihei kha tlânsōt tor mak hei ning.

HEBREWHEI 1:3

Ama’n Pathen lûrna kha aser manvâr, ama hi Pathen hringje leh a’n-anghrep kha kae, aṭong ratha neina vâng khan vânhnōi hi hinga aman om. Mihringhei set rangei mandamna ṭōn atorsō leh Ratha Kaneipen Pathen kut changting marvâna in-onga ka-om jo.