JEREMIAH 11:10 - LEKHARABU INTHENG (BSI)

¹⁰ Anmani’n, kaṭong hri akahnōm mak, anpu sōnhei setna ting khan inle jo hei; pathen hlop ankamuk jo hei. Israel leh Judah he’n, anpu sōnhei leh kaleisyem intepna kha anvōkkhōi jo.

JEREMIAH 11:10 ပူးပေါင်းရင်းမြစ်များ

HLAHEI 78:57

anpu anpahei kapōa rahe kase leh ṭong kajuimak kae jo hei, thepui intlunmak kapōa taksenthei changmak hei.

ISAIAH 24:5

Mihring he’n Pathen dânhei ansukkhōia khana ahei tik a aka-om sik intepna anjuimak jâra raleichung anmannim jo.

JEREMIAH 13:10

Hiva mikaṭhamak-hei hin kaṭong jui sik hnōm mak hei. Anmani alerchet a anracham kase khana ṭhamak jo hei, pathen hlop hei ankamuk a anrazen jo hei. Khava jâra tûnchu, anmani hei hi anṭhatna heite aka-om mak jo tōka kabong hei kapōa kachang sik jo hei.

JEREMIAH 17:23

Anpu anpa he’n kaṭong rangei mak hei khana heitea teimak hei. Khava kanek a, anracham kasea, kaṭong juimak hei, keia inphut inthem chûkmak hei.

JEREMIAH 22:9

Khava pha anmani’n insôn sik hei khachu nangni’n nan-Pathen kei leh ni-intepna kha donmak cheia pathen hlop nankamuk a nanrazen jâr heia kae anti sik.”

JEREMIAH 31:32

Hivahi ke’n anpu anpahei Egypt a inphut ankut kamatua kaheiṭhōisōt hei pha intepna marō kha leh in-ang mak ning. Kei hi anpuise kapō kha kachang inum khava intepna kha nitmak hei.

JEREMIAH 44:16

“Nang in Rōngpu rahminga namanthei ung hi keini’n rangei hnōm mak ung.

JEREMIAH 44:5

Tâk-kha nangni’n anṭong rangei mak chei khana nanmalung manhlut mak chei. Nangni’n pathen ralak hnenga inthoina tōkna nanṭōnse tlo kha masō dekmak chei.

JEREMIAH 7:28

Nang in anhnenga hripek hei roh, anjât in Rōngpu an-Pathen ṭong juimak jo hei khana anchunga karâkna khana inphut inchûna neimak jo hei. Inhlamrinna om mak jo. Ahribek um inhrimak jo.

EZEKIEL 16:59

Chunghnung Rōngpu’n ahri, “Nang rahōi sōkna dungjuia karazen sik che, ajârchu nang in na’ntepna donmak che khana intepna kha navōkkhōi jo.

EZEKIEL 44:7

Anmani’n ram hlop mi, vuntanlo hei anmanhlut heia kabek-inn anmanbōk, kahnenga ranthai leh thisen inthoina anitōk kâra kaṭong kajuimak hei khan Bek-inna kahlut hei. Khava jâra kami he’n kei intepna kha mater ka-om ṭōn rakip antloa anvōkkhōi jo.

EZEKIEL 5:6

Tâk-kha Jerusalem in kei ṭongpek chunga arahe kase khana jât-hlop hei kanek a amanu ṭhatchet mak khana akimvea ka-om ram hlop hei kanek a ṭong juichet mak ti hi amalâr. Jerusalem in kaṭong pek ahlon sōt khana kadân jui sik a hnōm mak.

HOSEA 6:4

Tâk-kha Rōngpu’n ati, “Israel leh Judah, nangni hi heimo kamanlo sik chei? Nanlung setna eng kha jîngkâr sumphai kapōa inranga inhmang jo; jîngkâr hmatak a a’nhmangbât radaitui kapō kae.

HOSEA 6:7

“Tâk-kha anmani’n ram kha Adam inti hmun a anhonghlut bia anmani leh ka-intepna kha anvōkkhōi jo.

HOSEA 7:16

Keia inphut inhe heia ratha kaneimak pathen hneng kase ri hei. Anmani hi inngamna omlo, intlunjenlo sai kapō hei kae. Ajârchu anhlam kakeihei kha rahe kasetak a kaṭong hei, re leh sha shunga kathi sik hei, Egypt he’n anhnōise sik hei.”

LEVI-DÂN 26:15

Kei dânhei leh kaṭong pek nanjui hnōm mak inchu khana ke’n nanhnenga intepna kaleisyem kha nanvōk khōi inchu,

ZEPHANIAH 1:6

Keia inphut akasesōt khana kakahnung kajuimak hei, kahnenga akahongmak hei khana anhlam keipekna sik a ani kader mak hei kha kasuk manhmang sik hei.”

ZECHARIAH 1:4

Nanpu sōnhei kapō angmak ruh. Tenlaia inphut kaṭong kha sânkathem he’n antamanthei jo hei kae, ṭōnse tlopuma an-om makna sik, setna ṭōntloa anhring nôk makna sik a anmanthei hei. Tâk-kha anmani’n kaṭong arangei mak hei khana ajuimak hei.

ZECHARIAH 7:11

“Tâk-kha kami he’n hivahi rangei mak hei. Anmalung ankama kae

ZECHARIAH 7:13

Ke’n ṭong kahri pha anmani’n anrangei mak jâra, anmani’n ander pha ke’n rangei pek mak hei eng.

DÂNRABU INHNINA 31:16

Rōngpu’n Moses hneng ahri, “Nang inranga kathi sik jo che, nathisōa mipuihei hi kei hneng taksenthei changmak hei ning, anmani leh intepna kaleisyem kha anvōkkhōi sik. Kei andahlon sik eng, anvahlutna sik ram a jât-hlop hei pathen anvakamuk sik hei.

DÂNRABU INHNINA 9:7

“Nêrdiram a nan-Rōngpu Pathen ahnuk nanta mannat kha mahngi mak ruh. Egypt ram nanhei dahlona inphut hiva hmun nanheitlung ning katlung ama nan-indōipui ṭhak a kae.

HEBREWHEI 8:9

Anpu sōnhei leh intepna kaleisyem kapō kha changmak jo ning, ankut kaleimatua Egypt ram a inphut kaleiṭhōi sōt lai hei kha changmak jo ning. Anmani kanṭong intepna chunga taksenthei leichang mak hei khava jâra ke’n leidon mak hei eng.

ṬONGKATANHEI 2:11

Israel mihe’n Rōngpu dōina set antloa Baal kha kamuk anphut jo.

ṬONGKATANHEI 2:17

Tâk Israel he’n hlamkakeihei ṭonghri leidon mak hei. Israel kha Rōngpu hneng taksenthei changmak jo khana pathen hlop hei ankamuk jo. Anpusōn he’n Rōngpu ṭongpek anleijui, tâk hiva khangtherhei chu inrangtak a kabâng jo hei.

ṬONGKATANHEI 2:19

Tâk-kha hlamkakei kha athisō pha chu, mihei khan hma an-omchen marō tlit a inle nôk hei khana khang marō hei kanek a ṭhachet mak heia kae. Pathen hlop hei anrazena, ankamuk sik, anṭhatmakna masō sik hnōm mak hei.

SAMUEL INKHATNA 15:11

“Saul reng kamanchang hi kamalung hōimak jo; keia inphut inhesōt a khana kaṭong pek juimak jo.” Samuel kha ahnuk kana jo, jânsôt Rōngpu hneng ngekna aneia kae.